تغير جو المطبخ

..عرفينا عن نفسك وخاصه في الطبخ ؟
انسانه متواضعه احب الاناقه والاهتمام,
احب شي اسمه طبخ""
..وجبتك المفضله؟
مكرونه الخضار بالباشمميل"
..طبق تحبين تسوينه كثير؟
صينية توست بالخضاروالقشطه""
..متى تعلمتي الطبخ؟
تعلمت الطبخ في ثالث متوسط
..موقف طريف صار معاك في المطبخ ؟
يالله مواقف كثيره وكله بسبت السهو والتفكير
في مره من المرات جيت واصلح كبسة,واسويلكم هالتكشينه اللي تحبها قلوبكم ومن هالبهارات واحط الدجاج واسكرعليه وبعد خمس دقايق الاوشم ريحه شي محروق وافتح تعالوشوفو وش نسيت""نسيت احط المويه""
""ومره صلحت قهوه وجيت بحط هيل حطيت فلفل اسود""
..يعتمد عليك في الطبخ او لا؟
نعم يعتمد عليه
سوي طبخه وصوريها لنا؟إذا أمكن ليس إجباري!!!
ان شاء الله من عيوني بعد ماتعلم تحميل وتنزيل الصور
نصحيه توجهينها لطباخات بني عمرو ؟
اتمنى منهن ان يفيدو المنتدى بطبخاتهم وافكارهم لكي تعم الفائده
هل تستخدمي الميكرو يف؟
نعم من فتره قصيره
..ما هو رأي أهلك و زوجك في طبخك ؟
هناك ثناء واعجاب""
ماهي نوعية الاواني التي تفضلين ان تطبخي بها؟
""قدور الضغط""
ماهي الأكلة التي تحبها عائلتك وأنتي لا تحبيها ؟
لايوجد""""""""""""
.. اول طبخه طبختيها ؟؟
مكرونه""
..كم مره احترقت الطبخه معاك ؟؟
قليل مااذكر""
.. اول كتاب طبخ اعتمدتي عليه ؟؟
على كتب التدبير ايام المدرسه""
مين قدوتك بالمطبخ ؟؟..
قدوتي الغاليه الله يحفظها""الوالده""واخواتي الله يسعدهم ويوافقهم"
.. تحبي احد يساعدك بالطبخه ؟؟
نعم""واهم شي الي يساعدني يسليني ويسولف""
اذا خربت عليك الطبخه ايش تسوين ؟؟ ترميها ولا تضطري تاكليها؟؟
اذا خربت الطبخه اشيلها على جنب واعطيها الغنمات في البر""
واذالسى تنفع للاكل" تؤكل"
في اي مدينة انتي ؟؟
"الرياض"
وماهي الاطباق الشعبيه المشهوره في مدينتك؟؟؟
المطازيز (المرقوق) / الجريش / القرصان / القشد / الحنيني

وماهو الطبق الشعبي الذي ما زلت تطبخينه وتحبينه ؟؟؟
من قريب تعلمت طريقة ""العيش""لاني احبه
وتعامت" العصيده""ولكن بطريقه اسهل من الطريقه التقليديه""
اكتبى لنا طبق مفضل من اختيارك ... او من مواضيعك فضلا ؟
حلى العلب""
المقادير:
بسكوتسمسم+قشطه+4حبات كيري+4اصابع توكس+1دريم ويب
+1ظرف كريم كراميل+حليب بودره+كوكيز+بسكوت اوريو+كاس مويه+علب حفظ بلاستيك حجم صغيرخاصه للحلى لها اغطيه توجد في محلات كل شي***
الطريقه:
نضع القشطه والجبن والدريم ويب والتوكس في الخلاط الكاس ويخلط
نضع كاس الماء وملعقة الحليب والكرايمل في قدر على النار حتى الغليان
ثم نضعها على الخليط اللي في الخلاط وتخلط مع بعض حتى تصبح سائله
نوزع العلب ونضع فيها بسكوت اوريو بعد تقسيمه الى نصين ثم نضع الخليط
فوقه حتى نصف العلبه ونضع بعد ذلك حبات السمسم وفوقها كوكيز وتدخل الثلاجه حتى تبرد وتقدم""وهني وعافيه""
متى كان دخولك ل((امنتدى بني عمر))و كيف تعرفتي على المنتدى ؟
كان دخولي للمنتدى من اول ماانفتح ولكن لم اكتب واشارك الا من 3اشهر تقريبا ,عن طريق اخوي"""
.. ما رأيك بــ الفكرة لقاء وحـــوار مــع ضيفة شرف نواعم ؟
فكره جميل ورائعه
الله يعطيها العافيه""انثى تختصر النساء""
مـــيـــن ترشحى بعدك او ممكن تختاري اللي بعدك ..
ارشح"""بسمه""
ختاما"""
شاكره من رشحتني"""وان شاء الله اني كنت ضيفه خفيفه من خلال الحوار***********
ودي
+
وفيض التحايا لكم*********

