أبيات أعجبتني 00 كل واحد يشـارك

	شوفي عيوني باسهر كل ليله وشفاد عيني يوم تسهر بلاياك غير الدموع الي ذبحتني تهيله والهاجس الي يسهر العين وياك أقفت معك روحي وروحك بخيله والقلب ذاب ولزم اليوم يلقاك لايموت قلبي بالهوى وش حصيله معطيك روحي وكلي اليوم لفداك

ما مبعد(ن) بالعلم فيه الحقايق=خذ النصيحه من يداريك يعطيك
حتى لو النمام سوى الشقايق=اعرف ترى باذكرك من يوفيك
يالوعتي بالله عليك العقايق=هي ما تحل؟ إلصادق جاء يعديك

شجن

ليت تسمع كلام اللي يحبك وشوره = أترك الشعر مهنة كلّ بائس ومقهور
كم كتبنا ولا بلّت عطشنا بحوره = وانت لو طفت كل الاّرض بالحسن مشهور
القمر في السما وانته على الأرض نوره = أنشر النور في عالم من الحب مهجور

من الشفق والليل والبرق دعوه =والضيف ضيف الله بحكم المعازيب
وللضيف لا ارهي بالمعازيب هقوة =من طيبهم دايم هقاويه ماتخيب
ولاينحرج لا انصب فنجال قهوه=ولا هوب متكاثر سلام وتراحيب
وان شاوروا ما قال لقيت لقوه=ولا دار في باله مثل قول لا تجيب
وعلي زمان الأمس في البال ندوه=كرم شجاعه عشقة ٍ للرعابيب
من بينهم ما دوّر النذل نجوه =عارف لوانه راح مقصوده يخيب
في خاطري منوه ومنوه ومنوه =واحباب قلبي يعرفون المواجيب
ان جيتهم أجر بالصوت حدوه =تبينوا لي وارخصوا بالمطاليب
في شوفهم نشوه ونشوه ونشوه =يطرب لها الخفاق بين المحاديب
ولعيونهم يا قرب الألفين خطوه =ولاهي بتلحقني عليهم عذاريب
أحباب ولا جت بين الأحباب جفوه =كل ٍ يقول بصاحبي عندي الطيب
ولاهو متكاثرها فلا شك فدوه=يخشي يقال بصاحبه حاشه العيب
يامطيب احبابي حميّا ونخوه =ياطيبهم يا طيبهم من معازيب

فيك الحياء سبحان من حط هاك الشعب=يحلى حلاك أن زان زادت مشاويري
جمال الجواهر لو لمع ماس ما ينصب=وله بالدلع باب المرح من تفاسيري
عليه الخجل دمعه حزن! للفرح تنكب=ومنه الفرح بسمه تسـطر تعابيري
منايه مضى عام(ن) وقلبي لك اغلى قلب=اودع بك الماضي بك ابدى مشاويري

لا تجرح إحساسي أنا إنسان حساس ِ = ليتك تداريني وتحس يا قاسي !!
تجرح ولا تبالي .. وتصد عن غالي = يغليك ويداري .. يا أكبر آمالي
واللي ملك روحي هو سبة جروحي = ماريد أنا غيره وأقول .. وأبوحي
لا تعذلوني عن ناظر عيوني = تكفون خلوني .. أهواه وأقاسي .. !!

قمت اتفكر فى زمان مضالى = يوم الحبيب وافي وراضى عليه
مدرى غلابى والالقى له بدالى = وان كنت مخطى اليوم حقه عليه
النوم والله العظيم ماهنا لي = عقبك ياخلى ضليت احسب الثريه
يانور عينى ذا الجفاء سم حالى = علمنا بهجران بيترك خطيه
خليتنى يازين جالس لحالى = يوم الملا بعدك يحرم عليه

اهداء منى لاخوى فتى السهوه وكذلك اهديه الى روحى اغلى البشر !!!!!!!!!!!

