أبيات أعجبتني 00 كل واحد يشـارك

تحضنه..



لجل تضحك..


للي وراه..!


وماهمها لو شافها..!!


غايته اسمى..


كثير من العتاب..!


ومن الغضب..!


تحضنه وفي بالها..


ذاك اللي اعطاها..


الرقــــــــــم..!!


:
:

كم واحد(ن) طلّعت في راسه الشيب = تضحك بوجه يحسب انّك حبيبه
يا مدّعي بالعزّ كلّك عذاريب = ماتدري انّ الشخص يذكر بطيبه
مثلك يغرّ النّاس والله تعاجيب = من كنت حظّه والله طايح نصيبه
مادمت ما تدرا الملامات والعيب = مثلك نبيعه نرخصه وش نبيبه

وجرب يابن آدم..


وتأمل الآيات..


من يعرف القادم..!


من يهدي الجنات..!


وجاوب على مهلك..


لاتهلك الآهات..


هذا انا ابكي..!


هذا انا فرحان..!!!!


الوقفه فادتني..


والهادي الرحمن..


الواحد المنان..


هل تدري يا...........إنسان..؟!!



:
:

رفعت نفسك تحسب النّاس من دون = تبي لهم حقران هذا مرامك
روح روحة اللّي قبل عامين مدفون = اللهّ لايرحم بقايا عظامك
غيرك لقينا ينعش الروح مزيون = لو شفت زوله ما تهنّى منامك
وشلون تعمل كذا بالله وشلون = ماتعرف التقدير مدري علامك

قلبي ماهو بيدك..


ولافكرت انا بودك..!


انا مابي تطالع فوق..!!!


ابي تحلم على قدك..!!



:
:

أظنّ تحسب أنّ حبّك ذبحني = وصدّقت من قال أنّك انسان مغرور
غيرك نصب لي بالهوى ما طرحني = اللّي جبينه مثل نور(ن) على نور
هذاك فعلا لو بعينه ( شبحني ) = أمّا انت يالمسكين ماغير مقهور
هذاك حبّه بين ربعي فضحني = لو شاوروني فيه ماطاوع الشور

ياحبايب ياحبايب..


وين خلي اليوم غايب..


والله مااسهر معاكم..


لين اشوفه ياحبايب..


قلبي مايطاوعني اسهر..


لاني مقدر عنه اصبر..


مدري ليه هو تأخر..


مدري وش فيه ياحبايب..


فيه ملح الكون كله..


ومن يعرفه مايمله..


احمد الله صرت خله..


وصار لي اغلى الحبايب..


انا اعرف انه يبيني..


بس طول نور عيني..


هو مواعدني يجيني..


وهذا هو جا ياحبايب..


:
:
:

	دع الأيام تفعل ما تشاء وطب نفساً إذا حكم القضاء ولاتجزع لحادثة الليالي فما لحوادث الدنيا بقــاء

يوهمونك بالقصيد ابشع ذنوب..!


يرجمونك..


توب..توب..توب..


ينصحونك بالهروب..!


وين تهرب..؟!


الشوارع كلها ترد عليك..


وكل ماشخص ابتسم..


تظنه مشبه عليك..!!


وتدعي الله سرّ ..جهر..


تدعي الله ينصرك..


حتى عليك..!!!


:
:
:

والله إن القمر لاغاب نوره يغيب=والليالي بلاه اقسم ترى موحشه

لاجيت في بالك..


ماللزمن آخر..


ومابه احد يهتم..


ياسيدهم وينك..؟!


وسألتهم وينك..؟


وماجتني علومك..!


تو ابتدا همي..


وانت انتهى يومك..!!


:

:

:

حنا بلانا من خدوش الرجاجيل= اللي عن الزلات محدن يرده

رح يمّ ربعك مالنا فيك صالح = واشره على اللّي يتصل فيك ويجيك
من رافقك يا ذاك ماهو بفالح = رح يا دلع شنهو يسوّي تحدّيك
نسقيك يالمغرور من بحر مالح = وان كنت متحدّي تعال او نوريّك
الله خلق في الناس صالح وطالح = الاّ انت هذا حاضرك مثل ماضيك
واعطاك ربي للحيا وجه كالح = والطيب متعدّي جنابك ومخطيك

الصبح باحت طلته كل الاسرار = نوره كشف ماكان في معطف الليل
بانت مقاصد كل كاذب وغدار = جتني علومه قبل تجمع بهالخيل
ولم معاميل الغلا واضرب النار = يحسب جميع الكيف في نكهة الهيل
الهيل غالي فوق عن كل الاسعار = انشد عنه من يعرف الوزن والكيل
لا التموا اهل الكيف بالليل سمار = تزهى دلاله والشرف للفناجيل
الهرج واجد ينقله كل ثرثار = وكل(ن) بكيفه يتبع القال والقيل
ماجيتك اطلب زود هيبه ومقدار = ولا جيت ابي للي جرى منك تعليل
الله غني لاتكلف بالاعذار = خلك بغبك واتبع الكيف والميل
عش حاضرك مرتاح ليّاك تحتار = الوقت يضحك لك خداع وتمثيل
باكر تدور ازمان نسمع بك اخبار = نهايتك مكتوبه في المقابيل
ماهو مهم اني كتبتك بالاشعار = حرفي هديه صدق جيل(ن) ورى جيل
الحمد لله لاخطيه ولاثار = ماطلتني لو طاولت يدّك سهيل
انا عربيه جد من نسل الاحرار = والعفو شيمه من بنات "الرجاجيل"..

:
:
:

عجايب شفت بالدنيا عجايب = تشيب الطفل في سنّ الرضاعي