ياحسين ان الجمايل بالألفاظ

يا حاسبين إن الجمايل بالألفاظ=ترا الجمايل بالفعول الجزيلة
ماهي بحمل ينتظر وقت الاجهاض=والا علوم فعلها مستحيلة
اعطي خبر من شان يدري ويعتاظ=اللي تنومسه العلوم القليلة
اللي يسبب بين خلق الله ابغاض=الله عن عيون الخلايق يزيلة
واللي ليا منه عطا شي يعتاظ=ولا يقدم غير عجفا هزيلة
ياجعل مثلة يندفن تحت الأنقاض=ولا يحصل من العرب من يشيلة
مايخدم الا من يجي له بالأغراض=بايع جمايل يشتري من عميلة
طبايعة شينة وتاجي بالأمراض=واصبر وروحي من كلامة عليلة
مثلة على شور الرياجيل نقاض=متعلم في قدح راس الفتيلة
لاما اشعل الفتنة تحما بالوغاض=يبغا يشب النار بأية وسيلة
حتى صحيبي يوم قدح الكبس ناض=واصبح يساندله ويعطي دليلة
واللي يتسمع يوم سمع الفشق راض=كنه دخيل من سنين طويلة
وانا عيوني حددت بعض الأعراض=في وجه من حط الخطا في زميلة
مايدري إن الشعر من الراس لا هاض=ما عاد له من ضرب الأمثال حيلة
من شاعر بمعجمات الشعر خاض=من روس قوم يكسبون الجميلة

الرادار

صح لسانك ...

والله يببيّض وجهك على هذه القصيدة الجزلة ...

اسعدتني بوجودك وتنزيل قصائدك هنا في المنتدى ...

ولا زلنا نطمع بالمزيد يا مبارك ....

إحترامي

مشكور الرادار وكلام ك واقعي وتقبل تحياتي

الرادار

صح لسسانكـ ولا هان لكـ منطوق

قصيدهـ رائعه تسسلم يمينكـ

ولا عدمناكـ