أبيات أعجبتني 00 كل واحد يشـارك

الموت حق وكل نفسٍ تذوقه=مير البلا من ذاق موته ولا مات

غابت ثمان سنيـن حـلٍ وترحـال= غابـت ثمـان كلـهـا مدلهـمـه
قضيتها بالحـب والشـوق رحـال=شوقٍ تحدى كـل يائسـه وهمـه
سألت عنها اسنين وشهور وليـال =ولا فيه فـجٍ غيـر وجهـت يمـه
وعقب الثمان اللي تعبها برى الحال=جاب الزمـان الكارثـه والمطمـه
جاني ولدها مبتسم بيـن الاطفـال= و من بسمته ذكرت انا بسمة امـه
شفته وصاحت داخلي كـل الأمـال= بصوتٍ عجزت بكتم الأنفاس المـة
وركضت له دمعي على الخد منهال =ومن كثر شوقي قمت بالحيل اضمه
ولحظة حضنته والطفل في يدي مال =شميت ريحتها على اطـراف كمـه
واستلهمت نفسي مقاديـم الاهـوال =وتم الضيـاع واكـدت لـي متمـه
ليت الغياب اللي شغل غربتي طـال=ولا دور العاشق على حـرق دمـه
اليوم بنت الناس فـي بيـت رجـال =حبٍ على غير الشرف لـي مذمـه
مجبور اعود واشتكي لكل الأميـال =بنفسٍ .. حزينة .. كائبة .. مستهمة
برجع غريبٍ سكتـه بـر ورمـال =يموت .. يحيى .. يندفـن مايهمـه

لا والله الا جبتي الجرح يا بنت=جرحٍ قديم طول عمري اداريه
وش جابني ياليتني اليوم ما شفت=قصة غريبٍ طبع الاجواد مغليه
روحي عسى ربي يسامحك لا مت= ويستاهل اللي يكتب الهم بيديه

موضوع راقي جداً ..
الابيات كثيرة ومنها ...

البيت الاول
ياسيد الناس كل ٍ لابس ٍ بزه **** صعبٍ تفرق مابين الخبل والصاحي

البيت الثاني
ما للرجى في بعض الاحيان قيمه **** وما للعمى صبح ٍ ولو بات سهران

البيتين لبدر بن عبدالمحسن

وتقبلوا خالص الحب ....

لا والله اللي ساقني للهوى سوق = وانا الهوى يابوي ما شفت سوقه
يحلف بربه ما راماني من الطوق = ألى فجر قولوا له الله فوقه
أنت المطالب عند ربعي ومحقوق = لا مت ياخذ كل واحد حقوقه

وصّيتْ قلبي عليك وفكري وظنِّي ... ان غبت عنهم عليك عتابهم هادي

ما ودِّي تجرح شعورك كلمةٍ منِّي ... وانته حياتي وعمري وومهجةْ فوادي

ودي تعيش العمر راضي ومتهنِّي ... مرفوع راسك عليك العز متبادي

يا تاج راسي وانته منِّي وعنِّي ... تامر وتنهي وامرك أول البادي

من كثر حبِّي عليك الخوف يمحنّي ... وافقد شعوري واشوفك غاية مرادي

- ارقى السماء من دون سلم واحاكيك=واقول لك شفني رقيت ولقيتك
( غزل قمر ) ناس" على القاع تدعيك= الا انا يابعد عمري فديتك
من كثر ما احبك واعزك ومغليك= تعبت لين اني وصلتك وجيتك
احب فيك ( الحب ) واعشق مباديك= شي" يبرد ( شف كبدك ) سقيتك
اخذ عهد مايوم تخلف هقاويك= مادمت اعرفك واعرف اني هقيتك
من هامتك الين أسفل مواطيك= اخيلها دروبي بليلي سريتك
اموت واحيى لين ارجع واموت فيك= دامي بديتك لاتقول انتهيتك
لا لا تصدقني اذا قلت شاريك= الا ببيع الروح يومي لقيتك

