ليماذا روميو وجولييت قصة حب لا تنسي 00000

القصة ومافيها ....
إن روميو وجولييت حبو بعض حب صادق ...
لكنهم من عائلتين بينهما قتال وثأر .....
وفيه في مدينتهم قس عرف قصة حبهم لأنهم اضطروا ان يتقابلون في الكنيسة ..
المهم القس كان واجبه كرجل دين ما يهتم بالخلافات العائلية ويحتم عليه أن يحل هالمشكلة ...................
وزاد الطين بلة أن واحد من عيال عم جولييت قتل صديق روميو وقام روميو ثأر لصديقه بعد ضغوط لأنهم كانو يعايرونه انه جبان وبتاع بنات وماعنده وفا ... مما أدى الى طرده من المدينة لأن أهل جولييت عندهم واسطة كبيرة ..
وبعد فترة من المعاناة .....
توصل القس لحل .... وكانو أهل جولييت عزمو يزوجونها لواحد ما تبغية !!
قابل القس جولييت في الكنيسة ....
وعطاها زجاجة فيها مادة مخدرة وقال لها : تكتبين رسالة أنش انتحرتي وتشربين المخدر وتلبدين زجاجته وتحطين في يدش زجاجة السم هذي وآنه طرشت واحد يروح لروميو ويفهمه السالفة عشان يجيني وياخذش من التابوت اللي بيحطونش فيه في غرف الموتى اللي تحت الأرض ( المقبرة المسيحية ) ولا من شاف ولا من دري ..
شاء القدر ان روميو يجي و مرسال القس رايح له وما يتقابلون ..
ويشوف مراسيم العزا والدفن من بعيد لبعيد ...
ويعرف انها حبيبته جولييت اللي فكر انها ماتت ..
ويروح يوم الناس مشت وينزل ويشوفها ميتة ويطعن نفسه بخنجره ويطيح يمها ..
وتقعد البنية بعد ساعات وتشوفه ميت ... وتطعن نفسها بنفس الخنجر ..
وتنكشف السالفة بعدين ويامر حاكم المدينة ان يصير لهم قبر واحد ويتصالحون العايلتين ولا يب ينفيهم كلهم من المدينة !!
اسباب بقاء هالحب ومحد نساه سببين وهم...
السبب الإنساني : ان حبهم أصلح بين عايلتين كبيرتين وحافظ على دماء كثيرة ..
السبب الرومانسي : انهم الحبيبين الوحيدين اللي كل واحد منهم شاف الثاني وهو ميت وانتحر من أجل حبيبه..
000 تحياتي سيـمو000