س1..عرفينا عن نفسك وخاصه في الطبخ؟

إمرأة من العهد القديم نشأت على يد أم تؤمن وبقوة بمبدأ تعليم البنت

الطبخ وشؤون المطبخ منذ الصغر فمنذ وعيت على الدنيا وانا في المطبخ

لم تشفع لي اعياد مدارس امتحانات حتى اني حاولت التمرد في احدى

السنوات بتحريض من زميلات الدراسة لكن كل المحاولات باءت بالفشل

مع أمي العظيمة وما شعرت بقيمتها الا بعد ان كبرت

س2..وجبتك المفضله؟

صواني الخضار

س3..طبق تحبين تسوينه كثير؟
مافي طبق معين لاني احب التشكيل باستمرار



س4..متى تعلمتي الطبخ؟

من خامس ابتدائي

س5..موقف طريف صار معاك في المطبخ ؟

لا اتذكر الآن


س6..يعتمد عليك في الطبخ او لا؟
يعتمد

س7..سوي طبخه وصوريها لنا؟إذا أمكن ليس إجباري!!!
!!!!!!!!!

س8..نصحيه توجهينها لطباخات بني عمرو ؟

انصح طباخات بني عمرو اثناء أي عزيمة ان يفكروا في حسن تدبير الفائض من الطعام قبل الاعداد للعزيمة


وإذا بقي رز مطبوخ ولو قليل نصف كاس مثلا يضعونه في علبة

بلاستيك بعد ان يبرد ويوضع في الفريزر وكلما بقي رز من أي انواع

الرز من وجبة غدا أو عشاء يضيفونه على الرز السابق شرط

ان يكون بارد حتى تمتلئ العلبة ثم يسخن ويعطى لاي محتاج

و أن يكون في وقت الغداء حار مغطى بقصدير


س 9..هل تستخدمي الميكرو يف؟

أحيانا

س 10..ما هو رأي أهلك و زوجك في طبخك ؟

ما اذكر انهم انتقدوني في شئ الا ان كان يجاملوني لا اعلم ؟


س 11..ماهي نوعية الاواني التي تفضلين ان تطبخي بها؟
استل استيل


س12..ماهي الأكلة التي تحبها عائلتك وأنتي لا تحبيها؟
المندي

س13.. اول طبخه طبختيها؟؟


السمبوسة

س14..كم مره احترقت الطبخه معاك؟؟

مرات كثيرة لكن بعضها بريئة منها فالبوتقاز
يكون السبب لاني اقصر النار ومن خلل في البوتاجاز تعلى النار لوحدها



