روآيـــا الديـــــره..

إذا مرض أحد بالإنفلونزا أو الزكام عافا الله الجميع ..
له مسميين قديمين عند أهل الديرة . ما هما ؟
يقولون فلان به ..... أو .......

المشاركة الأصلية كتبت بواسطة أبو ريان

إذا مرض أحد بالإنفلونزا أو الزكام عافا الله الجميع ..
له مسميين قديمين عند أهل الديرة . ما هما ؟
يقولون فلان به ..... أو .......

حمى ,, حبرة ,, شيرة ,, ويعة ,, زكمة ,, عفقة ,, شحنة ,, مخاط
هاه كلها خطـــأ ؟
طيب ( ودرة ) .. صح ؟

المشاركة الأصلية كتبت بواسطة المهندســ

حمى ,, حبرة ,, شيرة ,, ويعة ,, زكمة ,, عفقة ,, شحنة ,, مخاط
هاه كلها خطـــأ ؟
طيب ( ودرة ) .. صح ؟

كيف سنعك يا مسلم مذا سنع الأسماء تيه

ودرة صح بس ما كانت على بالي من المسميات اللي أبغاها ..
باقي وصفين أدور عليهما

لامود .
مصدوم ( صدام )

المشاركة الأصلية كتبت بواسطة ابوفهد العمري

لامود .
مصدوم ( صدام )

هذي هي صح لامود وصدام ويا ومتي
لاهنت أبو فهد ..

ابو ريان

والخُشام مذاهو ؟؟؟؟؟

وبعدها يا يماعة
الشيبان زمان اذا ود الواحد يحلق راسه
واللحية يزبطها والشنب مذا يفعل وفيه مسميات
لبعض اماكن الحلاقة مثل الشنب واللحية


هات نشوف مذا معكم

مذاهو الخشام ذيه حن في وجه الله

ابو ريان

شكله النوع الحاد من الزكام
ههههههههههههههههههههههه

ولكن جابوا على هذاااا

وبعدها يا يماعة
الشيبان زمان اذا ود الواحد يحلق راسه
واللحية يزبطها والشنب مذا يفعل وفيه مسميات
لبعض اماكن الحلاقة مثل الشنب واللحية


هات نشوف مذا معكم

أما الراس ...... فيحَسِّن

اما الشنب والليحة مدري ..... او قد نسيت

ههههههههههههه
اللــه من طلاسم هنيه
بارك اللــه فيكم علــى هالمعلومات ..

ابوحسن الراس يحسن والشنب
يشرب واللحيه تشذب هذا ما اعرف
تحياااااااتي

هلا بكم جميعا

الرأس يتحسن ولكن قبلها وش يسوي وهذي الكلمة لما نسمعها زمان
مثل الصاجعة فوق روسنا ,,
ظافر ال عثمان
الشنب = يتشرب هذي صحيحة

ننتظر البقية
ابو ريان اشوفه مايلا يضغط على اللايك ويفلح يعني اني باقي صغير
ههههههههههههههههههههههههههه

الرأس : يطلّونه !! يعني يغسلونه بالماء ثم يحسنونه .
والشنب كما تفضل ابو عبد الله يشربونه .
اما اللحية لا يقربونها حسب علمي .