أبيات أعجبتني 00 كل واحد يشـارك

معقول بتغيب ؟ (طيب عشاني ) =خلي غيابك يوم وان زاد يومين
اما كذا .. ياحسرتي في زماني=وشلون ابصبر عنك بالله شهرين !!

يا بو ثليل(ن) على الامتان ينهلّ = وان هبّ نسناس(ن) غداله تفاريق
قم اسقني من ثمان(ن) بيض ذبّل = شربه هنيّة واعطنيها على الريق
عليك قلب العنا يا زين ينتلّ = تلّه بتلّه تهّز اقصى المعاليق

يوم وجه لي خطابه قال قوه=طار قلبي من معاليقه وراحي
راح يمه واكتشفت انه مشوه=ماارسله يمي ولا يقصد مزاحي
طاح بيدي واجرحت وقلت توه=ما عرف جرح الهوى ماهو بصاحي
آه يا عيني على اللي شان نوه=حب غيري ثم تركني واستراحي

حسايف ..

تذبل البسمه ..

وهى بين الشفايف ..

تذبل الفرحه وتضيع ...

ويصبح الكون الوسيع ...

مايكفي خطوتين ..

لاكساه الليل بااللون الحزين ..

يوم مدلها يده ..

كانت الرجفة ..

لقااااااااااااا ..

ودعت فيها ..

الشقااااااااااا ..

وتركت بين الأصابع ..

عطــرهــا ..

مسكين ياللي بالتهقوي والاحلام = وبقولتك ياليت تقضي حياتك
ماهي غريبه تسهر الليل ماتنام = ولو قطف زهور المحبه مماتك
أسست بيتك بالتوجد والاوهام = وان طاح لاتزعل تراها سواتك
نهاك عقلك لكن القلب عزام = وعزم بلا عقل يضيع مهاتك
والله من دمعــ(ن) على الخد سجام = وفكر تحير بين ذاتي وذاتك
والغدر طبعــ(ن) بالمخاليق هدام = واكبر مصيبه لفتتي والتفاتك
واليوم انا اشوفه تساهيد وآلام = واقول الا يالقلب هذي مناتك
وزرعت انا الرجوى بها الورد حيام = لكن سقاه الغدر والعطف فاتك
ياللي غدرتوا مارعيتوا لنا ذمام = ياكيف عن حبك يزيد التفاتك
وفرشت رمش العين تاطاه باقدام = وقبلت حقرانك وزمة شفاتك
ماطعت انا في حبكم لوم لوام = وقنعت من ذلي بطارف حتاتك
ومسموح ياللي لا تمخليت ماقام = كنك من النيران تبغى نجاتك
وحطام قلبي زدت انا فوقه حطام = خله يموت وتنفعك معجباتك!!!

مشتاق لك ...وينـــك لك ايــام غايب=وين انت قلي.....وين غابت لياليك
ماهي بعادتك...بليا سبايب=تغيب هالمده عن عيون مغليك
يافرحة أيامي...وكل الحبايب=تعال لو ماجيتني كان اباجيك
عليك قلبي ياهوى البال ذايب=انا وقلبي في غيابك نناديك
سوت بي الاشواق بعدك عجايب=بين الخيال وذكرياتك وطاريك
ادري ماكان الظن بك يوم خايب=وافي ولاتنسى ولاني بناسيك
تعال راق الكيف...والجو طايب=اروي ظمى قلبي بشوفك واحاكيك
لاتقول لي وش عقب غيبتك جايب=كل الهدايا ماتجي فرحتي فيك

انا اكبر ذنب في عمري عشقت عيونك السودا = دفعني لك غرام عاطفي واحلام عطشانه
انا اللي ماتغاليت المشاعر نقصه وزوده = بكل احلام روحي جيت طربانه ونشوانه
تجيك النفس ولهى والخيال العذري يقوده = تبي واحة حنانك عن سموم الوقت مزبانه
وانا اللي جاك قلبي مع مواثيقه مع عهوده = نسف خلفه نصايح كان يوصفها بتعبانه
وجازيته بجرح في صميمه آه ياكوده = يعيش العمر معه وفيه والحرمان عنوانه
ابد مااحملك ذنبي انا اللي كنت مشدوده = انا استاهل انا استاهل انا مليون غلطانه
ويرحل كل "جرح"الا "جروحك"دوم موجوده = ويفنى كل حزن ولا يمل الخاطر احزانه
وانا بوعدك من قلبي وعد لعيونك السودا = اعيش العمر ..كل العمر مجروحه وندمانه

