بيت على الكيبورد

ياشوق ياكثر مافي خاطري أسئلة
من عند كيفك إلى وينك يضيع الجواب
حتى الشعور اللي عجزت في غيبتك اهمله
أطرده والحقه مثل اللي يدورّ سراب

#محمديات

اقسى تفاصيل فرقا الحب والعشره

..........هي دمعة مالقت بالعين... مخرجها

مامرت بقصة العشاق في فكره

..............ولا لقت في حوار الهم مهرجها

تحضر على غير منهاجك مع العبره

.......تخرج عن النص باوقاتك في أحرجها
الله ولا غيره الله اللي له الدبره
.........والله ولا غيره الله اللي بجد يفرجها



الصياد

جيتك حروف الشعر بالشوق انا جيتك

...............اتسلل بداخل ارواح اللي يقروا لي

واصوّر اشلون انا في بعدك احييتك

.............من بعد ماشبعت موت ببعد تبقي لي

جيتك و وقتي يكذب كيف جا ميتك

..............جيتك وذاك الصبر خلدك مع هولي


مقتطف من حبيس أدراجي

الصياد

.
.
.
.
.

القصيد شعوب والمقصود ثوره
يوم حاكمها على شعبه طغى

لاتجي عقب القطاعه تعتذر
كلمة اسف ياحبيبي ماتفيد
سيفك اللي مانفع معه الحذر
صابني من الوريد الى الوريد

#محمديات

.
.
.

في عيونك والمساء وجهة نظر
في سطور اللي فقد شوف النهار

يكفي انك بس لو لحظه تمر
كـ المطر لا طاح في قاع(ن) غبار

ياشوق انا أدري اللي يحبونك كثار
ومالومهم في الزين كلن يحبه

وأدري بقلبك غير حبي مايختار
وان نبع قلبك عند قلبي مصبه

أعوذ بالله من بعض الأفكار
لاصرت ماني موقن ولا مشبه

#محمديات

انا فيك انصهر واذوب

........يانار الشوق انا اذوبك

على طهر الهوى مكتوب

........يذوب بالعشق محبوبك

سألتك كيف منك اتوب

......... وانا الاقي الوفا ثوبك

وفيتك والهوى العذروب

....ولاجا الصوب معــ صوبك



الصياد ضاري

من هالزمن كلن تعلم دروسه
وانا مثل باقي الاوادم تعلمت
الجرح لا وصل الكرامه ندوسه
ماينفع الرجال قولت تندمت
الفكر ضايع والاحاسيس حوسه
اضحك لو اني من فراقه تألمت
كانت صغيره حلمها بس بوسه
والحين كبرت ماتسلم لا سلمت
تخرجت قد هي صبيه وعروسه
حلمن حلمته ليتني ماتحلمت

#محمديات

.
.
.
.
.

الذنوب صغار بعيون البشر
والله اعلم وش كبرها من ذنوب

ربي الوالي وربي اللي ستر
أسألك يارب تهديني واتوب

وصلك تمنيته على الواقع المُر

.................لكن ما للأمنيات اية اقدار

مثل السحاب اذا نشا بالسما مَر

..........تلعب ظلاله فوق ملهوب الاقفار

لا ظلت اثيابه من الشمس والحر

......ولا هلت مزونه على الوادي امطار


الصيّاد

تخيل اشلون هاللحظات تجمعني
تيهي بتشويش يبدا وقت متهالك
حتى سؤالي ونطقته ليه تجرحني..؟؟
يبدأ بعلل نقيض الحب بافعالك
وانتب مجابه سؤالي قمت تسألني..؟
ياليش اسألك..!! كيف اقدّر سؤالك
الحب تقدير.. هو انت اللي قدّرني
لوّك تقدّر ...تجاوب مني ما جالك
سؤال واضح سؤال..! اسألك وش يعني
غير انك تقول ذا الثاير وذا المالك



الصيّاد

حي الصباح اللي بوجهك خذا فرق

.......صبح وورود ووجهك انتي سعاده

هذا الصباح اللي تباشرك له شرق

..........غيّر وجوده ومطلعه بغير عاده

وانا انسعادي بجيتك خيّل البرق

............فيني هزيم اللي طويلٍ إرعاده

الصياد

سلام والقلب ميت شوق
والعين يازين تتحراك

شوفتك أمطار ورعد وبروق
والقلب صحرى كيف مايضماك ؟

لا تحسب ان البعد ياغرنوق
ياخذك مني او تظن انساك !


#محمديات

درس الزمن ياصاحبي

............بضريبته تزل القدم
وان كان عنوانه العِبْي

...........فالكبر دين اللي ظلم

من فاهم درسك يا أتعبي

..........درس وفراق ماتنفهم

ماهو بكتابك يالحبي

.......فان طحت صعبه تستقم



الصيّاد