الطلب بالمقابل حق والحب ذوق من قصايد مبارك العمري

يا خيال اسمعيني والله اني صدوق=ما نويتك بغدر ولا نويت اعتدي
وإن زعلتي علية فأبشري بالحقوق=والله اعلم من اللي بالخطا مبتدي
ليش بيني وبينك في التفاهم فروق=مثل مابين نجم اسهيل والا الجدي
انا ما جيت لك بالحب مثل السروق=جيت لك بالمحبة طيب واجودي
ما ادري انك تخطط لي وتبغي تبوق=مثل ما انتي استفدتي من محبك فدي
غابت الشمس عندك توها في الشروق=واظلم الليل توي ما عرفت اقتدي
كان ما للمحبة في محياك سوق=حدري في متاهات الخطر واسندي
مايدن الرعد من قبل لمح البروق=ولايحت الورق من غصن عود ندي
وانت تدري ولا كنك تحب العقوق=والسبب واضح والظاهر إنك ردي
صرت عندي تحت من عقب ماكنت فوق=وانا من دون شفك ما قصرت بيدي
وافي مانويت الشر طيب خلوق=وإن جهلتي علومي فأسمعي وانشدي
لا تحديني ازود على الطوق طوق=ركزي في كلامي وافهمي مقصدي
الطلب بالمقابل حق والحب ذوق=وانا من كثر حبي فيك قل اجهدي
مدري انك على فعل الخطايا شفوق=يوم جيت اتعدي ناوي تروح اتعدي
مير لا كبرت اللقمة تضيق الحلوق=والخوافي تبين اليوم والا غدي

مــيــر لا كــبــرت الـلـقـمـة تـضـيــق الـحـلــوق

والـــخـــوافـــي تـــبـــيـــن الــــيـــــوم والا غـــــــــدي

صدر السحاب

رائعة هذه المعزوفه والأروع والأجمل

هو تواجدك بيننا وحظوركـ الكريم

لا تحرمنا جميل ما عندكـ

ودي واحترامي

صدر السحاب اعرفك لكن القصايد الخاصة خاصة عيب عليك هذة ليست محبة تخريب سمعة

وظلم ذوي القربى اشد مضاضة ---- على المرء من وقع الحسام المهند

وافيه من راس وافي

صح الله لساااان قايلها

ما شاء الله
قصيده جميله جدا
والرادار شاعر بمعنى الكلمة
تحياتي

صدر السحاب

لا هنت على نقل هذه الرائعة للشاعر / مبارك العمري ...

وانا اشهد بالله انه شاعر كفو وجزل ويسعدني متابعة قصيدة اول بأول


تقديري

اشكركم على المرور وبصراحة معجب في هذا الشاعر المتنبي في غزلة والحطئية في الهجاء والله شاعر خطير بس مايحب الظهور انسان غريب