أبيات أعجبتني 00 كل واحد يشـارك

أبيك أنتي وأنا مهمـا يكـون الريـح والتيـار=على عكس الغلا .. نصبح قيود الوضع وحلوله
أبيك الشك والغيره وأنا مثلـك عليـك آغـار=أبيـك وماأبيـك الاّ تكـون الغيـم وهطولـه

كنت .. ناجح .. في حياتي / دايـــم .. الترتيب الأول =بامتيـــاز/ اقطف ثــمار .. الجهــد / تــوتٍ .. من امـــاني
إيــه .. واحــد / بسّ .. واحـــد .. كلّ بيـــته / به يعـّـول= كنت طفلٍ / ماني .. طفـــلٍ / يســتـلـّـذّ / بصدر/ حـــــاني
واذكر انّ .. ادنى طمـوحي / بالمشي .. كنـّـه يهـــرول= كنت .. اشوف الهندسه .. والطـب .. ماهي / قـــــدّ.. شـاني
كنت أبذكر .. ياااإلهي وش؟؟ .. بعد .. أذكر / منول؟!!= إيـــه .. والعشـر السنين .. النبــــض .. في قلـبه / ثـواني
كنت .. ضحكه .. في عيون الكون / لكن .. ماتطــول= كنت حزنٍ .. ماقتلــه الحـــزن / رغــم .. انّـه ..جناني
مابكاني .. صدقي اللي .. من / حنــاياي / ايتقـــّول= وارشفــت .. كلّ العــروق .. الظامـــيه / ريــق / المعــاني
كن .. موتي / في / حيــاتي .. شيخٍ ادموعـه / تحـــوّل= ذلّ ..من عـزٍّ / رعـــــاه .. ومـا جنى .. غــير / الهـــواني
والله .. ولوهي .. بكيفي .. لأطلبه / طلـبـَـة تســـوّل= لــين .. يعطـــيني / مكـانه / ويتفـــضّل / في .. مكــــــاني
شفت .. موتي .. في عيــون أمٍ بكــت / ليله..تولـول= مات نجله .. بالــف مـــوته / وصـرخت / حمْـلٍ / وطـــاني
ليتها .. بيدي / واشيــل الموت / عن / طفله / مخوّل = لِـين اشــوف البسمة / اللي .. تلفظ / أنفــاس .. امتحــاني
آآآآهـ .. والموت.. بحياتي / موتِ .. لـيته / يـنتـأوّل= من ..عـــمــر / عــــمري .. الى بنتٍ / ترمّـل .. بالتهــــاني
وسط عيني / عاش الاعمي .. حسرةٍ / فيني .. تجوّل= كلّ .. ماشفته / تكـــرر .. بالألــم .. مشــــهد / ســـواني
كلّ لحظه .. تـنــتهيها .. تحتسب / من عـمرك أوّل=حتى .. وان / كانت .. سعـــــادة / نكهـته .. فالعمر / فــــاني
كنّها .. والفـــلكِ / رحلــه / لو تطمّــن به / تهــــوّل= كـــل .. ما ابعـْــدْ عن مواني / قـــرّب.. لشـــطّ المــواني
لانفـــعــنا .. الإمتــياز / ولانفـــع .. ترتـــيب / الاول= كلـــنا .. للقــــبر / الاول .. واللي / مــاله دور .. ثـــاني

ولعتني وخليتني أنشد الناس = وفضحتني مابين ربعي الدنين
يا صاحبي من عقبك البال منحاس = أصفق بكف كف واشكي من البين
لا باس يا سيد الغنادير لاباس = مقبول ما جا منكم يا ريش العين

( من قديم الفنان الكبير محمد عبده )

