أكاديمية تطوير المغازل ؟؟؟

معهد تطوير الترقيم والمغازل

أولا : دروس الترقيم
* الخطط القديمة : رمي رقم الجوال ولا رمي رقم البيت الخاص
* الخطط الحديثه : توري البنت ان عندك جوال .. وتعطيها رقم البيجر
ولو حصل نصيب .. وسألتك ليش ما عطيتني رقم جوالك من البدايه قولها :
انت راح تدقي بربع وانا راح أدق بالألوف غير ان رقم البيجر ما يطلع رقمه في الفاتورة عندك
"شفتوا شلون من بدايتها .. تكبر في عينها .. ومن يبي شي يتحمل !!"

===

ثانيا : المغازلات

* فرضا البنت اعطتك وجه وكلمتها وكملتك وش تسوي ووش تقول ؟؟
راح اوريكم بعض الأسئلة والأجوبه.
===

سؤال : من مطربك المفضل ؟

الإجابه القديمه : خالد عبد الرحمن ,محمد عبده ، راشد الماجد ، .
الإجابه الحديثه : والله ياعيوني كل المطربين صاروا مثل بعض ولا في أحد متميز ..
لكن اذا بغيت أسمع .. أسمع لـ ( سلين ديون ) و ( جورج مايكل ) و ( بارفآروتي )
" ترى هذا الأخير مطرب شعبي عندهم حق حفلات وعروس واوبرا . "
===

سؤال : وين تدرس ؟

الإجابة القديمة : كلية العلوم الإداريه ، كلية الحاسب .
الإجابة الحديثه : والله انا تخرجت .. وجايتني بعثه أدرس في ناسا بس متأجله علشان المشاكل
بين كوبا وامريكا والنجم اللي أبي ادرسه بالضبط بالضبط فوق سماء كوبا .. ومنتظر يحلون المشكله
* بتقولك : وانا كمان كان نفسي أدرس النجوم ، طبعا اسمع من هنا وطلع من هنا كل شي ودهم يدرسونه
"تفلسف عليها بدورك وقل لها بإمكانك ياعمري تدرسين .. تو الفرصة مافاتتك .. خلك مخ ."
=======

سؤال : وين تسافر ؟

الإجابة القديمة : الصيف اوربا ولا امريكا ، الأعياد بيروت ولا القاهره ، غلط غلط بتقول لك : وش رايك نتقابل هناك بتصك عليك
الإجابة الحديثه : الصيف روسيا عند ولد خالتي في السفارة هناك ونستأجر كوخ في غابات الصنوبر وفي اجازات الاعايد اروح الصين ولا هولندا
ولا جزر لانجرهانز ( هذي ترى في البنكرياس ) اي شي مش عمرك حبيبي
أ"نا عارفك حدّك ديسكوات سوريا في الصيف ترقص في الحفلات وفي الاعياد دبي البحرين وترجع لنا نص صاحي"
===

س: هل عرفت بنات قبلي ؟

الإجابة القديمة : إيه وما صار نصيب افترقنا ، غلط غلط لا تقول هالجملة انتهت .
الإجابة الحديثه : اسمحي لي .. لكل انسان ماضي ، وكل ما نبشتلك هالسؤال تألم وتنهد تنهيده قويه مثل أم كلثوم في انتي عمري
"ولا تسألها هالسؤال لأنك بتسمع إجابة ملفقه فاختصر على نفسك الوقت وانطم ودش بموضوع ثاني خلك شقردي ودوخها بالأسئله"
===

سؤال : هل تقبل الزواج من بنت لها علاااقه ؟

هالسؤال هو اللي يقصم الظهر .. من جد ياما شباب مثل العسل راحو وطي بسبب هالسؤال ولكن عندي الحل
الإجابه : اولا خلك هادي .. شم حبتين هوا وقل اللي بأقوله لك ولا تزيد ولا تنقص :" حياة كل انسان هي ملك له
احنا ما نقدر نحاسب الناس على ماضيهم لأن كل منا له ماضي "، الآن يا بطل شمة هوا ثانيه وكمّل " اللي اطلبه من شريكة
حياتي ان تكون مخلصة لي وتحبني لأني بكل ما اقدر بأكون مخلص لها ومحافظ عليها ولو ما قدرت تحبني اتمنى انها تعلمني "
===
ملاحظة : يمكنكم كتابة هالكلمتين في ورقة للي ما يحفظون زين ترى هالجملة تساوي وزنها ذهب .. ومجربه

* راح تقولك البنت بكل ذهول : ياااااااي ياليت كل الناس مثلك ، ولو ماقالتها لك اصبر ولا تتكلم ولو جابتلك طاري مجتمعات وتقاليد هنا :
كح ـ اعطس ـ اشرق ـ أي شي سوه يفكك من الموضوع .

ddfrad")

ههههههههههههههههه
هههههههههههههههههههه
هههههههههههههههههههههههه

توني اكتشف اني قديم والناس تحضروا

بس مشكووووووووووووووووره يا سهارا على الدرس المجاني

خليتيني ادرس وضعي
هههههههههههههههههههههه


مع حبي وتقديري
الفيصل

السلام عليكم ورحمة الله وبركاته
ياهلا فيك أخوي الفيصل وانشالله تعلمت الأساليب ونقيت منها الا تبغى
مع شكري وتقديري لقرائتك للموضوع وتعليقك عليه..