قصيدتي بصوت المنشد المبدع/فرج الكدادي

اعود لكم بعد انقطاع معي هذه المتواضعه
من قصائدي واداء المنشد المبدع/فرج الكدادي

الشيله

,
,
,
حزين آخاوي الدمعه على كف الورق بسكات
واصّور من تناهيدي حروفٍ دوم تطريني
,
غريق ابضيقة ايامي ولا واحد جمع لي اشتات
اقاسي جرحي الغاير واشوفه حلم يطويني
,
عجزت آبين الصدمه لناسٍ(ن) تعشق الانصات
واهيم ابوحدتي كني سجين وساكنٍ فيني
,
الا يادنيتي كفي بلا حزنٍ يعيش الذات
تعبت وللشقا حلم رسم حزنه على سنيني
,
صبرت ووحدتي كانت حروف الهم لامن جات
تخط الحزن في شعري وانا اكتب في دواويني
,
عجيب الدمع لامنه نوى ينزل نزل بسكات
ولاله صوت غير انه يشابه شعر يحكيني
,
طلبته والرجا بالله يخفف ضيقة الجيّات
الى منه سكن عرشي وحيد ودوم يبكيني
,
حزين وضيقتي صارت حروفٍ تسكن العبرات
تترجم ماخفا فيني لفرح قاصر ايديني
,
الا ياوقت وش باقي على حزن الشقا لابات
ولا به واحد يرحم همول الدمع من عيني

,
,
ودمتم بخير

والنعم بك ياصبي بللسمر ، قسمنا من العرب .

مرحباً ألوف ، وقصيدة بذائقة شعرية جميلة .

عشت عزيزاً بين ربعك وعربانك .

ونعم الف وصح الله لسانك يا الغالي

عجيب الدمع لامنه نوى ينزل نزل بسكات
ولاله صوت غير انه يشابه شعر يحكيني
,
طلبته والرجا بالله يخفف ضيقة الجيّات
الى منه سكن عرشي وحيد ودوم يبكيني
,
حزين وضيقتي صارت حروفٍ تسكن العبرات
تترجم ماخفا فيني لفرح قاصر ايديني
,
الا ياوقت وش باقي على حزن الشقا لابات
ولا به واحد يرحم همول الدمع من عيني

قصيدة جزلة من شاعر جزل ..
عز الله إنها قصيدة راقية وجميلة وتستحق الإشادة ..
الله يعطيك العافية ولك تقديري ..

المشاركة الأصلية كتبت بواسطة جاسر الغراني

والنعم بك ياصبي بللسمر ، قسمنا من العرب .

مرحباً ألوف ، وقصيدة بذائقة شعرية جميلة .

عشت عزيزاً بين ربعك وعربانك .

ماعليك زود طال عمرك
ومحد قسم احد وانا اخوك
كل واحد قسم نفسه
لاهنت على المرور

صح لسانك وبارك الله فيك وفي المنشد .