أبيات أعجبتني 00 كل واحد يشـارك

اهداء للاخ سعيد العمري بمناسبه طلته للمنتدى اليوم وتواجده


(أنورت بقدومك الدار)...

انورت بقدومك الدار يا غالي
وأسفرت من عقب ماعاد غايبها

طالت الفرقا على وانشغل بالي
غربتك يا زين باليوم حاسبها

يوم طولت السفر زاد غربالي
ما تعيش النفس من غير صاحبها

من إختياري وان شاء الله تنال إعجابكم

أمانه ليه يا غربه كسرتي كل جنحاني=وانا طير يغرد لك يردد أعذب ألحانه
لقيتك بالهوى ضايع غريب بين أوطاني=وظَمّك بالوفا حضني وخنتي الحضن وأوطانه
عطاك القلب ما يملك عظيم أشواق وجداني=عطاك ولا خذا منك .. غير الجرح يادانه
رخصت النفس لعْيونك وجيتك بالهوى عاني=غشيم عاش له حلم وفتح للوهم بيبانه
حسبتك للعمر فرحه بقربك أنهي أحزاني =ولا(حصّلت )أنامنك إلاّ الحزن وألوانه
زرعتك بالوفا ورد لجناين روض بسْتاني =جنيتك بالحشا غدر وخناجر دم روّيانه
عزفت الناي من غدرك وصوته نبْرت أشجاني =أنا الجاني على نفسي وأنا الغلطان يافلانه
حسافه ليتني صديت يوم الصوت ناداني= ولاجاوبت صوت اللي وفاله قلبي وخانه
خلاص اليوم أنا ناسي خلاص اليوم يالجاني=دفنت الجرح في صدري دوّات الجرح نسيانه

هلا وغلا فيك ابو سلطان
ذكرتني باول صفحه لابيات اعجبتني
لله درك وكلك ذوق

صفحه جديده والليالي مقابيل=دام السهر ماخذ إجازه من النوم

هلا وغلا بوسلطان والله مثل ماقال المسكت


ذكرتنا بااول نسخه لك ايها الكاتب القدير

من بادي الوقت وهذا طبع الايامـي = عذبات الايـام مـا تمـدي لياليهـا
حلو الليالي توارى مثـل الاحلامـي = مخطور عني عجاج الوقت يخفيهـا
أسري مع الهاجس اللي ما بعد نامي = واصور الماضي لنفسـي واسليهـا
أخالف العمر أراجع سالف أعوامـي = وانوخ ركاب فكـري عنـد داعيهـا
تدفا على جال ضوه بـارد عظامـي = والما يسـوق بمعاليقـي ويرويهـا
إلى صفالك زمانـك عـل ياظامـي = اشرب قبل لايحوس الطين صافيهـا
الوقت لو زان لك ياصاح ما دامـي = ياسرع ما تعترض دربـك بلاويهـا
حتى وليفك ولو هيم بـك هيامـي = سّيور الايام تجنـح بـه عواديهـا

يسلمو أبو سلطان ..

:

:

لعيونها بس ..
لعيونهاااا ..
قلبي سراب بدونها ..
قلبي سراب ..
وعيني سراب ..
ما أقول أعشقها بعقل !!
مجنونهاااا

على ذكر الايّام القديمة وعهد(ن) فات = أقوم اتصفّح ما طوت صغحة الماضي
واكرّر عبارات النّدم وانثر العبرات = هموم(ن) على قلبي طويلات وعراضي
ويا ونّتي ونّة تعادل عشر ونّات = ويا دمعي اللّي من على وجنتي فاضي

لعيون أبوسلطا ن000 وكافة الأحباب 00000

أبيات متواضعه من قصيده لم تنزل بعد وأتمنى أن تنال الإستحسان

سلامات ياقلبي لاقالوا عنك مجنون=هنيال منهوصرت ياقلب مجنونه
عيوني تشاهد ياغلا في البشر مليون=وغيرك على قلبي حرام يملونه
ترفق بنظراتك على خافق مطعون=تزايدنزيف الجرح والكبد مطعونه
عيونه من الفرقى تمطّرسيول مزون=وتدمع عيوني لأمطرت دمعة مزونه

