جيب النيسان

الســــــــــلام عليكم ورحمه الله

مافيه شك ، بأن الشعر الشعبي مازال
محبوب الكثيرين .. والشعراء - ماشاء الله - عليهم
..ماخلوا شي والا وقصدوا فيه ..


هذه القصيده كتبها
صاحب جيب نيسان في الجيب
نشوف وش قال
[poet font="Simplified Arabic,4,darkred,normal,normal" bkcolor="burlywood" bkimage="" border="double,10,indigo" type=2 line=200% align=center use=ex length=0 char="3" num="0,black" filter=""]
شكى النيسان من تصاريف الاقدار =يـقــول سـواقــي جلـبـلـي مــضــرة
عامين ساكت لـه علـى المـرّ صبـار=فـي كـل ديـره لــي عـلامـه وجــرّه
محسـبـك يـاسـواق بالـحـيـل جـبــار=رقيتـبـي فــي كـــل حـــزمٍ وحـــره
وخاطرت في مشيك على سكة القار =ماتسلم الـجـرة تــرى كـــل مره
قلـت انـت يافنـان مـن صـنـع كـفـار =مصنعـك فـي اليابـان نـعـرف مـقـره
ماغـيـر لاتكـثـر سوالـيـف واعــذار =تــرى الشـكـاوي مـاوراهـا مـســرّه
قال انت في ظهـري وبيديـك منظـار =جالس علـى مخمـل وصوتـك تجرّه
وانا احترق ياسيـدي نـارفـي نــار =مكيـنـتـي فـــي خـدمـتـك مـستـمرة
قلت انـت يالنيسـان عثـره ومخسـار =خـزانـكـم صـبــح وعـشـيــا نــغــرّه
عسانـي اتـوفـق بقـرنـاس الاحـرار =واشري سواكـم جيـب لجـل المكـرّة
وابيعكم في السوق باقـل الاسعـار =يمـكـن مــع غـيـري تـلاقــي مـبــرّه
واشري سوزوكي كل شغله بمقـدار =مــايـــصـــرف الــبــنــزيــن لله درّه
قـال انـت يبـن آدم مـخـادع وغــدار =مضيـع المعـروف وهـرجـك مـغـرّه
ان بعتني تنـدم علـى خـس الاشـوار =و تـذكـر زمــان وكــل دربٍ تـمــرّه
وترى السزوكـي لـو يناسبـك بـوّار =مايحتمـل فـي الخـط لـو زدت زَرّه
إلى مشا ظلى ينطنط كمـا الـفار=في الدرب يمشي بك كما مشي ذرّه
وانا ترى يشهـد لـي الـدوج احفـار =والقـنـفـذه والـبــرك بـحــره وبـــرّه
مشيـتـهـا بـامــرك ولانـــي بنـكّــار =صـبـرت عالمـشـوار حـلـوه ومــرّه
واليـوم تنسانـي وتبـدي لــك انـظـار =ياسـيـدي عالهـجـر نفـسـك مـصره
قلـت العفـو ياموتـري كـيـف تنـهـار =مـعـزتـك فـــي ظـامــري مسـتـقـرّه
زعّلتـنـي وانــا كـمـا هـبـة اعـصـار =والـنـفـس مـمــا جـالـهـا مـسـتـحـرّه
كني كما طيـر الخلا فوق الاوكار =لامـسـى يـكافـخ حـالـتـه مسـتـشـرّه
ماغيـر لاتزعـل تــرى الـكـون دوار =الله يـكـفـيـنــا عــقــابـــه وشـــــــرّه
ابشر بمـا يرضيـك فـي كـل ماصـار=ابـعـتـرف يـامـوتـري لـــك واقـــرّه
وابشّرك في الخبت يقلـون مخضـار =غــطــت نـبـاتـاتـه كـثـيـبـه وســــرّه
سحايـب الوسمـي سقتهـا بالامـطار=بامر الكريم اضحت وهـي مزدهـرّه
هيـا سـوى نـاخـذ لـنـا فـيـه مـشـوار =بـعـد الـرضـى يـامـوتـري لاتـشــره
فقال لي مسمـوح ياسيـدي الـبـار =إعــداد ماتـمـشـي نـجــوم الـمـجـرّه
تـم الجـواب وكمّـلـت كــل الاخـبـار =فــي قـصـة النيـسـان والـلـي يفــرّه
[/poet]

ارجو ان تعجـــــــــبكم

تحياتـــــــــــــي

صحت لسانك صدى الاحساس

كيف ماتعجبنا وانت من كتب

تحياتي

مشكور
اخوي القوباني



على تشريفك لي
ومجاملتك الحلوه واتمنى ان تعجب غيرك








صدى الاحساس

معناه يعاني ذلك الجيب والسبب
التويوتا حسبي الله عليها
حتى السيارات عندهم غيره
اقول ما هو ابوك اللى مسويها
ولا ما يستخدم الا تويوتا اهو صح
تحياتي لك صدى النيسان
اسف اقصد صدى الاحساس
اخوك
المسكت

صح لسانك والله /صدي الاحساس


ابيات في منتهى الروعه بس لايكون هاذي دعايه للنيسان

موصيك عليها الحمراني

تري امزح معاك اخوي

تسلم علي هاذه المشاركه تقبل تحيات واعجاب اخوك

نـــجـــم الــجـــنـــوب