أبيات أعجبتني 00 كل واحد يشـارك

تقهوى يا بعد عمري وخذلك من الغلا فنجال=وثنه بالولع والشوق وحبي ودافي اشجاني
وخذ ثالث من الفرحه بشوفك كم غيابك طال=وخذ رابع من النوماس يطفي نار حرماني
واقدع عشقي وشعري و بجر من الوله موال = باسمع كل خلق الله وتطرب باعذب ألحاني
علي واجب من الإحساس وأبشر في العطا برجّال= و أبشر يا غلا بقدرك وابشر يا غلا بثاني
قدرك عالي وغالي ولا يكفيك عشر دلال= ولا مالي ولا حالي ولا الأقصى ولا الداني
هلا بك والله وما جاك من حقك قدر مكيال= دخيلك لازم تشرف محلي ودوم تنصاني
أنا مالي سواك انسان يداوي خاطري والحال= تراك انت الوحيد اللي سكن في وسط وجداني
ولا غيرك يكفكف دمع من عيني تحدر سال= تفضل هاك فنجالك 00 ولو تشرب علشاني

تدور العاصفه والمعمعه ضايع بها الفنجال=على خبري لمع لمعه غبار العاصفه ثاني

جابك الله يوم قلتي نسيتيني = تحسبيني باتّصل فيك واتعذّر
ذوقي الهجران ياللي هجرتيني = أفتكرتيني على الصبر ما أقدر
والهدايا كلّها اللّي هديتيني = رجّعيها واعطيها الفارس الأسمر
كنت متوقّع تخوني وخنتيني = وأعتقد هذا يجي منّكم واكثر
خانك الله يا بنت كيف خنتيني = تعجني لي ملح وانا أحسبه سكّر

الليالي سود والنور ذا فيني=يعطي النيه مداها ويتصدر
اربط الشيطان لا تختبص جيني= كل درب(ن) بسلكه لازم اتحدر

بان الفجر يا زين صحّ النوم = أسهر مع اللي مارقد ساعه
يا بو جبين(ن) كالقمر مرسوم = بان الفجر يا حالي اطباعه
حرام ما في تركيا والروم = مثلك ولا في الهند واتباعه
لا شفت ( أسمك ) وانا مهموم = نسى فؤادي كلّ مالاعه
ملزوم تسمعني وانا ملزوم = أمشي معك في غاية الطاعة

اخاف اعود اقشر ثوم=والنفس ماهيب طماعه
الشئ بالشئ يكن موزون= وزياده الوزن خداعه

يا زين ضعنا بين مزحك وجدّك = وان كنت ماسك عنّي الموت هدّه
لاني ولد عمّك ولاني بــ (عبدك ) = لا شكّ حدّتني عليك الموّده
والله لاصبر لين ربّي يردّك = أصبر سنين أطوال ماهي بمدّه

ترحب بغيري وانا الولهان =وانت عيوني معنيـــها
شتــان مابيننا شتـــــــان =تبغى الليالي تمضيـها
ماني سراب وحبي بــــان =غلطه ولا ابيك تطريـها
خابرك ياقايـــــــد الغزلان =تنصى الكرامه وتشريها
لولا لحبك في قلبي شـان =مااسلمك روح اغليهــا
دانه بحر دونها حيتــــــان =حلفت والله مااعطيهـا
لا تضيع الحب يافتـــــــان =رد الأمانه لراعيهــــــا
حيرت قلبي وانا الحيـران = آهات قلبي مااخفيــها

شفت الليالي معلنات الحداد


أثر الليالي من غيابك حزينه


مشتاق لك والشوق بالعين بادي


شوق الحزين اللي مفارق ضنينه


يامارفعت الصوت بإسمك أنادي


ياأغلى عيون شفتها بالمدينه

المشاركة الأصلية كتبت بواسطة المسكت

اخاف اعود اقشر ثوم=والنفس ماهيب طماعه
الشئ بالشئ يكن موزون= وزياده الوزن خداعه

عن الكلام اللي يجيب اللوم = بعض الهروج ماهي بنفّاعه
كنّا نعدّك من كبار القوم = وفيك الأذن ماهي بسمّاعه
واخلفت هقواتي وظنّي اليوم = وانا فؤادي جاه مالاعه
وامّا شبيه القمر بين انجوم = فيقطف الورد زرّاعه

كلمات : فتى السهوه

حلفت اني لأوريك السهر وتعاني النكران = وربي ما تعرف النوم ولا تحلم تلاقيني
حلفت أعلمك تشقى وتعاني لوعة الحرمان= وتذوق اللي تجرعته ودمع هلته عيني
ألا يا ناكر المعروف .. ألا يا ناكر الوجدان= ألا يا ناسي العشره .. ألا يا ناسي سنيني
تدوس القلب باقدامك يا هيه اصحى أنا انسان = ياكيف تدوس باقدامك خفوقي وما تحس فيني
يجيلك يوم أشوفك به تحسر تايب وندمان = ولكن لا تفكر يوم تجي انك تحاكيني
أنا مابيك عرفت اني معك بالآخره خسران =عرفت اني عقب ما اتعلق بحبك تخليني
أنا مليت من اعذارك .. تقول اني أنا الغلطان = وكلما جيت أتأسف ترد ثاني تخطـّيني
أنا حالف لرد الجرح وتكره حبي اللي كان = وتعرف اني عقب هاليوم ما به شيء يعنيني
أبطوي صفحتك وانساك تقضّي دنيتك سهران= تـتـندم على جرح جرحته حيل مشقيني
تفضل روح يا ظالم دخلت بعالم النسيان = واذا طروك لي وينه؟! باقول ويش بينه وبيني؟!

هههههههه
فتى السهوه
ممنوع الاقتباس
مشاعر ياخي مالك حق
هههههههههه

اصبر تريث ترى المقسوم
00لو بالسماء بانت اراواعه
خل التمنى على المعلوم
000في ورد الامطار زراعه

حبّه حرمني الهنا والنوم = غريب في امره وبطباعه
عزّي لقلبي حاسته لهموم = وقام المسكّت زوّّد اوجاعه

الهم لـو ينزرع بالكوم=حلفت لاحصده واوجاعه
خل البشر كلها واللوم=للسر ماهيب رضاعه