جاني يبي حب .. و حنان .. وحكايـــــا=جاني يبي .. يدفى .. وينسى اللواهيب
جاني يبي حب البنات الصبايــــــــــــا=وبكفه اليمنى .. رفع راية الطيــــــــــب
جاني يبي ضمة حنان الحنايـــــــــــــا=وبنظرة عيونه نسيت المكــــــــــــاريب
جاني يبي قصة فتاة المرايــــــــــــــا=و عن ألف ليلة جان يحكي تجــــــانيب
جاني يبي يدفى بونين البدايـــــــــــا=ويعالج جروح ٍ بقلبه كمـــــــــــا الذيب
شامخ .. عزيز ٍ .. وزود شيخ الحلايــــا=شيخ ٍ ولد شيخ ٍ معرب تعـــــــــــاريب
شموخ نفسه من شموخ السرايــــــــــا=ذكرني عزّة نفس ضيدان وكــــــــــليب
و الزير سالم يوم سوّى سوايــــــــــــا=من شان ثاره قاتل الكــــــــــل للشيب
عزيز من عزّة أجا .. ذا كفـــــــــــــايا=وزود عليها جــــــــاب سلمى التراحيب
شيخ ٍ نثر ورده بكفي ملايـــــــــــــــا=و عانق شعوري بالوفــــاء والتغاريب
تصوروا جاب العسل لي سقايــــــــــا=وحاولت أصده .. قالت الروح ذا عيــب
حاولت أفهم قصته والروايــــــــــــــــا=لكن صد بدون كلمة ولا ريــــــــــــــب
شفت الدمع .. من فوق خدّه سفايـــــا=ومسحت دمعاته .. وضميت تقريــــــب
و جبت الحبر .. والقاف جاني عرايـــا=من شان يكتب قصتي والقدر غيــــب

معشوقتي من لّها غيري وأنا من لّـي=ما تعشق إسواي وأنا ما اعشق اسواها
ان كان جانـي بعَضهـا جيتهـا كلّـي=وان كان راحت , عيوني نثّرت ماهـا
عشقتها , سالفة مجنون ليلـى اللـي=ما ضيّعه مـن حياتـه غيـر فرقاهـا
ياناس والله لراحـت لـي كمـا ظلّـي=ما فيه لحظـة تمـرّ بـدون طرياهـا
يمرّنـي طيفهـا يـوم إنّـي أصلّـي=واحاول أحسب كم الركعات ؟ وأنساهـا
حلاوةٍ قلت حلّي يا حلا حـِلّي=ملكك عروقي من أدناها إلى أقصاها
في داخل القلب مالي غيرك مسلّي=بسّ أتغدى طيوفك وأتعشاها
يا بري حالي , ويا ويلي , ويا غلّـي=الله يعـجّـل بلامـايـه ولامـاهــا
يلومنـي واحـدٍ ماهـو صديـقٍ لّـي=يموت ما شاف ميـزة مـن مزاياهـا
ماشاف ريـم الفـلا مزيونـة الدّلّـي=اللـي ينقّـط عسلهـا مـن شفاياهـا
ربّي كساهـا لبـاس الزّيـن بالملّـي=في صـورة البـدر عدّلهـا وسوّاهـا
أخذت من الزيـن حتّـى فلّلَـت فلّـي=ويوم إكتفت , شاتت الباقـي برجلاهـا
والباقي الفائض اللـي شاتتـه خلّـي=تقاسمنّه " عبيـر أحمـد " وشرواهـا

تحياااااااااااتي

هم تجدد من عنا الليل يهموم = وشوف الدموع اجتاح هم الليالى
ملزوم اواجه حرة القلب ملزوم = واصبر وابعد واقعى عن خيالي
الصبر عندي داخل القلب معلوم = وشي بقلبي فاق كل احتمالي
حاولت اكافح وحشه الليل بعزوم = لكن عزمي من عنايه شكالي
قعدت اناظر حالتي وشي اليوم = واللي مضى عليه الزوالي
حبي نهار عنه النوم معدوم = ابعث وادور وين يلقى ظلالي !!
شمسي غشاها بالسما كثفت اغيوم = وانا من الدنيا عزمت ارتحالي
ليل بلا قمراء وعشاق ونجوم = ماهوب ليل للخلايق ولا لي

مثـل الصـغـيـر وفـاقد العـطـف محـروم؟= يـبغـى الحـنان ويـلـتـقي فـيـه صـدفـه !!

