░♥ كل واحد يدخل ويكتب اقرب بيت شعر لقلبه♥░

من خَصَائص عَنُود الصَّيد كُثر الطَّواري

عَادة الظَّبي يجفِل لا تَحَرَّك ظِلالَه

مايَصِيد الجَوازي كُود بخصٍ وضاري

القَنَص بالرَّكَاده والتَسَرُّع ...جَهَالَه

ولايعَرْف الطَّرد من لايعَرْف الصَّحاري

مَاتَعَرَّض سَمُوم ولا تَعَرَّض شَمَالَه


الأمير / خالد الفيصل

،*


الهَم راعي بيت ولا الفرح ضيف ..!؟


_!

لي سَنَه وشوَيّ مَاعُمري فَهَمتِك

في غُمُوضِك في طُمُوحِك والطِّباع

إن بديتي قَافيه فالسَّمتُ سَمتِك

وإن طَلَعتي رَابيه مثلُ السَّباع

إذا أنغبن من الرَجُل وأنقهر مات
..., يموت رجلٌ وتحيا به جماعه

مـآ لـ الجروح / ظلآل في ( سدرة ) الموت ..!
سولف ترى ... كتم المشاعر ظليمه ...!

على طريق الحلم .. واقف لي سنين ..

.............. واليوم كنّه الحلم غيّر طريقه ..

ولا عدت أسأل ليه .. أو كيف أو وين ..
........... ولا عاد تعنيني من الوقت ضيقه ..

وإن حارت الدمعة وضاقت بها العين ..
............. تطيح من عيني وتصبح طليقه

أبيات منقولَة ( مُختارات )

افزع لمحتاجٍ من الضيق ناصيك

ومن بد خلق الله نصا لك وبدّاك

رجلٍ ترك غيرك وحط العشم فيك

لو ما هقى في جيتك خير ما جاك


****************************

أعَزُّ دَمعَة دَمعَة إنسَان تَائِب

يهَلَّهَا خوفاً من حسْاب رَبَّه

وأحرُّ دَمعَة دَمعَة عيون شايب

يَهَلَّها واصغر عِيالَه يَسِبَّه

***************************


ياللـه ياقابـل سـؤال المـصلـيـن

يا اللي له التقديرفي كل يومي

انك تثبتـنا على الحـق والدِّين

وانك تروف بحالنا يا رحومي

راكان بن حثلين

أبيات أعجبتني :

الوفاء لامن زَرَعتَه مع الطيّب بَذَر

وان بذَلتَه في وجيهِ الرَّدى يقفي سُدا

يستحي وجه السنآفي يَصُدَّ ويعتَذِر

ويتَجَمَّل جِعْل الإنذَال للطيّب فـِدَا

يالله ياقَابِل صَلاةَ المُصلَّين

ياشَافيَ أمرَاض القُلُوب المَريضَه

إنَّك تُثَبِّتنا على الحَقّ والدِّين

ولاتُعَرِّضنا من الوَقتِ ضِيقَه

ياهِيه ..يازِين الحِسَانِ المزَايِين

أتعَبتمُ .. اقْلُوُب ..القُرُومُ ..العَرِيقَه

من / الحوليَّات

،*



اهنا برد ولبس صدر السما / هالليل
_هنا الأشياء تتعاتب مع الاشياء

هنا ضوضاء محتاجه هدوئي حيل
_ هدوئي لازم يشتت بعض ضوضاء

هنا عتمه وانا في داخلي / قنديل
_ انا عتمه ومن حولي كثير اضواء


* العنود العبدالله

♥

جيتك حضن عاشق وهايم ومغروم
وده يضمك لين تصبح علـى خيـر

متى تحس إن الهوى شـي مقسـوم
من قسمة الخالق على خلقه يصيـر

ومتى تحس إني لك أطيـح وأقـوم
وأتعب على شانك وأقدرك وآغيـر

يامَرحَباً بِك يَاغَلا كُلّ مَخدُوم

وياهَلا بِك في الشَّدائد وفي الخَير

لِصَرخَتِك نُعلِن حَرَايب على القَوم

وفي ضيفَتِك تَلقي المَغَاتير والطَّير

الدَّار دَارِكْ والغَلا لِكْ على الدَّوم

وانتِ دَواء قَلبُ المُعَنَّى ولاغَير


رَدّ على أبيات سابِقه / بقلمي / الحوليات

الجروح تروح و ترجع .
وكلّ عين لابد تدمع .
والزمن قسمه و نصيب .
مثل ما يعطيك .. يوجع .
أحدٍ تحبّه و ما يحبّك ،
وأحدٍ يحبّك و يتولّع .
والحياة أخذ و عطا .
ومثل ما تاخذ بتدفع .
والگلام كلمه و جواب .
ومثل ما تتكلّم اسمع .
أمس ولّى وصار ماضي .
وكلّ ماضي صعب يرجع .
كلمه وخلها وسط بالك .
(مُو أيّ ذهب تلقاه يلمع

كنها تدري إنك في هواها ورود
فلوةٍ تقل طفله .. حلو جحودهــا



اذكر الله عليها عن عيون الحسود
من حدود البياض .. لمنتهى سودهـا

كنها تدري إنك في هواها ورود
فلوةٍ تقل طفله .. حلو جحودهــا
اذكر الله عليها عن عيون الحسود
من حدود البياض .. لمنتهى سودهـا


كٰلٍّ يعَزّ حاله.. في الوفاء.. والعُهُود

والهْقَاوى الرَّزِينة... كَايدٍ فودها

وانت ياراعي الفِلوَه تَبِيع... واتفُوُد

فِلوتَك.... يابن ظافر جرِّبوا..... قَودَها