ليش صدك ليش هجرك ياملاك=لايغرك حب في قلبي نزيل
ادري انك عارف قيمة غلاك=ومستحيل انسى ودادك مستحيل
والخيال بكل لحظه مانساك=وعن هواك الروح لايمكن تميل
مرخص لك قلب وعيون تراك=والخيال وروح عشاق عليل
كلهن وان كان مايرون ظماك=لك عروق الدم صارت سلسبيل
مطلبي واحد ومضمونه رضاك=وان حصل يصبح عطاك اكبر دليل
والمصيبه كان شحيت بعطاك=الشقاء مبداه يبدى بالرحيل

يتمتم بالحروف ويكتب الوان الهوى اشعار=هذا قلب(ن) يذوق الحب وعمره ماعشق خاين
صغير القلب في عمره كبير الحب له ماسار=اذا ضاقت به الدنيا يجي قلبي له إيعاين

ياحبيبي في مواعيدك اماني = ياسراب ضاع عمري اتبعه
كل ماقلته وماينطق لساني = اجمل احساس وقلبك يسمعه
غيمك اللي في عطش عمري نساني = وجف نهر وجفت احلامي معه
كنت احس بصوتك الدافي اغاني = والفرح في وسط قلبي مربعه
قسوتك دايم يقابلها حناني = وظلمك الطاغي عجزت اني امنعه
في بحورك كنت ادور عن مواني = وصرت انا في ضيق من عقب السعه
وكان قلبك حب له مخلوق ثاني = فكل مابيني وبينك اقطعه

النفس تجزع أن تكون فقيرة = والفقر خير من غنى يطغيها
وغنى النفس هو الكفاف فإن أبت = فجميع ما في الأرض لا يكفيها

عين تشربك شوف..
وعين تضماك..
لاذبحني ظماك..ولارويتك..
إن طلبت الغلا..قلت الغلا جاك..
وإن سكنت الخفوق..البيت بيتك..
قمت اخيلك ..هنا
..وهناك...
..وهناك
وين ترحل بي النظره .. لقيتك..

علمون(ن) ليه يقتلني الغياب = ليه هو بالذات يهزم مدمعي
ضعت بدروبه وليل الامس شاب = ماقدرت انساه هو دايم معي
اقلب الصفحه وكل عمري كتاب = لاقريته مت..! باطراف اصبعي
ياهتي ..ويلي ..غشى عيني ضباب= لاذكرته..هاض وبليا..وعي
اقفل ابواب الحزن "والجرح" باب = انكسر قفله ومفتاحه ..معي
سلمتني هموم قلبي..للسراب = ضاعت الخطوه وانا اصيح ارجعي
ضاميه والما على كف السحاب = لاقدرت اوصل ولا فايد سعي
كن بين الليل وجفوني عتاب = لاحضنت الليل ..يغرق مدمعي

في عـيوني ..

لك حديقة .. وبخفوقي

لك مكانة ..

قصر فيه الشمع .. والع

ينتظر ..منّك زيارة

.. لو باليوم ساعة ..


ياعيوني افهمي

وش هو مرادي .. أنتي صدر الناس

أنتي .... يا حياتي

لو ترى بالحب بأكتب كنت بأبطي

ماسكـت

لأني أدري .. وأنتي أدرى

.. أني في خـمرك

سـكــرت .

ياسعد عينك تجهل احساس الاعجاب = ويخفى على مثلك كثير انشغالي
ماتفتهم تلميح واسلوب الاحباب = ولاتعرف اني منك متعوب حالي
لو ضاع حقي في محبتك الاسباب = انك تضيم اللي يعدك موالي
ياللي لعيني (نن) غطتك الاهداب = وراك ماحسيت بي وانت والي
اكره معك ضعفي على حرق الاعصاب = واكره يفوتك وش دليل السؤالي
مابيك تصدقني ولا ابيك كذاب = واختار عن بعض الحقايق هبالي