س15.. اول كتاب طبخ اعتمدتي عليه ؟؟

لا اذكر الصراحة لانه مرت علي كتب كثيرة

س16..مين قدوتك بالمطبخ؟؟

اخواتي الكبيرات

س17.. تحبي احد يساعدك بالطبخه؟؟

لا احب احد يساعدني لاني من تجربة اذا تدخلت يد اخرى اختلفت الطعم سبحان الله

س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟

أحاول الاحتيال عليها واعادة صنعها ولا ارميها الا اذا يئس من حالها

س 19 من اي مدينة انتي؟؟

حاليا اقيم في جدة لكن سبق وأقمت في عدة مدن

س 20 وماهي الاطباق الشعبيه المشهوره في مدينتك؟؟؟

المطبق والمنتو والفرموزة والرز البخاري والدبيازة هذا ما يحضرني الآن

س 21وماهو الطبق الشعبي الذي ما زلت تطبخينه وتحبينه؟؟؟

المرقوق

س 22 اكتبى لنا طبق مفضل من اختيارك ... او من مواضيعك فضلا ؟

http://forum.baniamro.com/t62328.html


س 23 متى كان دخولك ل((امنتدى بني عمر))و كيف تعرفتي على المنتدى؟



من إحدى القريبات

س 24.. ما رأيك بــ الفكرة لقاء وحـــوار مــع ضيفة شرف نواعم ؟


فكرة جميلة تشكرين عليها
س25 مـــيـــن ترشحى بعدك او ممكن تختاري اللي بعدك ..

هند ال فاضل

دمعه حائره تسلمين على الاجوبه ياغاليه انشاء الله نستفيد منك
ودمتي في حفظ الرحمن

س1..عرفينا عن نفسك وخاصه في الطبخ ؟

بصراحة رغم اني لا احب الطبخ ولا المطبخ لكن طبخي ممتاز واذا طبخت ...طبخت



س2..وجبتك المفضله؟

يمكن المكرونه اكثر شي احبه والمصقعه..


س3..طبق تحبين تسوينه كثير؟

المكرونه بمختلف طرقها والوانها واشكالها وانواعها


س4..متى تعلمتي الطبخ؟

من طفولتي كنت ادخل مع ماما المطبخ اتسلى واجرب اسوي حلويات وهيك ..


س5..موقف طريف صار معاك في المطبخ ؟
والله المواقف كثيره بس اللي تذكرته الان
مرة طبخت كبسه واو شي وحضرتها بالصحن وشلت الصحن بوديه على السفره اااااه ليتني ماشلته .. طيحته وراح كل اللي فيه ...والله بكيت من شدة القهر ...فاااااغره كنت بقوه


س6..يعتمد عليك في الطبخ او لا؟
نعم الحمد لله ماعدا المعجنات مو شاطره فيها كثير

س7..سوي طبخه وصوريها لنا؟إذا أمكن ليس إجباري!!!

عندي صور من قبل لكبسه دجاج


وهذا مبثوث عسير بس بطريقتي طبعا





ومن الحلى هذي خرفان العيد اسويها بعيد الاضحى




س8..نصحيه توجهينها لطباخات بني عمرو ؟
الطريق الى قلب الرجل معدته فتعلمي الطبخ لتملكي قلبه

س 9..هل تستخدمي الميكرو يف؟
نعم نعم نعم ومدري ليش حاقدين عليه مسكين..

س 10..ما هو رأي أهلك و زوجك في طبخك ؟
اهلي يقولون روعة طبخك بس من زمان عنه

س 11..ماهي نوعية الاواني التي تفضلين ان تطبخي بها؟
تيفال ..وزجاج

س12..ماهي الأكلة التي تحبها عائلتك وأنتي لا تحبيها ؟
العيش والجريش

س13.. اول طبخه طبختيها ؟؟
حلى الكنافة الكذابه

س14..كم مره احترقت الطبخه معاك ؟؟
مو كثير بس مو فاكرة كم بالضبط

س15.. اول كتاب طبخ اعتمدتي عليه ؟؟
كتاب طبخ كبير كان مشهور مره لرابحة احمد حافظ

س16..مين قدوتك بالمطبخ ؟؟
ماما فنانه بالمطبخ ..والطباخة حقتنا زمان استفدت منها كثير

س17.. تحبي احد يساعدك بالطبخه ؟؟
احب احد يغسل لي الصحون ويجهز لي المقادير حقت الاكلة..

س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟
على حسب نوع الخراب اذا كانت مقبولة الطعم اكلها ليش لا


س 19 من اي مدينة انتي ؟؟
السعودية


س 20 وماهي الاطباق الشعبيه المشهوره في مدينتك؟؟؟
الحنيني والمرقوق اظن والله مدري عنهم هههههه

س 21وماهو الطبق الشعبي الذي ما زلت تطبخينه وتحبينه ؟؟؟
العريكة ومبثوث عسير اموت فيه ولا العيش أو المشغوث حقنا نحمده كنه سيريلاك

س 22 اكتبى لنا طبق مفضل من اختيارك ... او من مواضيعك فضلا ؟

عجينة الدونات السائلة
















المقادير:





