أبيات أعجبتني 00 كل واحد يشـارك

يا سعد عيني يوم جابتك الأقدار صدفة ..
وفيها داخل القلب حليت..
دنياي قبلك مظلمة ما بها أنوار ..
وزال الظلام بجيتك يوم هليت..
مثل القمر لك تنجذب كل الأنظار ..
غصب عليه لاحكو فيك فزيت ..

با بو جديل(ن) فوق متنه يفلّه = تطلع دواليقه من الجمه الماي
لاجل الرموش الناعسات المظلّه = على نواظر عندها داي ودواي
اسامحك يا زين عن كلّ زلّه = كم مرة(ن) تغلط وتحصل على ارضاي
تلّيت قلب العناااا تلّة (ن) بعد تلّه = واشعلت نار(ن) حاميه داخل اشواي
ان كان قلب المودماني يدلّه = انته سبب علّة ضميري وبلواي

لا تجرح اللي من عناالوقت مذبوح=همه عظيم وانت بيدك تزيـده
وتريد هجري وانت لي غايه الروح=وأنته حلم ليلي وقلبي وسيده
وأنت الذي حطيت لك جمله اصروح=في وسط صدري راسخاتٍ شديده
وفي بحر حبي لك مواويل وشروح=ومن بين شعري لك نصوصٍ عديده

خـلاص يكـفـى مـريـد الـحـب وهمـومـه= بعيش فى دنيتى حـره وطربانـه

ههههههههه ..

عجبتني طربانه والله !!

انت معاي..!


ولا انت ناوي تبتعد..


عن خط سيري..؟!


انت هواي..؟


ولا انت عندك في الهوى..


محبوب غيري..؟!


وضّح امورك يالحبيب ..


شايف انا امرك عجيب..!


* * *

وين طاير بالهوى..؟!


قلّي ياطيري..؟!


* * *

كل الظروف ..


تشهد عليك ..


اني معك وافي..


مدام امرك بين ايديك..


لا تخلي شي خافي..


شايف انا اسرار ..


تخفيها نظراتك..


حتى صدى الاعذار ..


حاير على شفاتك..


يااااااااااحــــب..


حيرت العيون..


يكفي من الحيره..


خــــــايف..


اجرحك بالظنون وخايف..


من سبّة الغيره..


انا خـــــــــايف..!

آه يابو نورااا ..

يسلموووو جود ..

/

\

/

يوم دك البرد جسمي ....
كان حول النار دفتر
وفوق هـ الدفتر فراشه
وكان جنبه ليل مظلم
ماعرف شكل البشاشـــه
وكنت انا اكتب قصيده
آه .. ماكانت قصيده
كانت بابسط مفاهيم الكتابه
شي يشبه للهشـــاشــه

وكانت النار بمعالمها ترمد
والدفا كان مـتـجـمـد
قلت ابحرق شي يدفيني
قصايد
في طرفها كلها
............. توقيع بأسمي
قلت ابقلبها اباده
.......كود تقتل بعض همي
خذتها .....
قطعتها ....
ارسلتها ......
شبت النار بقصيدي واحترق
ولابقى غير الرماد من الورق
ولادفيت ...
ولاانقتل من همي شي ..
وكل ماسو يت اني ...!!
احرقت لي كل دمـــي ....................
........ ............ .......... ............. ........... .......... ...

كانت الساعه تـدق *** دقه وحده دقتيــن
وكان احساسي ارق *** من مواعيد الحنين

............وكان برد الليل ضاري
...............يشبه اخبار انتظاري
وكان فوق الطاوله شمعه
......................اسميها نهاري
وكنت اكتب فوق صفحه
وكانت الصغحه حزينه
والحبر كان البحر
..........وين السفينه؟
وكان نور الشمعه باهت و متواري
يختفي من دون ظل للقلم
............................يكتب لخلي
..........................وكان كــلي
يرتعش ......
او هو سكنه البرد؟.....واستحلى محلي
وكان اسمك ينكتب مليون مره
وكنت احاول .....
......من حروف اسمك ابستجمع دفا لي
..............................وكان ظلي
يرتمي في حضن اسمك ..
مايرده غير غيره .....
........................وقتها يزداد غلي
حتى نور الشمعه غار......
وصار اسمك ينكتب اكثر و اكثر ...
ومن على وجه الورق ماعدت اميز
...................من هو الاولى بظلي؟
..........اسمك او ........اسمك وكلي؟

...............................تكفى قلي



كم مره اكتب اسمك لاجل ادفا؟

احب ارض تحت رجلك
___________ وان كانت صحاري قفار
وحتى اللي قريب منك
___________ فانا ولو باعني شاري

أحبك ..
و اجرح الما
و اشربك مّوال
أبي أسألك :
كيف الحال ..؟!
أبسهر في عيونك .. طيف
لاساكن ..
و لا رحال ..