هو بيت صغيير
بس فكروا في
معناه دقيقه بس

كل مايرضيك لي فيه الرضا = والشقا لي وانت خلك مستريح
خل حاضرنا يعوض ما مضى = من شكى حر الجراح أبطى جريح
يوم من عمرك مضى ماله قضى = والغصن لا طاحت اوراقه يطيح
أبتسم وانت على جمر الغضى = العواذل يفرحوا لما تصيح

هيه ياللي ميسمك بين المحاني=لاتجور .. الله يرحم والدينك
لابرد بين الضلوع .. ولاكواني=لين خلاني .. رهينة راحتينك
الزمان اللي على كفك رماني=انجح الكيات .. والا ارفع يدينك
ساقني حظي وانا سقت المعاني=وانت مطغيك الحلا وإسراف زينك
ابتليت الشوق والشوق ابتلاني=لين صرنا من يسارك في يمينك
طحت من جور المحبه في مكاني=بعد ماصوبتني .. برموش عينك
ماتشوف الوجد وشلون احتداني=كلما سجيت قال القلب .. وينك ؟
كلما قفيت عنك .. اجيك عاني=وانت مغريك الغلا .. بيني وبينك
لو تشوف اللي من اسبابك .. دهاني=كان قلت .. الله على نفسك يعينك
ماجرالي منك يالغالي .. كفاني=افتح الابواب .. وافرج عن سجينك
لاتحاسبني على غلطة زماني=وانت غالي عندي .. الله لايهينك

عشقت القمر حيث القمر ينبعث به نور= وأخـص الليالي البيض تزهـا ويزهـــنه
واحب الهوى لاهب من خايعٍ ممطـــــور=وريح النفـل حـيث النفــل طيب الخـنه
واحب الجمالــة والجمالــة عمـل مـبرور=واحب الغنى واعــز نفـسي عن المنه
واحب الصـراحة والصــراحة بها مسـرور=حيث ان الصراحة تقطـع الشك والظنه
واحب الكريم اللي يفرج عن المعســور= الي من عطا حتى هــــله مادروا عنه
واحب الرجال العـارفه وأكــــره المـغرور=من اغتر في بعض المظاهـــــــر يغرنه
سقا الله ليال ماضيـة قبل هـدم السور=نحفر العدود و نشرب الماء من الشنه
نشوف البنات اليا اوردن كنهن الحـــــور=مهـــــارٍ مشــاويلن بالأعياد معــــــتنه
على الماء تشـوف بيوتهـن كنهن القـور=كـــــثير القبائل تقطـن العــــد بالكـــنه
على البال ذكـــراها يالـيت الليالي دور= ياليت الليالي مــاخــذنه00 يجــــيـبنه
تذكــــرت شـيبانٍ لنــا يــوم حـــنا بــزور=يحـثوننا بالطيب00 والفرض00 والسنه
لوعاشـوا حياة قاســــية في بحر وبرور= عسى الله يعوضـهم بما فات بالجـــنة
لو دور مضـــى من بينهم وين ذاك الدور= زمـانٍ مضـــــى لـه ذكــــريات يحــــلنه
يوم الذهب مايلبسنه بدون خصـــــــــور= جمال النساء ماهو من السوق يشرنه
فقدنا حياة البدو مع شـــوفة المظــهور=ولاعـــاد به بدوٍ ولا الطـــرش له حـــنه

يا..سكّر..أيّااامي..اللي..دونك..أشرب..همّها..ساادة ..!!
؛؛؛؛؛،إلى..متى.."الهمّْ"..ينهشني..؟وأنا..في..موحش. .دروبك..!!

،
،

،

ما..كنّي..إلا..رفاات..المنفي..اللي..دااخل..بلااده. .!!
؛؛؛؛؛،وما..كنّك..إلا..خطااي..اللي..حلفت..آآموووووو ت..ماآآتوبك..!!