ياحليلك كان قصدك لي عـذاب=وياحليلك كان قصدك تجرحيـن
ماعرفتي يامها كلمـة غيـاب=لين علمتك وصرتـي تعرفيـن
مين قدك يوم صرتي لضبـاب=يوم كان الحب في قلبه سجيـن
ولله إنك في زمن ضاع الشباب=يوم كلٍ يحسـب العـزة تليـن
يفطر الدونات ويتعشى كبـاب=وملبسه موضه ومنطوقه مشين
يامها دنيا كثر فيهـا الخـراب=والخراب أكبر تكبـره السنيـن
يوم كنتي عاقله وحكيك عتـاب=كنتي أغلى من سلب عقلٍ رزين
ويوم صرتي تلعبين إمثيل داب=عفت قربك يوم عيبك لي يبيـن
ولله إني قلتهـا تاكـل تـراااب=كان قصدك في غيابك تجرحين

يا شوق انا عنّك ظروفي حدتني = مالي على المسيار يمّك وسيلة
أمحبتك جارت علي واجهدتني = مثل الذي عجزت عظامه تشيله
كان الليالي المقبلة ساعدتني = جيتك ولو من بعد مدة طويلة

ياليل طول لا يجي الصبح تكفى = خل السهر ياليل يطرب بفنه
وإن كان بردانٍ بناري يتدفى = وإن جاه همِ شلت أنا الهم عنه
وإن كان ينعس قله بقلبي يغفى = وأضمه لصدري وأشيله بجنه

من أول جدودي الى آخر نسل =تاريخهم أمجاد تكتب بالذهب
يُشهد لهم بالمجد مافيها جدل =مثل الكواكب نورها ماينحجب

يا حبيبي جاري إرسـال الرسالـه=وانت جاري من وريدي في وريدي
المسج مـن هاتفـي خلّـه لحالـه=علقّه في باب صنـدوق البريـدي
ماني بمرسـل معاريـف وجمالـه=مرسلٍ لك بيت واحد من قصيـدي

على هامش الذكرى وماللصدف من دور = منحنا القدر فرصة ثمينة وحساسه
في منزل قرايب والحبايب هناك احضور = وفجأة سرى في مسمعي صوت ميّاسه
تلفت كني البائس الحائر المقهور = وشفت الذي بالأرض معدومه اجناسه
نظرنا بعضنا واعتنقنا بدون اشعور = عناق الذي لاقى حبيب قطع ياسه

ياليل العنا أبطت جروحي بصدري دفينه=ليه كل ماقبلت زادت عليه الحسافه

تصورو عطشان في صحراء وميت م الضماء=الماء معه وأمه معه والروح فيها ناشفه
الماء قليل إوحيلته ماهي لومه لو نواء=وشهي شعور إم اليتيم إللي يموت إو شايفه

إن قلت زانت .. خالف الوقت ظني = وإن قلت هانت عاجلتني بلاوي

يا طايرة لاتطيري = مظنون عيني مسافر
فراقه احرق ضميري = نوى حبيبي يهاجر

أذوب شـوق وولـه لهفـه وحنيـه=وتذوب روحي على شوفك .. واهدّيها
وان جيت اخبي شعوري بان ف عنيه=تسرد عيوني قصص شوقي وترويها
تعال.. خـل البعـاد وقـرّب الجيـه=تعال .. غيرك جروحي من يداويها ؟
ف البعد عنّك انا ما اطْـوَ ل لياليـه=تعال ابا انقش لك كفوفـي واحنيهـا
يا سيّـدي عقبـك الأفـراح منسيـه=وسفينة الشوق ضاعت عن موانيهـا
واقصى الحنايا من الاحزان مطويـه=والبعد يرثع بروحي ليـن ينهيهـا !!
البعد ملعـون ابـو جـده وطاريّـه=تعال ما عـاد لـي حيلـه واسويهـا
تعصف بقلبي كمـا ريـح ٍ شماليـه=ومن بعدك الروح قل لي من يدفيها ؟
واذا نشدوك العواذل وش تبـي فيـه=قل هالغريبة أموت اموت أنا فيهـا !!

إن وصلني من طرف صاحبي كلمة حبيب=كنها الدنيا تجيني وانا ممنون له
وإن حصل بالوقت عثرات يمكن ما تصيب=وإن عثرت ايجوز الانسان له بالززله
مير انا بالحب والله ووالله لو تشيب=ياثرى طاريك في لرض اشيله واحمله