يا سيف الساهر يا ملك
مشكور والله يسلمّك
هديتك كان لها ابلغ الاثر في نفسي
دموعي تتهاوى هذه اللحظة على خدّي
والله صوت عيسى يقطّع نياط القلب
وأغانيه هيى مصارع العشّاااااااااق
وعجبي لهذ ا الفنان الذي اسر القلوب
ذلك الأمي الذي لا يقرأ ولا يكتب وحارب دكاترة الفن
رغم رحيله عن الدنيا في 8 ـ5 ـ 1403 هـ
ورغم أنه لم يسجل للأذعة والتلفزيون لكنه
يعتبر الفنان الجماهيري الأول بدون منازع

ليت التليفون من يمّك = ما ينقطع يا بعد روحي
يا خف هرجك على دمّك = عندك سواليف ومزوحي
مبطي واما شايل(ن) همّك = من داخل الجوف يا روحي
يا ليت منه ولد عمّك = ويصير له منك مصلوحي

أرجوك جفت دموعي لا تبكيني = يكفيني اللي من الهجران قاسيته
ما تدري انه عليك الود كاويني = ما تدري اني عليك الليل غنيته

ياشيب عينـي أشيـد الحلـم وأهـده=والبعد مـوت المهايـم لاتسبـب لـه
مايدري اني عليه بضيـق مـن مـده=واجر قافي على فرقـاه وارقـب لـه
أن كان مالله كتب لي منـه لـو لـده=وعاشت بشوفه مواريق الهوى الذبله
لا أدخل كفوفي بصـدر الثـوب واقـده=واقـول لاهنـت ياحـال تعـذب لـه

أواه من (قلبن) (عليلن) ومهموم=(قلبن) تردى والردى له مخاوي
أربع سنين من الفرح سرت محروم=وكل يوم يمر يحمل بلاوي
علام خلي صوب القلب بسهوم=وأقفى وخلاني وحيدا خلاوي
آهل عبراتي على الخد بالكوم=وآصيح من جرح يبي له مداوي
يااااطير خذ مني رساله بها لوم=وانص الحبيب اللي على البعد قاوي
واهده سلام اللي يحبه على الدوم=يمكن يحن لقلب منه شقاوي
وقله وليفك عافت عيونه النوم=خايف يكون إنك على الهجر ناوي

يعني الزمن لو تغير غّير احوالي=خلوه يغّير عدى! التغيير بالغااالي

ودي أبكي ..
................. لين ما يبقى دموع ..

وودي أشكي ..
................. لين ما يبقى كلام ..

من جروحٍ ..
................ صارت بقلبي تلوع ..

ومن همومٍ ..
............... احرمت عيني المنام ..

إن شكيت الحال ..
............... محدٍ لي سموع ..

وإن سكت ..
............... الناس زادوني ملام ..

طال صبري ..
............... متى وقت الرجوع ..

والبقاااا ..
............... باللي عيونه ماتنااام ..

يـــــا صاحبي ما فـادنا كثر الاحلام =واللـــي بخـاطرنا عجــزنا نطوله
مـاتت أمـانـيـنا على كـف الايــام =وحـكــم القدر فارض عليـنا ميوله
نمشــي ورى.. والوقت يمشي لقـدّام =ضـعـنا وضـيّـعـنـا كلامٍ نقـوله
تعـبـيرنا ما ضمته روس الاقـــلام =تكسّـــرت كل الحروف بسـهولـه
وطيــف السهر في نظرة العاطفه حام =يرمـــي شباكه للعيون الخـجولـه
نســهر وتسهرنا مقـادير الاعــوام =ودروبـنـا مـتـفـرقه ومعزولــه
العمـــر ولّى.. والبخت طاح ما قـام =الحظ وقّف والليالي عجولــــــه

لك وحدك

لا ترحلي وانتي بقلبي مقيمه = كوني بقربي واحكمي واظلميني
لا ترحلي كوني بقلبي رحيمه = بس اخذي واعطي معي وافهميني
أنتي عظيمه فعلا انتي عظيمه = وانا عظيم اللي تطولك يديني
أنتي بنيتيني بصورة سليمة = أنا اهجر الدنيا ولا تهجريني
مالي بدونك في الحياة أي قيمة = لو مت من حرّ الفراق أعذريني