4 كاسات طحين جميع الاستعمالات
6 ملاعق حليب نيدو (بودرة)
كاس سكر
ملعقتين بيكنج بودر
4بيضات
2كاس ماء
كاس زيت
ملعقة فانيلا






الطريقة:




- يوضع الطحين و الحليب و السكر و البيكنج بودر في قدر
- نضع البيض و الماء و الزيت و الفانيلا في الخلاط الكأس و تخلط
- تسكب على المقادير التي في القدر و تخلط مع بعض بالملعقة الخشبية
- تصب في الآلة الخاصة بالدونت بعد دهنها بالزيت
- بعد النضج ترش بالسكر البودرة.

س 23 متى كان دخولك ل((امنتدى بني عمر))و كيف تعرفتي على المنتدى ؟
من عام 2005 سمعت عنه من وحده شهريه والله هههههه ..

س 24.. ما رأيك بــ الفكرة لقاء وحـــوار مــع ضيفة شرف نواعم ؟
فكرة حلوه وان كنت لا احب ان اشارك في مواضيع اللقاءات والحورات ..


س25 مـــيـــن ترشحى بعدك او ممكن تختاري اللي بعدك ..
براسلها ع الخاص اول عشان مااحرجها : )

واخيرا

اشكر صاحبة الموضوع الرائع والمفيد كثيرا
واشكر الرحايا التي اختارتني للمشاركة بعدها
وفقكن الله ...يعطيكم العافية

أختي أنثى ..ممكن تراسلي ارياف وتبلغيها انها هي المرشحة الجديده ..وفقك الله

المشاركة الأصلية كتبت بواسطة دمعة حائره

أختي أنثى ..ممكن تراسلي ارياف وتبلغيها انها هي المرشحة الجديده ..وفقك الله

ابشري ياغاليه ماطلبتي شي

ليالي جنوبيه & دمعه حائره

ماشاءالله تباارك الرحمن
سنع يبيض الوجه ربي يسعدكم

لكم حبي ~

يعطيك الف عافيه موضوع رائع ومميز
الله يسامحك يادمعه مالقيتي إللى الفاشله بالطبخ
س1..عرفينا عن نفسك وخاصه في الطبخ ؟
أنسانه عاديه متواضعه ما احب النكد احب الوناسه عندي
طموح اتمنى يتحقق فاشله في الطبخ وبصراحه انا والمطبخ أعداء
س2..وجبتك المفضله؟
برجر كنج وورق العنب <اساسين بحياتي
س3..طبق تحبين تسوينه كثير؟
احب اسوي الكشري
س4..متى تعلمتي الطبخ؟
بصراحه للان اعتبر فاشله بالطبخ لكن تقريبا بديت اطبخ بالثالث ثنوي
س5..موقف طريف صار معاك في المطبخ ؟
مره على بالي بسوي فلسفه وصجيت بنات عمي إللى بسويلكم مكروونه طبعا الكل كان رافض بعد محاولات وافقولي<< عارفين وش بحوس
رحت وحطيت ثلاث علب مكرونه حسبته قليل بغيت ازيد بس قلت خلاص مع الحماس طبعا سلقتها وماحطيت إلى ملح<<نسيت التكشين والحركات
رحت وحطيته عندهم واثقه وطبعا طلعت كانها ذبيحه حطيتها بصحن ذبيحه من كثرها <<كانو بيذبحوني ترى
الكل قعد يهاوشني وبلاخير كلن قام ياكل نفسه غصب لين تفقعنى على طعم مايناكل الحمد الله بس وبعده توبه معد سويت.
س6..يعتمد عليك في الطبخ او لا؟
ابدا مايعتمدون ولايفكرون بعد<<خايفين من حوسه المطبخ
س7..سوي طبخه وصوريها لنا؟إذا أمكن ليس إجباري!!!
ودي اسويلكم بس الحين اختبارات وحوسه
س8..نصحيه توجهينها لطباخات بني عمرو ؟
أنصحكم تتركون الطبخ وخلو اهليكم جيعانين لا امزح معكم الطبخ ثم الطبخ تعلموا أكثر وحاول تطورون نفسكم بالطبخ اكثر
س 9..هل تستخدمي الميكرو يف؟
كثيررررررررر
س 10..ما هو رأي أهلك و زوجك في طبخك ؟
لسه الحمدالله ما متزوجه<<خايفه من الكرف
س 11..ماهي نوعية الاواني التي تفضلين ان تطبخي بها؟
أكثر شي التيفال والبيركس
س12..ماهي الأكلة التي تحبها عائلتك وأنتي لا تحبيها ؟
السبااانخ
س13.. اول طبخه طبختيها ؟؟
مكروووووونه
س14..كم مره احترقت الطبخه معاك ؟؟
مع أني فاشله في الطخ ما احترقت إللى مرتين
س15.. اول كتاب طبخ اعتمدتي عليه ؟؟
ما اعتمد بالطبخ على كتب من العايله
س16..مين قدوتك بالمطبخ ؟؟
امي واختي الكبيرره
س17.. تحبي احد يساعدك بالطبخه ؟؟
لا ما احب ابدا
س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟

