نقش المعــــــــــــــــــــــذور

نقش المعـــــــــــــــــذور

--------------------------------------------------------------------------------

ما هقيت اني رخيص ولااظنـك تبيـع=وما اعتقدت الحب يصبح مجرد سالفـه
ما تلاقي مثل حبي بهالكـون الوسيـع=يا مبادلنـي المحبـة مشاعـر زايفـه
الهوى مابه شريف ولا يعرف وضيـع=بس تقدير المشاعـر ونبـل العاطفـه
روح جرب يا مجافي وصدقني تضيـع=في عناد الريح والا جنـون العاصفـه
ما دريت اشلون تامر وانا لامرك مطيع=غلطتي مسح الفوارق وعينـك شايفـه
كنت ناوي اطفي القيض وادفي الصقيع=كل ما اسلك درب للوصل انت تخالفـه
يشتكي بعضي لبعضي ويحرمني الهجيع=في سواد الليل اسامر امانـي جارفـه
والحزن والياس في داخلي امره فظيـع=وخاطري مكسور خلف الرعود القاصفه
مايفيد الدمع ماعادنـي طفـل رضيـع=ملت عيوني عـذاب الدمـوع الذارفـه
لا تناديني فانا ضايق وجرحـي وليـع=والسبب في موت قلبي جروحي النازفه
ما عليك حسوف روح ولي رب سميـع=ياسحابة صيف مرت بسرعـه خاطفـه
اترك القلب المشقى على حاله صريـع=بين وحشة ليل واوهام دونـه واقفـه
بلغ اللي ما درى خـل خافينـا يشيـع=واسترح مثل المحارب بـروس النايفـه
وابتعد يا معذبي يا عسى فصل الربيـع=تنبت ازهاره على روض نفسي التالفـه

اخي المعذووور 000 الله درك ياأخي كم اتحفتنا بهذه
الرائعه 000 دمت ودام تواجدك وعطاءك وتسلم يارائــــع

تقبل ارق تحيه
من أخــــــوك
الساااااري

قصيدة جميلة

وابيات رائعة

سلمت على ما سطرت

ولك اجمل تحياتي

هلا والله بالإبداع وأهله ... هلا والله بالشاعر المعذور ...

شاعر بدرجة مبدع وممتع بكل قصائدك الجميلة ...

وبكل شوق ننتظر جديدك دائماً ... فصح الله لسانك والله يعطيك العافية

مبدع ومصدووووووووووع