ذكريات الأمس

سقى الله بالحيا دار سكناها لها بابين...




قصيدة للشاعر : فيصل اليامي .

يقول فيها مصورا حياة الأمس بجمالها وبساطتها وبراءتها :

ياليت ان الزمن يرجع ورى والا الليالي تدور

ويرجع وقتنا الأول وننعم في بساطتنا

زمان أول احس انه زمانٍ فيه صدق شعور

نحب ونخلص النيه وتجمعنا محبتنا

زمن ما فيه لا غيبه ولا حتى نفاق وزور

ياليته بس لو يرجع ونسترجع طفولتنا

صغار ، قلوبنا بيضا، نعيش بعالمٍ محصور

ولا نعرف ابد اغراب ما غير عيال حارتنا

ولكن دارت الأيام وبان الخافي المستور

وصار الهم متعلي على قمة سعادتنا

كبرنا وصارت الدنيا تصف أحزاننا بالدور

وتهدينا الألم والهم غصب عن عين رغبتنا

تعبنا من بلاوينا أحد ضايق وأحد مقهور

وكلٍ غارق بهمه و فالآخر تشتتنا

وانا ما أقول غير إلا، حلالاه الزمان يدور

ويرجع للورى فتره نعّدل وضع عيشتنا

ومن قصيدة للشاعر محمد بن عمار ، من أهالي القرائن نختار هذه الأبيات :

حمام الورق يومه ناح ذكرني بيوت الطين

بيوت في البلد طاحت وعصر راحت أزمانه

وإلى مني ذكرته فاضت الدمعة على الخدين

حسايف من عقب عز جرى له طاح بنيانه

سكنا يوم كنا صغار بيت الطين مرتاحين

وإلى جا الحر كن مكيف التبريد في اركانه

يحيط بنا النخل والاثل والسدر هو والتين

وحيطان كثير زرعها خضراء وريانه

سقى الله بالحيا دار سكناها لها بابين

على جال السطر تدخل علينا بعض عسبانه

ذكرت الباب أبو حلقة وبطن البيت وادرجتين

مع المصباح والمصطاح والروشن وحيضانه

وعنز عندنا وش هديها سميتها أم قرين

نسرحها مع الراعي تجي في الليل شبعانه

وذيك الجصة وبيت الدرج وصفافنا الثنتين

وذاك المجلس اللي نقشوا بالجص جدرانه

طيوفه حرفًك باذخ الجمال
رائعه ومبدعه
امتناني ل روحك ..

اختــيار راااائع..
يعطيييييييـكـ العااااااافيهه

اختيار موفق الله يعطيك العافية

ياليته بس لو يرجع ونسترجع طفولتنا
يسلمووو

يعطيك العافية

على الطرح الراائع

ولك تحيتي

أبيات رائع
تسلم الأيادي
الله يعطيكِ العافيه