على حسب إذا تناكل ناكل لاكن ضرهها واجد في بارميها
س 19 من اي مدينة انتي ؟؟
الريااض
س 20 وماهي الاطباق الشعبيه المشهوره في مدينتك؟؟؟
الجريش القرصان
س 21وماهو الطبق الشعبي الذي ما زلت تطبخينه وتحبينه ؟؟؟
ما احب الاكل الشعبي كثير وما اعرف اطبخه
س 22 اكتبى لنا طبق مفضل من اختيارك ... او من مواضيعك فضلا ؟
شراب موكا

2 ملعقه طعام كاكاو بودره -
1 ملعقه طعام نسكافيه -
4 ملاعق طعام سكر-
2 ملعقة طعام كريمة (يمكن استبدالها بدريم ويب) -
2 ملعقة طعام حليب بودرة
1 ملعقة صغيرة فانيلا (يمكن الاستغناء عنها) -
كوب و نص ثلج -
القليل من الماء -
كريمة للتزيين -


*·~-.¸¸,.-~*الطريقة: *·~-.¸¸,.-~*

توضع جميع المقادير في الخلاط، و تخلط جيدا
تصب في أكواب التقديم
تزين بالقليل من الكريمة و القليل من بودرة الكاكاو




س 23 متى كان دخولك ل((امنتدى بني عمر))و كيف تعرفتي على المنتدى ؟
2008 وحده من بنات جماعتنا
س 24.. ما رأيك بــ الفكرة لقاء وحـــوار مــع ضيفة شرف نواعم ؟
موضوع رائع ومميزا
س25 مـــيـــن ترشحى بعدك او ممكن تختاري اللي بعدك ..

عطر الورد

مراحب ياجميييلات
صرااحه ماكنت عارفه ع ـالترشيح وأشكر أرياف على اختيارها لي
ولي باك معاكم باءذن الله قرييبا

حبي لكم ~

س1..عرفينا عن نفسك وخاصه في الطبخ ؟
بنوته أحب مجالات الفن كافه والأبداع لكم مشكلتي
كسوله وماأحقق شي من ابداعي وطبعا بعييييداً عن الطبخ
س2..وجبتك المفضله؟
مكرونه فيتوشيني مررره آحبها


س3..طبق تحبين تسوينه كثير؟
مكرونه باشميل

س4..متى تعلمتي الطبخ؟
لما صرت بالجامعه

س5..موقف طريف صار معاك في المطبخ ؟
مو فاكره صرااحه لان دخلتي قليله للمطبخ

س6..يعتمد عليك في الطبخ او لا؟
اذا الأهل بس يعتمد لكن اذا في حد غريب لااا مايضمنون
نجاح طبختي

س7..سوي طبخه وصوريها لنا؟إذا أمكن ليس إجباري!!!
تكرموووا وهاي مكرونه بكريمة الخفق مسويتها برمضان



س8..نصحيه توجهينها لطباخات بني عمرو ؟
اللي ماتعرف مثلي تتعلم عشان ماتتوهق اذا تزوجت

س 9..هل تستخدمي الميكرو يف؟
لاااا أبدا ولو بيدي استخدمته لكن ممنوع يدخل بيتنا

س 10..ما هو رأي أهلك و زوجك في طبخك ؟
زوجي مابعد شرف لكن قريب انشاءالله
وأهلي يعجبهم لكن يتضايقون من الفلفل الحاار وانا احبه
وأبلشهم فيه

