%% لعيون ملكنا الغالي وبمناسبة سلامته %%

لا باس يا خادم البيتين والسنّه=ربي يحفْظك لنا من كل الاخطاري
والله يعيدك لنا في حال يرضنّه=الشعب واحبابك اتنوّر لنا الداري
ويا خافقي بالسلامة للملك هنّه=واهده من الودّ بستانٍ من ازهاري
ويا هاجسي بالمثايل والشّعر دنّه=ألماس وامن الجواهر عدّ واختاري
لعيون ابو متعب الشهم الكفو عنّه=يستاهل الكفو ديوانٍ من اشعاري
الكل يغليه من قلبه وفا لانّه=صافي النوايا لشعبه حلّ واسفاري
الجود راعيه والافعال من فنّه=باني حضارة وطنّا علم واعماري
مرسي العدالة و ما خيّب لنا ظِنّه=دستورها شرع ربي منهلٍ جاري
يرفق بحال المواطن حيل ويحنّه=من جور دنياه وما في رفع الاسعاري
حامل لوا العزّ في حربٍ وكم شنّه=ضد اهل الارهاب واهل الفسق والعاري
لجل الامن يستتب ابلا عنا وحَنّه=والكل ينعم بعيشة ما بها اكداري
واحمدك يا ربنا يا راعي المنّه=عالدين و الامن واما الخير فانهاري
يالله وانا طالبك بالخير تجزنّه=وتجنّبه كيد حسّاده والاشراري
واجعلْه ووالدْه واخوانه فيَ الجنّه=والمسلمين وتنجّيهم من الناري

صح لسانك وسلم بنانك شاعر جدير بالمتابعه دمت ودام عزك

ما شاءالله ..يعطيك العافيه
وما نقول الا آميـــــــن يارب

ابو فارس
صح لسانك
وعساك على القوه
تقديري

سعيد بن عوض العمري

صح لسسانك وطاب حالكـ

قصيدة راقيه بشموخها وشموخ طرحكـ

اسال الله ان يعيد خادم البيتين سالما معافا

وان يمد بعمرهـ

لا هنت يا غالي

ولا تحرمنا جديدكـ

كل الود ,,

المشاركة الأصلية كتبت بواسطة المهاجروغصب عنه

صح لسانك وسلم بنانك شاعر جدير بالمتابعه دمت ودام عزك

صح بدنك يا غالي و عساك تسلم من كل شر

و\اشكرك على طيب مرورك ,,

المشاركة الأصلية كتبت بواسطة capitano

ما شاءالله ..يعطيك العافيه
وما نقول الا آميـــــــن يارب

الله يعافيك يا غالي و أشكرك على مرورك الكريم ,,