صحيح إنك جميله بـس تبنـا مـن هـوى الزينـات

يا بنت أرجوك أنا مأقدر كفانـي ماضـي الغلطـات =أخــاف الله يعذبـنـي وأنــا خــواف يابنـيـه
واخـاف ابساعـه اللـذه يجينـا هــادم الـلـذات=ويأخذ مـن حشـى جوفـي بقايـا روحـي الحيـه
أنا ليّه ثمان اسنيـن وأنـا مدمـن علـى الشهـوات=ديـار الفسـق حاستهـا مواطـي تحـت رجلـيـه
عيوني مـن كبـر همـي تخلـط الـدم والعبـرات=مِسيـل الدمـع مـن عينـي حفـر بالخـد ماريـه
صحيح إنك جميله بـس تبنـا مـن هـوى الزينـات=تركنـا الحـب غصـب وطـوع للعيـن الشقاويـه
يابنت أنتي على بالـك أبأخـذ مـن بنـات الشـات=أجـل مجنـون أنـا يابنـت أشيـل العقـل بيديّـه
ترى أكبر شيء يربطني مِعك جـوال ابـو شاشـات=وهاتـف ينقـل أشواقـي علـى نبـرات سلكـيـه
وترى كل العلـوم اللـي عطيتـك بالهـوى كذبـات=وحتـى دمعتـي يـوم الفـراق الصعـب كذبـيـه
هـذاك اليـوم ماهلـت عيونـي لجلـك الدمعـات=لأن الدمـع ماينـثـر بقـصـه حــب وهمـيـه
أنا أضحك مِعك واضحك منك وعليك أكثّر الضحكات=كأنـي بالـهـوى جـنـي يعـبـي راس جنـيـه
وأنا مانـي بخكـري يلبـس القمصـان والشرتـات=ويفـرح قلبـه المسكـيـن إذا حــب الدوينّـيـه
أنـا مـن لابـةٍ أروت ضمايـا سيوفهـا الغـزوات=خلاياجسمـنـا عـاشـت عـلــى دم القبيـلـيـه
ودهنتي شعـرك الاسـود بألـوانٍ مـن الصبغـات=وعيـت تقبـل الصبـغـه ملامـحـك الخليجـيـه
وحشرتـي ردفـك المسكيـن بالبنطـال والجنـزات=خلاقـيـنٍ تصنّعـهـا مـزاجــات اليـهـوديـه
عشاني ميـتٍ فـي ثغـرك الأحمـر أبـو لمعـات=تحسبينـي أبرضـخ لـك لأن إشـفـاك ورديــه
ورب الكون مأرضى فيك لو إنك شيخـة الحلـوات=وإذا صمـل علـيّ العلـم أكـب ارض السعوديـه
يابنت الناس عـزك فـي سـوادٍ يستـر العـورات=وعزي في شماغ أحمـر وثـوب أبيـض وطاقيـه
سعودييـن نفخـر فــي عبـايـات السعـوديـات=نغـض الطـرف إجـلالً إذا شفـنـا السعـوديـه
وخليجييـن نفخـر فــي عبـايـات الخليجـيـات=نغـض الطـرف إجـلالً إذا شفـنـا الخليجـيـه

مختااااره

غطني عنك راعي جصيدة تهول العقل ومشكور مية مليون مرة0

" سهيل الشرق تبنقوا راعي رد "

مشكور يا مشرف الموروث الشعبي

اهم شئ عندي ان الجصيده اعيـبتـك

عساني عيد المسامع

اخاف بساعــة اللذه يجينا هادم اللذات




يعطيك العافيه اخوي على القصيدة الرائعة

اخوك (( مووج الجنوووب))

بصراحه كلماتها قويه ...

وكل بيت اروع من الثاني ..

يسلمواااااااااا

حبيب القلب اخويه مزوحي

الله الله منك ياولد طلعت ما في خاطري بهذا القصيدة العصماء والا يقلون الحصماء ههه

والله انك ذيب ياولد ضربت على الوتر الحساس ودي اني شاعر كان رديت على بعض الناس هنيه

عيدك الله يوفجك يامزوحي على القصيدة الممتازة القوية في معانيها


الله الله من ولد هذا المزوحي سلامي لك ولمن يمر ويقراها .....عيدكم كلكم

موج الجنوب اشكر لك حضورك

إختيار موفق ...............;

اخاف بساعــة اللذه يجينا هادم اللذات

قصيدة رائعه بكل ما تعنيه الكلمه
صح لسانك ولسان قايلها
الحقيقة انها تحمل في طياتها امور في غاية الجمال ونصايح قيمه جداً
وما اجملها حين يتمسك بها الانسان المسلم0
الله يعطيك الف عافية
ولك خالص الموده
دباس الجارح

العمريه

مشاركتك هي القوى والأروع

تشكرات

مزووووووووحي

الكريمي

هلا وغلا فيك

تراها قصيدة صـمـعـاء

تشكرات على مشاركاتك

واغد بعقلك لا تايي بين العيون

وعساني عيد المسامع

الله يعطيك العافيه مزوحي
وعلى القوه
ويكفينا وياكم
وسلامتكم
بارود

دبااااااس الجارح

صح بدنك والحاضرين

والظاهر الظاهر انك اشتليت القصيده

وحذفت بها في منتدى الشعر الثاني

فالله يبارك فيك ويفعنا بمثلها من الكلام الطيب

الغالين مالهم الا الغالي

مزوووووووووووووووووووحي

كلمات في غاية الروعـــــــــــــــــــــــــــــــــــــــــــــ ــة....




الله يكثر من امثالك يااخوي مزوحي ...





تسلم..


ياسلامي عليكم يالسعوديـــــــــــــــــــــة..
ياديار الشيـــــــم يادار الاجـــــــــــوادي..



:mo13:

جميل وختيار رائع

ذوقك حلو زيك يا مزوحي

اتمنى لك التوفيق

مشاركة جميله تستاهل الثناء ولو انى شفتها متاخره ولكن لك كل الشكر والتقدير اخوي ( مزوحي )

تحياتى لك واتمنى لك التوفيق

اخوك الحيـــــران