تبي تعرف حبيبي ليه ما مرت علـي ذكراك

انا قلت بــ غـيابي عـنـك مـا مـرت عـلي ذكراك
ولا قلت بــ غيابي مـرت الــذكــرى وانــا لاهي

شوي .. شوي والا اسكت وعاتبني بدال اشفاك
بـعـيـنك وانـتـبـه لا ينتبه طــرفـك وهــو ســاهي

حــبـيـبـي وانت فـي قـمة زعلك وثورتك محلاك
اتّباهى بــالـزعل مــدري هــو اللي فيك متباهي

ولا احلى من زعلك بكل هالدنيـا يــا كود رضاك
ولا احلى من خطاك الا ارتعاشة عذرك الواهي

ولا احدٍ يشبهك عندي سوى دمعة ضماك وماك
وانا في حبك افرق حتى انا ماني مـن اشباهي

لو انك ما قريت الشعر ما صار الشـعـر يقراك
لو انه ما زهاك الشعر ما صار الشعــر زاهي

" احبك " كلمة ضاعت من اشفاهي قبل ما القاك
ويــوم اني لقــيـتـك صار ما بـــ شـفـاهي الا هي

اذا ما قلت لك في يوم " احبك واعشقك واهواك "
احس اني جحــود لخـــــالقي في نعمة اشــــفاهي

واحبك جنبي هــنـيـّا , واحبك لو نزحت هناك
واحــبــك سيدي ومقــيدي والآمر الــنــاهي

ابيك تقول ابي هذا .. واقول ابشر بهذا جاك
اذا ما كان " هذا " عز نفسي فالطلب راهي

وابيك تقول لــي كــل الــكــلام الا كلام انساك
" ابنسى " حلم ياهو مستحيـــل وكلمةٍ ياهـــي

تبي تعرف حبيبي ليه ما مرت علـي ذكراك
لأني ما نسيتك يـــوم حتى اذكرك لاهـــــي

تبي تعرف حبيبي ليه ما مرت علـي ذكـراك
.............. لأني ما نسيتـك يـوم حتـى اذكـرك لاهـي

حكااااااااية قلب
أبيات في غاية الجمال والروعة
لك ذائقة فذه
يعطييييييييكـ الف عاااااااااافيه

اختي شيخة بني عمرو



الأجمل والأروع حضورك وتشريفك لي هنااا




سلمت يالغلا وماننحرم هالطله ...





تقديري لك

~ حكآية قلب ~
مبدع لأنك تمكنت من أن تجعلنا نغوص في أعماق حرفك
لقلمك الوردي رونق يفوق الابداع
لحضورك عبير الورد يسمو في سمانا
اخي الغالي لا يسعني الآ ان اقول لك ابداعت
وتميزت بكل كلمة وحرف هنا
الك خالص احترامى وتقديري

عبير الورد ورونق الابداع تجللت في سموك هنا



( أميرة الجنوب )




شكراً لك وشكراً لحضورك





كل ودي ووردي لك