قصيدة ابوي للشاعر عايد المسيلم

اخترت لكم قصيدة ابوي للشاعر عايد المسيلم واتمنى ان تحوز على رضاكم

أبـــــوي

في ليل موته جيت انا بيوم ميلاد=طفل يتيم والبكى في عيونه
صدر عن الدنيا وانا جيت وراد=لاشك نجمه لامع وسط كونه
كني انا والحزن في وقت ميعاد=فقدت فيها غالي يذكرونه
لو يسألوني يوم انا كنت بمهاد=افز بسمه كل ماينطقونه
ياقبر وش ضميت من ذيك الاجساد=الله ياضمت ابوي الحنونه
محتاج له وادري انا عنه ببعاد= النفس بعده بالحياة مغبونه
ادوره باعايده في يوم الاعياد=لاكن تذكرت البشر يدفنونه
كان الألم في داخل الصدر يزداد=وقلبي على الوالد تصافق شجونه
اعاني الحرمان في صبر وجهاد =وانا أحمد الله والملا يشكرونه
اعاند الدنيا وانا بيتم بعناد=نفس العزيز اللي يدوس المهونه
كثر البكا بفقد العزيزين مافاد=ودمعي على خدي تسايل مزونه
ابوي ملفى للأكاريم الاجواد=الطيب ساسه كلهم يمدحونه
بالطيب ماخذها على روس الاشهاد=حر ولد حر طوال ردونه
عساه بالجنه على انهار ووراد= مقره الفردوس والله يصونه

الشاعر عايد المسيلم



[IMG][/IMG]

شذى الشعر

يا هـــ وغلا ــــــلا
.
الـلـه يـعـطـيـك الــف عــآفـيـــه
.
إخــتــيــآر مـوفــق ورآئـــــع
.
وقــصــيــدة تـسـتـحـق الإعـجـآب والـشـكـر

.
فـــي إنــتــظـــار مـشـآركــآتـك الـقـآدمــه

.
أطــــيـــب تــحــيـــه لــتــوآجـــدكـ الــعَـــطــر