س 11..ماهي نوعية الاواني التي تفضلين ان تطبخي بها؟
والله ماعندي خبره كافيه لكن تيفال الأفضل أعتقد

س12..ماهي الأكلة التي تحبها عائلتك وأنتي لا تحبيها ؟
الحمدلله كل نعم ربي أحبها لكن لا حطوا ليمون أسود بالاكل
مستحييييل آكله مررره ماااأحبه

س13.. اول طبخه طبختيها ؟؟
شعيرية ماجي بالدجااج

س14..كم مره احترقت الطبخه معاك ؟؟
مرره وحده نسيت سمبوسه بالفرن لكن عدت على خير

س15.. اول كتاب طبخ اعتمدتي عليه ؟؟
كتاب النخبه سويت حلى منه لكن ماضبط معااي

س16..مين قدوتك بالمطبخ ؟؟
خوااتي ربي يوفقهم

س17.. تحبي احد يساعدك بالطبخه ؟؟
أكيييييد الخادمه مأستغني عن مساعدتها

س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟
في حال انها مقبوله تؤكل راح آكلها ويآكلوها اهلي غصب
اذا مرره ماتنفع بوديها للبر للحيوانات مابرميها


س 19 من اي مدينة انتي ؟؟
جنوبيه طبعا لكن حياتنا برياض العز فدييييييييته

س 20 وماهي الاطباق الشعبيه المشهوره في مدينتك؟؟؟
المطازيز (المرقوق) / الجريش / القرصان / القشد / الحنيني


س 21وماهو الطبق الشعبي الذي ما زلت تطبخينه وتحبينه ؟؟؟
ماأحب الشعبيات وما أعرف للأسف

س 22 اكتبى لنا طبق مفضل من اختيارك ... او من مواضيعك فضلا ؟
حلى باسكن روبنز *
مرره حلوو وسهل سوته صاحبتي وعجبني وبنقل لكم طريقته من منتدى آخر


نستله | 2 قشطه | بـآكيت بسكوت شاهي |6 حبات كيري |
للتزيين : كورن فليكس + هيرشي

كسري البسكوت وحطيه بالصينيه
في الخلاط حطي [ القشطه + النستله + الجبن ]
بعدين صبي الخلطه على البسكوت , وحطيها في الفريزر أقل شي 12 ساعه ..
اذا طلعتيها اقلبيها وحطي عليها الكورن فليكس والهيرشي ..


بهالطريقه:










س 23 متى كان دخولك ل((امنتدى بني عمر))و كيف تعرفتي على المنتدى ؟
تقريبا شهرين أو اقل أو أكثر ماني فاكره
كيف عرفت المنتدى مابخبركم سِّر !!



س 24.. ما رأيك بــ الفكرة لقاء وحـــوار مــع ضيفة شرف نواعم ؟
روووعه لكن مافي تفاعل يحمس واتمنى البنات يتفاعلوووا أكثر

س25 مـــيـــن ترشحى بعدك او ممكن تختاري اللي بعدك ..
امممممم أرشح الرحايا
وشآكره لمن رشحتني ولصاحبة الموضوع
واتمنى تكونوا استمتعوا معااي
ولنا لقاااء باذن الله

لكم حبي

عطر الورد
يم يم يم شهيتيني00ماشاء الله عليك سنعه وست بيت ((قدها ياحلوه))
حبي وفيض التحايا لك

مرحبا ياحلوات
أرشح الرحايا
اشكرك عطر الورد لترشيحي00وان شاء الله اوافيكم بطرحي
احترامي000

يعطيكم العافية جميعاوالله يسامحك اختي الرحايا

ماتدرين اني اكره طاري المطبخ

عموما تو ادري اني مرشحه عن طريق الاخت عطر الورد

الله يعافيها ...ولي عوده ان شاء الله

رشحت الاخت العزيزة "نوااااره"

وقبلت مشكورة الدعوة

بإنتظار طلتها هي ومطبخها ...

يا لبيه انا جيت

بس لو صارلكم تسمم مالي شغل