سجـــــــــات تفكيري

أرسلك ربك إليّـــــه وأنت مــــانت برسول=لاأوحـــى لك الله فـــي يــــومٍ ولاأنت بنبي
ساقك كريم العطاء لــو كان مـــــالك ميول=مـــــابين نـــــون وكــاف جيت تحبي حبي
سبحانه اللي وضع لك فــي الضماير قبول=كــــن الضماير خلقــــها الله علـــــى ماتبي
ياصاحبــــــي مـايعيب الـــورده إلا الذبول =والا الضبــي دايـمٍ يكبـــــــرويبقـــى ضبي
تزول شــــــم الجبـــــال وطبعنــا مايزول=ياللي شموخك سبى عيني وفكـــــري سبي
أنت أعرف الناس في طبعي ولازلت أقول=تزول شـــــــم الجبــــــــــال وثابتٍ مذهبي
مابين سجـــات تفكيـــــري وعقلـــي يحول=حبِ دبا في دروب عـــــروق قلبــــي دبي
على ضفاف الســــراب ومنتجعك الخمول=تدفــــن بقـــــايا النهـــار وشمعتــــه تنحبي
أأنف غبـــاء القصيــــد وناصفــات الحلول=ياما ذكــــي جملــــة وتفصيــــل والا غبي
أشبــه نسيـــم الصبا الــــي دعتــــه السهول=لاشمّــــه الشايب المعتــــل يرجــــع صبي
شعري كتبتـــه على لـــحن الغرام الخجول=أنا أكـــذب الشعــــروأنت بعينــي الأعذبي
جدي وعمي وخــــالي أنت لــــي كل ذول=وإن بعتني لاأنت بن عمي ولاأنت أبن أبي