خليتي المضنا يعض اصبع ايده----------حس الندم مما جرابه وصابي

ادري بك اول من قطع في وريده-------وادري بك اول من يدور عذابي


شوري على نفسي ونفسي سديده----------مالك معي هرجه ولالك عتابي

لاجعل ذاك اليوم ربي يعيده----------------المعرفه واياك كانت سرابي

ارخصت عهد المعرفه والقصيده------------ياما كتبت اشعار من سد بابي

اطلب لك ايام السعاده مديده-------------وادعي على نفسي ويجبر مصابي

ياعل ما صابك يجيني وقيده----------------وتعيش سالم والقدر كان غابي

ياكم تخوفتك وروحي عنيده---------------كان الحذر يسكن معي في ثيابي

يوم حلال المصايب بالقدر قّدر يكون=كانت لنا اقداره وحلت قدرته
في ليلة(ن)مرتاب والدنيا سكون=في لحظة(ن)للوقت غير صورته
بين الرجاء والياس ناس(ن)ماتهون=وعام(ن)مضى يالله تبعّد نشرته

عسى تعبك اللي سكن في حناياك= يسكن ضلوع اللي بقلبه يناجيك
روحي وقلبي كلها من فداياك = واحساسي اللــي دمعته دوم تبكيك
فيك المرض مستوطن أقصى زواياك= وانا ابعذابي كل ليلـه أراعيك
ياللي السجايا تستحي من سجاياك=ياللي على كل العذارى أفاديك
ياللي غمرتيني بصادق سواياك =كل السوايا يالغلا ما تساويك
لو تفقديني دوري في خلاياك =تلقيني ابدمك ودمي يغذيك
غيبتك صعبة والصعب من مزاياك = وانا أشهد إني حايرٍ من تجافيك
ما غير أسامر بالليالي هداياك= وانثر قصيدٍ كل نزفه يحكيك
واستذكر اللي هزّني من وصاياك=يـــومٍ تقولي يا حبيبي بوصّيك
لا لا تنقّص مع غرامي عطاياك=وانا التي من حالي الحب بعطيك
حبيبتي شوفي توالي مراياك = تلقينهــا تحكي حقيقة محاكيك
حبك ملكني .. أقبلت لي سراياك= أستوطنت بين الضلوع المصاكيك
أحسّها في وسط قلبي قراياك= أحسها في وسط روحي مفاليك
أنا ديارك والمشاعر رعاياك = أنا نجومٍ بالليالي تسرّيك
أعشق مزوحك .. آتحرى حزاياك = أستجمع اللي من طباعي يسليك
أحبها البسمة "وزمّة شفاياك " = أشواقك اللي مـــن هدوئك تعريّـك
لحظات سلهمتك .. براءة نواياك =زود اهتمامك .. قـول فيني ولا فيك
مدحك وقول اللللللله محلا غناياك = محلا قصيدك .. عيده الله يخليك !!
إيمائتك .. تمويهتك مع تحاياك= إجفالتك لا من عزمهـا تغليك
جنونك اللي تستحثه شظاياك=معقود حجانك .. سهامــك .. تجنيك
أنا وليلي والسواهر ظماياك =كلي عناااا .. يمكن فناااا .. لكن (أبغيك)
أنا دخيلك بارتوي من حلاياك = بينــي وبينك مــا تحمّـــــل تنحيك
بيحي كنينك .. اطلقيها خفاياك=هذي كفوفي إحضنيها بـ اياديك
يمكن مرضك اللي مزوّد بلاياك = يرحم تعبك ويسكن ابروح مغليك
حبيبتي عسى الذي في حناياك=يتوسّد اللــــي حالفٍ مـــــا يخليك

كنت قاسي زمان وكان بالقلب لين=مدري اليوم لنت وسار قاسي زمان
سرت أقّسـيك ياقلبي ودنيا تفين=مَـره أقول لـّينْ مَـره أقــول لان

في خاطري شيٍ ولا ودي ابديه=شيٍ عليه من الزمان المواري
اليا بدى كثْرت علي المشاريـه=واليا تركته طاريٍ لي طواري

البارحه فكرت قلت اترك الشعر=يـلعن ابوها من مشاعر حـدتني

استغفر الله لعنتي مابها ضّـر=الضر والله يوم نلعن مشاعـر

نفسي أقول
اني حزيـن
إني سجيـن
~لكل ذكرى لك معي~


وأبغى أقول:
إني أنــا
أشكي العنا
~وأقول للذكرى ارجعي~


وأرجع أقول:
ليت الهوى
يجمع سـوى
~أهل القلوب اللي تعي~


ونسيت أقول:
من الفراق
الصدرضـاق
~والعين هلت مدمعي~