تحدي الزواج بالثانية ..

مرة طلبت اجازة يومين الاربعاء والخميس مع الجمعة ثلاثة ايام من المدير العام وقلتله ابروح العقبة قال عروس جديدة واجبته نعم مازحا معه ولما داومت السبت انهالت التهاني والمباركات بالزواج وقلت عملها المدير وحكى للزملاء وقلت يا جماعة ترى انا ما رحت العقبة صار عندي ظرف وبقيت بالبيت وقلت للعائلة ما حصل وقالت والله لو غبت عن المنزل ساعتين كنت صدقت انك تزوجت وقلت شلون انتم الحريم تحرمون اللي ربنا احله قالت هذا اللي انتو شاطرين فيه يالرجاجيل تحكو اللي لكم بس

أبـوسيف

آلشرع حلل أربع ومانختلفهـا فيها لكـن يكـون آلـزواج بهذه آلطريقـه من آلتحديات

هـذا آلشيء آللـي ماهو مرغـوب في آلموضوع...

إذا كـان آلزواج من إقدام ورغبـه شخصيه بعيد عن آلمغريات وألتحريض هنا تكون

مقدم على خطوه إنت فكرت لها ودرستها صح...

لكن الله يدلكم عانوا آلطريق عرسوا وإفلحوا تمشوا في أرض ربي

/

آلمعذره أبوريان عدت هنا من جديد.؛

د/ زكريا ..
جت سلامات هالمرة وسلمت من الكبشة حق المطبخ
يارجال لو صممت الحين فترا لك عندي إقامة بقصر أبها لمدة عشرة أيام
وسيارة تتنقل فيها طوال المدة ورحلة طيران من أبها لمكة وأداء العمرة ..
أتوقع إن الدكتور ما بينام في بيته لمدة أسبوع بعد هذا العرض
نورت يا دكتور وتسلم على جمال وصفاء حضورك ولك تقديري ..

آنسآم المطر ..
حياك الله من جديد ورأيك سليم وفي محله ..
وأكيد مالكم إلاّ الدعاء لمعشر الرجال بالتوفيق والمسير في الأرض
تقديري ..

رفقاء سوء

شوفوا رد الخلعة ( الخرعة ) المختصر
حكمك مستعجل يا مرآم الله يوفقك ..
انتظروا وشوفوا وش صار على الزواج الثاني وبعدين احكموا ..
تقديري ..

لا ماهي خلعة الحمد لله لا لي ولا علي
بس خربوا بيت الضعيفة
الله يعينهم يتحملون الذنب ومو مستفيدين شي

مرآم ..
أقصد الخلعة في الشكل العام وليس الخاص ..
هم يعينون على فعل الخير وإذا الزوجة الأولى ضعيفه وخربوا بيتها
طيب الثانية مو تستاهل الخير زي الأولى ..
مشكلتكم ماتحبون العدل في الحياة

تستاهل الخير بس مو على حساب الثانية !!
بعدين اغلب الرجال مايعدلون إلا من رحم ربي
الصراحة وش لهم بوجع الراس يكتفي بام عياله احسن له

مرآم ..
صح كلامك ومنطقي ..
بس انتوا خذوا النظرة بالجانب الحَسن ..
زينا احنا الرجال وقت نساعد ونقدم المعونة لمن يقدم على الزواج ..
يعني لا يمكن نسبه أو نقول عنه غلطان زيكم
يا أنا يا انتوا في هذا الموضوع

لاتحاول تقنعني
ان ضمنت انه بيعدل وبيكون الوضع على مايرام ساعدهم ماراح تضمن اصلا
ابعد عن الشر وغني له

يسعد أوقاتك أبو ريان
أنا ضد اي مغريات من الزملاء أو تحدي وخلافه
ذا مطلق وقدها يسنع عمره بنفسه ويكون
قول وفعل بالثانيه والثالثه ولا يستريح

اعقب يالمخفه ورطوه الرجال وبكره تلقاه على العفش حق الشقة في سوق الحراج . هههههه

علومك ما تطيب لي بعض الاوقات .

مرآم ..
الإقناع يُقنع متى ما حدث حتى ولو بأضعف الإيمان أو دون الإعتراف به ..
مسألة العدالة غير ممكنة لأن المقصود بها العاطفة من حُب وما إلى ذلك وهنا الإنسان
لا يستطيع التحكّم بها لأن هذه طبيعة خلقته من الله سبحانه ..
أما في المأكل والمشرب والملبس وفتح بيت جديد بكامل مؤنته فهذا ممكن وحاصل ..
لذلك لابد من مساعدة من تقدم وصمّم لأن هذه واجبات دينية ودنيوية ..
>>>>>> باقي مصمم ومعنّد
تقديري ..

أبو مانع ..
هلابك والله ومنوّر ربي يوفقك ..
ولكن أشوفك مدحدر وناوي بدون مغريات لأنك مستحيل تقول على نفسك
مو براعي قول وفعل في هذي وغيرها
طيب على كذا خذ العرض بجنب كونك دندون واكسب الإثنتين كتب الله أجرك
نورت ولك تقديري ..