قولوا لبو متعب ترى الشعب مقهـور ** ياخـادم البيتيـن امسـك عصـاهـا

قولوا لبو متعب ترى الشعب مقهـور =ياخـادم البيتيـن امسـك عصـاهـا

--------------------------------------------------------------------------------

قولوا لبو متعب ترى الشعب مقهـور =ياخـادم البيتيـن امسـك عصـاهـا
ضاعت فلوس الناس مع كـل هامـور =ومثلك يعرف البير ويعـرف غطاهـا
من سي لاسوأ وبين عاثـر ومعثـور =وسهمك 0وهو سهمك رموه بخلاهـا!
كيف اشكي العله علـى كـل دكتـور =والطب عندك وانـت تعـرف دواهـا
ماخافـو الله خالـق النـار والـنـور =حتـى الأرامـل شاركوهـا بعشـاهـا
ياقلبـي اللـي فيـه نيـران وحـرور =ضاقت علي دنيـاي وسكـر فضاهـا
سوقك بلون الـدم باسبـاب مغـرور =يضغط علـى سابـك وكسـر يداهـا
في عشر اواخر نرجي الذنب مغفـور =قامـوا علينـا قومـة ٍ مـا وراهــا
واعمار صارت دمهـا اليـوم منثـور =وخاب الرجاء باعمار واللـي رجاهـا
ياما بنينـا فوقهـا ابـراج وقصـور =وراحت سدى والسوق دحـدر معاهـا
كم شاب قال ابغى اتزوج مـن الحـور =وافلس وبيره جف مـا شـاف ماهـا
وكم راعي أسره أصبح الصبح مفقور =العيـد بكـره واسرتـه مـا كساهـا
وقمت اتفكر وادرس الـراي والشـور =قلت ازبن لصقر العروبـه .. ذراهـا
بكلمه تجي من عنده اليـوم مسـرور =والسوق يرجع عشب يـروي ظماهـا
يادرعنا لا صـار بالكـون عاصـور =كم صرخـة ٍ للنـاس تسمـع صداهـا
يالحر 00 يابن الحر 00 والحر مخبور =قاد الحـرار الشامخـه فـي سماهـا
ما يلحقك يا سيـدي شـك وقصـور =لكـن رسالـه ياصـلـك محتـواهـا
انـك ابونـا والرجـا فيـك موفـور =عدلـك شمـل كـل الديـار وغشاهـا
جوني يعزوني على السـوق ماجـور =قلـت البقـا بالشيـخ يطفـي لظاهـا
ويرد لون السوق عشبـي ويخضـور =مثـل علـم دار السعـود وصفـاهـا
خيرك عميم وشاكر النـاس مشكـور =ومـزن الحيـا عـم البـلاد وسقاهـا
انت الرجا بعد الولـي تدفـع الجـور =واسلم عساك تـدوم وتحمـي حماهـا

============================================

منقوووووووووووووووووووول
__________________

والله يالوزير ابو متعب طيب ووده
يحل مشاكل هالشعــب ..... وهو قدها وقدود...تحياتي لك

أبو متعب وأبو فلان وعلان ما لهم دخل ....
الشيئ لاصار مشبوه الله ما يبارك فيه ...
حتى المطر يجيب الله خير الربا صار يجري مع
هالبشر مجرى الدم ....
لاحول ولاقوة إلا بالله

شكراً يا معاليك

الله يطول في عمر ابو متعب وهو قدهااا وقدووود

نقل من قبلي للقسم المناسب
ولاهنت يالوزير
واتمى من مشرف القسم اتخاذ اللازم في تنسق القصيدة


فالك الطيب

يعطيك العافيه
يالوزيز

بس ابغاك تعلمني من الى كتب هذي الابيات الجميله
اسمه كامل لاهنت
ارسله على البريد وشكرا

الاسم جاء غلط
الوزير

الوزير

يا هـــــ وغلا ـــــلا
الله يعطيك الف عافيـــــــــه
وصح الله لساان الــشــاعــر
قصيـــدهـ طيبه ..نقل موفـق ..إختيآر رائــع
في إنــتــظــار الجديد
تقبل أطيب التحايــــــــــا