/

\

/

أحبك ..
وانثر جنون الرمل .. في جال
وابعثر
ثم أجمع لوعتي في جال
أنا يالهفتي ..
آخر رسوم هزها .. خلخال
و انا أوّل سحابة
عطرتها بسمة ٍ عطشى
وطفتها
دروب طوال
و انا الأحلام .. و الأوهام
وبقايا حكمة .. وخبال
حظوظي ما نقشها طفل في دفتر
و لا قامت على حد الظما .. ترجف
و تمتم بها في لحظة جدبا
مغني .. عاثر
جوال

\

/

\

أحبك كثر ديوان المعري
أو كثر شعر الثبيتي
لا نقش باوراقه الخضرا
شموخ اجبال
واحبك كثر شعره
لارسم " تغريبته " .. فكتاب
يشبه دهشة الأطفال
و احبك كثر ابو الطيب
كثر موج البحر .. .لا صار همزة وصل
بين الياس
و الآمال

/

\

/

احبك ..
بس لو تدري .. وش همي
ليا وزّعت عمري بين عم و خال
و خذتني زحمة الشارع

وشفت من العذاب .. أشكال
يصير الهم
- كل الهم -
متى اسألك :
كيف الحال ..؟!

قللي وش اللي مـن غرامـك جنيتـه=يا اللي جرحت إحساس قلبي والأشواق
يوم الغـلا كـل الغـلا لـك عطيتـه=أصد عنـك وأرجـع أقـول مشتـاق
يـا للأسـف وشلـون حبـي نسيتـه=وقلبي معك من سكرة الحب مـا فـاق
بعت الغـلا مـن كـل قلبـك رميتـه=وحب ٍ حفظته لك زرعتـه بالأعمـاق

فيها براءه فوق كل المعايير.=الكون كله لو بغى ماختصرها.

صوت الآذان..

كل مااسمع نداه..

واسرح ببالي معاه..

يلتفت حلمي علي..

وتهذب خيول النصر..

فالصدر تمشي وراه..

وكني اشوف النبي..

والصحابه والجهاد..

وبيرق ابيض من سواد..

والف قصه من نصر..

كلها كانت مهر..

علمتني اني اسرح في الآذان..

كل مااسمع نداه..

حتى لو كثروا عداه..

واتسنّن ركعتين..

وبين آذان..وبين إقامه..

أتذكر كيف كسرى..

كان اقوى من الجميع..

وتاجه هزمته عمامه..

والعدو ..حتى لو يكثر كلامه..

ماثنى عنق المآذن..

وماخنق صوت الآذان..

والعدو..ليته قلّب فالسنين..

او قرى بصدق ويقين..

كان شاف.. إنّا نموت بكل سعاده ..

ويعيش دين..

تعالي نرسم الفرحه شقا ونعانق الأحــلام =تعالي لو شقا الأيام تقصينا لياليها
تعالي دونك الدنيا بلا معنى كما الأوهام =تحسسني بغربة ما قوى قلبي يجاريها
تعالي صافحي يدي أحس أن الأمل قدام =وأحس أني ملكت الكون والدنيا وما فيها
تعالي لو ببسمة شوق تنسيني عنا الأيام =وتنسيني هموم ٍ عشت بأولها وتاليها

هو صحيح إن الوطن بأمر رب العالمين=وكلنا وأجسادنا فدوة(ن) لك ياوطن!
والصحيح إن الفهد درب درب السالمين=وإن عبدالله وليه وبايعناه علـن!
سيدي سلطان فـخر الدفاع الصامدين=أمنا بأمن الله ألأمن نايف به حكن!
صامدين وثله المبشعه متعاقبين=وكلنا مارح نرتاح دام(ن) به عفن!

كم رجيتك لا تطول فـي غيابـك=يوم شوقي يا الغـلا مالـه حـدود
يوم قلبي ما شكى لحظـة عذابـك=كيف صرت اليوم تنكر بالجحـود
بعت من حبك ومتحمـل عتابـك=ليه ترخص من بحبه لـك يجـود
أحمل احساسي ووقف عند بابـك=ما دريت أنك على نيـة صـدود

وش أقول يامحمد عن الحب وأحكي؟=لا شك تدري وكل الاحباب يدرون
رميت في بحر المحبين شبكي=ضنيت بحر الحب هادي ومضمون
فجأة أنا طحت بشباكي وشركي=واصبحت أنا المصيود واللي يصيدون