بدال الجرح تسعه وتسعين

لحظه !! ترى ماجيت اقدم لك اعـــذار=لحظه !! وبعده سـوى اللـي تسويـن
لحظه !! بصحِّح بيننا بعض الافكـــار=وباقول لـك حاجـه قبـل ماتقوليـــن
لا تحسبينـي بانثـر الدمـع وانهــــار =والا اترجى واطلبـك مـا تروحيــــن
روحي عسى دربك بساتيـن وازهـار=روحـي وغيـري بالمخاليـق تلقيـــن
صحيح لك بالقلـب حشمـه ومقــــدار =لكـن شسـوي لـك اذا مـا تحسيــن
لي قلب لامنـه عشـق حيـل مـــدرار =ومن الغـلا عنـدي يكفـي ملاييــــن
بس إن لقى صد وجفى صـار جبَّــار=وأقدر افـارق واهجـرك لاتخافيـــن
يابنت انا لي عزتـي وباخـذ الثـــار=وابغى انصحك لارحت اصحي تنادين
ماني براجع لاتقوليـن وش صـــار؟=لاتسألينـي ليـه ؟ انتـي تعرفـيـــن
غيـرك تمنونـي وبالعـب وباختــار .=واعشق بدالك الـف وحـده بيوميـــن
وانتي رصيدك بالغلا عندي اصفـار =ماهـو بذنبـي ماعرفتـي تحبـيـــــن
وكل الذي لجلك كتبتـه مـن اشعـار =والله خسـاره فـيـك ماتستحقـيــــن
حتى صورك اللي من العـام تذكـار =بادوسهـا وانتـي قبالـي تشوفـيـن
يامـا عطيتـك الـف إنذار..وانــــذار =أقـدر افارق..قلـت لـك : لاتحديـن
والحين تحمل كل الي بيجيك ياغدار=ياما كنتي بقهر العذاري تستخفين
واليوم انا ليه اتعـب النفـس واحتـار =دامـك جرحتينـي وكنتـي تسلـيـــن
إن كنت حي ومن طويليـن الاعمـار =لجرح بدال الجـرح تسعـه وتسعيـن
والحين يالله خلـي دموعـك امطـار =وباحاول اضحك طول ما انتي تصيحين

العبيدي

صح لساانك
والله يعطيك العافيه
في انتظار جديدكـ
تقبل أطيب التحايـــا

صح لسانك وسلمت يا ذيب وعزت النفس زادت القصيد روعة
ابيك توقد قلبها في الهوى نار....... ثم قلها روحي عسى ما تردين
ثـم قلها يا بنت ذا الـوقت دورار....... مصيرك انتي في بعادي تحنين
جت على عجل واسف على القصور
محبك فتى عسير

العبيدي ... مع الإعتذار على الخطأ في الإسم سابقاً

صح لسانك .. لله درك من صاحب كلمة ..

أُعجبت كثيراً بما سطرت وأبدعت .. وصف جميل ومعاناة تحملها أيضاً هذه الأبيات

وعتاب وأشياء كثيرها رأيتها هنا .. كل ذلك ينم عن حب كبير .. وشاعر رائع

كل شكر والتقدير على التنسيق وتعاونك اخوي سيف العرب فأنت دائماً خلف الابداع

فتى عسير هذا البيتين فن وابداع وانت على عجل اجل وشلون لوانك مطول بس مرورك لحاله يشرفني كثيرا
محبك العبيدي

ابوريان الاهم انك اعجبت بهذه الابيات بغض النظر عن الاسماء ولك تحياتي واشواقي ...اخوك العبيدي

كقصيده رائعه
لكن من وجهة نظري كأنثى اقول
اللهم اني اعوذ بك من قهر الرجال

وصح لسانك ياالعبيدي فعلا قصيده رائعه لكن تخوف

والحين تحمل كل الي بيجيك ياغدار=ياما كنتي بقهر العذاري تستخفين

الأخ العبيدي صح لسانك .. ولا فض فوك .. قصيدة رائعة .. رغم قسوتها .. والأجمل منها تعليقك السابق .. وبعد نظرك .. وسعة صدرك .. البيتين أعلاه أذا ما خاب ظني يبي لها تعديل لعدم وجود الوزم الكافي ...... تقبل ذلك مني .. ولك أجمل التحايا

حسن بن عويش

الأخت الكريمه ذات الشان دوماً تكونيين ذات شأن وشكراً لزيارتك وثقي بمقولة الشاعر حامد زيد
كل شاعر يهيم بكل واد وانهم يقولون مالايفعلون حتى انا ان قلت أني نسيتك مانسيتك ولاهم يحزنون
اخوك العبيدي



اخوي حسن بن عويش منك نستفيد وشكراً على الملاحظه فهي دليل على تدقيقك في الابيات وإعجابك لك كل اللإحترام والتقدير..... اخوك العبيدي

حتى صورك اللي من العـام تذكـار
بادوسهـا وانتـي قبالـي تشوفيـن
يامـا عطيتـك الـف إنذار..وانـذار
أقـدر افارق..قلـت لـك : لاتحديـن




ابيات في قمة الروعه

صح لسانك يالعبيدي

ويعطيك العافية

المشاركة الأصلية كتبت بواسطة @بسمــــــــــه@

حتى صورك اللي من العـام تذكـار
بادوسهـا وانتـي قبالـي تشوفيـن
يامـا عطيتـك الـف إنذار..وانـذار
أقـدر افارق..قلـت لـك : لاتحديـن




ابيات في قمة الروعه

صح لسانك يالعبيدي

ويعطيك العافية

كلك ذووووووق يابسمه واشكرك على تواجدك الكريم ,,,,,تقبلي خالص شكري وتقديري
اخوك العبيدي

	ليت اللذي حباك بالزين من طيب الأشعار يسخّر قلمك لنصرة الإســــــــلام والدين يالعبيدي سعد من خفف وتزود للأسفار وسطر أبيات الغزل في وصف حور عين الدار دارين الأولــــــــــــة دار عـج وغبار والتالية بها اللي ما وصف ولا شافته عين الشجر والثمر ،ومن الخمور والعسل أنهار وقصورٍ من الذهب ملك لك أبــد الآبدين الأوله جنة من عصى الرحمن سجن الأبرار والتالية بها من الحــور ثنتين وسبعين ياعسى اللي يرجونه عباده بـالأسحار يغفر ذنوب عبدٍ دمعه وسّم الخدّيـــــن

المشاركة الأصلية كتبت بواسطة سيّد الكواسر

رد جميل وقوي شكراً على اهتمامك اخوي سيد الكواسر فأنت سيد الكلمه والمعنى والقافيه

تقبل خالص تحيات اخوك العبيدي

الاخ العبيـــــــــــــــــــــــــــــدي قصيــــــــــــــــــــــــــــــــده جميله ورائعــــــــــــــــــــــــــــه

تواجــــــــــــــــــــــد وحضـــــــــــــــور اروع واجمل
تسلللللللللللللللللللللللللللم مليون
اخوووووك
الساااااااااااااري

المشاركة الأصلية كتبت بواسطة السارى

الاخ العبيـــــــــــــــــــــــــــــدي قصيــــــــــــــــــــــــــــــــده جميله ورائعــــــــــــــــــــــــــــه

تواجــــــــــــــــــــــد وحضـــــــــــــــور اروع واجمل
تسلللللللللللللللللللللللللللم مليون
اخوووووك
الساااااااااااااري

انت كل الروعه يالساري
تواجدك ومرورك اروع واجمل
اخوك العبيدي