بيت على الكيبورد

مادام عقلي سليم وصحتي طيبة ... والامن موجود والله ساتر عورتي .
فانا ملك واملك الدنيا بما رحبت ... يلزمني الشكر للوهاب والحمد له .

بعض المعرفة بندقٍ وسط الخبا
وبعض المعرفة شمسها متحولة

وبعض المعرفة مثل منتوج الربا
َيذهب وِيذهب معرفتك الأولة

من حروفي الخاصة

قلبي من الحب ماعاده بمستوعبك
يللي غرامك يشب الشوق تحت الضلوع

من حروفي الخاصة

رسالة خاصة أتتني من الزميل والأخ العزيز يحي الوادعي،يودعني ويذكرني بخيرـتوي للتو أطلع عليها0
أتمنى من الزميل العودة للمنتدى،فهو مكسب له،وهذا المنتدى يشرف كل من ينتسب له ،ولا غنى لنا عنه0

يالوادعي يحي ع العين والراس
زميلي اللي وسط قلبي مقامه
منك الوفا وان قلت معدنك من ماس
تستاهل اكثر وانت نبع الشهامه

يالله انا طالبك ياسامع الداعي ... رضاك والستر والغفران والجنة .

ان كان تبغى عيوني فدوة عيونك
مدامك انتي معي ماني بـ حاجتها

تقصر جميع الخلايق يالغلا دونك
أبغى مودتك وش لي في مودتها

وانت بحياتي غلا من حقي آصونك
يامركب العمر وايامي / ووجهتها

واطلب بقايا سنيني واغمض جفونك
ولا تحمل النفس تكفى فوق طاقتها

إدري إن المفارق يالغلا يوجعك
مثل ماوجعني الله لا يسامح خطاه
كيف مشتاق لك ؟ والروح قدها معك
عن محبتك والله مال قلبي غناه

تعال وأسألني كيف الحال
وأعلمك كيف هي أحوالي

في غيبتك شيء ماينقال
طيفك فلا غاب عن بالي

اضحك عشاني للحياة وتبسم
اضحك عسى الدنيا فدانا حبيبي


من زينة عيونك على حلو مبسم
اتحمد الله يوم صرتي [ نصيبي

يفز له قلبي كما فزة النما
لي شاف وجه امه وقامت تهايبه

واتوق له توق الموحّش من القفص
وأشتاق له شوق السجين لقرايبه

على سحاب العشق برقه يشوقني
وعلى ورود الحب هبت هبايبه

من حروفي الخاصة

الله عليم بما يدور بداخل صدور البشر
والا البن ادم ماله الا ظاهر امرٍ يسمعه

يارب عفوك ياكريم الوجه في يوم الحشر
في ساعةٍ يارب فيها الضيق تتلاه السعة

من حروفي الخاصة

أتحشاه ماهو خوف لكن مزا
وأدعي الله يعجل لي وله بالفرج

وإلا هو يدري إن حبه بقلبي وزا
ومابي أسبب لنفسي ولا له حرج

سألت عنك كل راحل ونازل
حتى فوادي في غيابك سألته

وسولفت لأطيافك وزرت المنازل
اللي تذكرني بدارٍ نزلته

وكتبت لك عن حرف شعري تنازل
اللي كتبته لك واذا غبت قلته

من حروفي الخاصة

عيت دروب الفرح لاتلتقي وأستريح
.... أتعبت نفسي وأنا بالحيـل عذبتهـا

يقلون للصبر مفتاح(ن) وجيته جريح
.... أخذت نفسي ليا عنـده و رجعتهـا!

المسكت

اعوذ بالله من شر النفوس الخباث
اللي لها في مواعيد الخطا دربكة

القبر غرفة بنسكنها ولكن الأثاث
أعمالنا جعلها خيرٍ لنا وبركة

من حروفي الخاصة