قصة زواج مضحكة

قريت هالقصه ..وصراحه ضحكت عليها وعجبتني وحبيت انكم تشاركوني فيها

هذي قصة حقيقية عن زواج بنت .

وبحكيلكم عن قصة زواجها الغريبة المضحكة.^_^... هذي البنت سلمكم الله عندها خوات أكبر منها وأصغر منها وهي توها متخرجة من الثانوي المهم بالبيت ما عندهم خدامة كل يوم الدور على وحدة من البنات تطبخ وبعدين ترمي الزبالة عند الباب المهم جا دور هالبنت اللي أتكلم عنها كانت سهرانة مع اخواتها الين الساعة 2 الصبح...وبعدها خواتها طلعوا ينامون فوق... وهي قعدت تنظف المطبخ وتشطب عليه.. وقامت طلعت الزبالة عند الباب ...المهم البنت قالت ليش أحطها عند الباب خليني أتشجع وارميها بالزبالة احسن..** وطلعت بره بالشارع وكان الشارع فاضي.. مرة وكانت الساعة حوالي 3.30 المهم يوم جت تطلع ترمي الزبالة قفل باب بيتهم هههههههه وقعدت المسكينة بالشارع ... فكرت ترن الجرس خافت أبوها يهاوشها ويسويلها شيء ..( لأن أبوها شديد)... وطلعت بالشارع ما عليها إلا ! قميصها حق البيت .. المهم حست أن صوت يقرب.. صوت سيارة!! قامت مسكت الزبالة وقلبتها ودخلت جوتها المهم كان اللي جاي ولد الجيران.. كان توه جاي من استراحة... المهم جا ولد الجيران ووقف السيارة وطلع المفتاح عشان بيدخل للبيت إلا يسمع صوت يتحرك بالزبالة؟؟!! واستغرب إن الزبالة مقلوبة قام قرب من عندها ...و جا بيرفع الزبالة ويزينها ...إلا صرخت البنت وقالت: لالالالا... قال: بسم الله الرحمن الرحيم.. إنتي إنس ولا جن؟! قالت: والله إنس قال إنتي وش جابك هنا؟؟!!... وقالت له: القصة وهي متغطية بالزبالة وترجت ولد الجيران يساعدها... قال: خلاص لا تخافين... قام قرب سيارته من باب البيت و ركب فوق السيارة ونقز وفتح للبنت الباب.. وقالها: ادخلي بسرعة لا احد يشوفك... قامت مسكينة ما

صدقت رمت الزبالة ..وطلعت كذا قدام ولد جيرانهم المهم دخلت وقفلت الباب على طوول.... وولد الجيران واقف ما تحرك يناظر فيها المهم.. ما مر على هالسالفة يومين إلا جا وخطبها من أبوها وتزوجها... ههههههه والله قصة زواج غريبة وعلى فكرة ترى هذي سالفة حقيقية وحصلت بالفعل... واللي يعيش ياما يشوف ويسمع .
بس حذاري لا تقومون يالبنات وترمون الزباله من شان الزواج
دباس الجارح

نصيبها دباسوه
جاها عند الزباله ((الله يكرمكم))

ههههههههههههه

الله يسعدهم

وانتبهو يابنات ترى فيه ناس يخطفون
ما يتزوجون لا تتجراءون

تحياتي دباس


اخوك المسكت

محد يدري وين نصيبه

وعندي قصه مثل ذي ويمكن بعضكم يعرفها
يقولك ياطويل العمر هذا واحد عايش مع اهله طالب ويم قالوا اهله
بنطلع نتمشى قال اجل تدرون انا بروح اذاكر في بيت خوي
ويوم راح قالت اخته الكبيره تدرون انا بجلس في البيت
وراحوا اهله وخوينا راح لخويه لقى عنده ضيوف قال وش رايك
نروح عندي بالبيت مافي احد وافق خويه

وراحوا البيت ويقلط الرجال في المجلس ويروح بيجيب بارد من المطبخ
المهم اخته داقه دش وتوها طالعه وخبركم مافي احد بالبيت ومالبست
بالحمام (الله يكرمكم) والله الا اخوها بوجهها

طبعا هي هربت منه وهو يلحقها لكي لاتدخل المجلس
ودخلته وصكت الباب وقال فكي شوفي من وراك الا الرجال جالس
اغمى عليها وطاحت واخوها ماعاد عرف وش يسوي
قام خويه وقال جيب ملابس ولبس اختك وودوها المستشفى وقال
دق على ابوك يجي وانا بطمر مشوار واجيك
يقولون والله ماصحت من الغيبوبه الا وهو قد خطبها ووافق ابوها


تخيلوا بالله ياشباب لو انه واحد من اصحاب المصالح ليطلع روحه
وروح اهله وتقبلوا تحياتي
[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
حق الرفيق ان جا مجال احتميته
حقه علي احميه لو كلـه عيـوب



ثـوب الصـداقـه للرفـيـق ارتديـتـه
على الوفا والعز ماهـوب مقلـوب
[/poet]

تحياتي للمسكت على المرور والتعليق
كل نصيبه يصيبه
تحيات اخوك دباس الجارح

حللللللللللللللوه قصة معليش انقلبت هنديه قصدي قصة حلوووووووه

بس الزبالة مو وظيفة البنات وش فايدت الشنبات في البيت هه

البنت شغلتها لباب بيتهن خارج الباب حق بيتهم مالها شغل فيه هذا الي ناقص

as2dt)

يعطيك العافية هلى هالقصة اخ دباس الجارح

تقبل خالص تحياتي وتقديري

دلع

مشكور دباس على هل المشاركة ..........


وأنا خايف من الشباب ما يمر بزبالة إلا ويقلبها ....

مع تحياتي....

مشكور اخي الراحل على مرورك وعلى ما كتبت
بصراحه قصه جميله
تقبل تحيات اخوك


[moved]دباس الجارح[/moved]