انواع الحب

(((انواع الحب)))

حبٍ يشيّب صاحبه ما بَعَدْ شاب=وحبٍ يشيب وصاحبه في شبابه
وحبٍ يغيب وصاحبه ما بَعَدْ غاب =وحبٍ يدوم وصاحبه في غيابه
وحب يذوّب خافقٍ ما بعد ذاب =وحبٍ يداوي صاحبه من عذابه
وحبٍ يتوّب خافقٍ ما بَعَدْ تاب =وحبٍ يزيدك رغبةٍ في الكتابه
وحبٍ حياته كلّها لوم وِعْتاب =وحبٍ حقيقي ما يضرّك عتابه
وحبٍ بلا معنى وحبٍ بلا اسباب =يبدا غريب وينتهي في غرابه
وحبٍ ضعيفٍ مثل حبرٍ على كْتاب =تمحيه دمعه في ثواني كآبه
وحبٍ قويٍ مثل قصرٍ له ابواب =لو هبّ عاتيْ الريح ما اهتز بابه
وحبٍ بداية رحلته نظرة اعجاب =واخر مطافه مثل يومٍ بدا به
وحبٍ يعيش بداخل قْلوب الاحباب =وحبٍ يشيع وكل حَيٍ درى به
وحبٍ مقامه في ضلوع الصَدِر طاب =وحبٍ يعدّي مثل مرّ السحابه
وحبٍ على قبره نعق بوم وغْراب =وحبٍ تغنّى به لحون الربابه
وحبٍ بمقدارٍ وحبٍ بلا حْساب =وحبٍ بمعروفٍ وحبٍ نهابه
وحبٍ يعيش أهله وسط داره اغراب =ويموت قهر ويندفن في ترابه
وحبٍ غدا سرّه سوالف للاجناب =وحبٍ يموت وصاحبه ما حكى به

مختاره

وحبٍ غدا سرّه سوالـف للاجنـاب وحبٍ يموت وصاحبه ما حكى بـه
وحبٍ يغيب وصاحبه ما بَعَدْ غـاب وحبٍ يدوم وصاحبـه فـي غيابـه

اختيار رايق القوبائي
اشكرك حبيبي ويعطيط الف عافيه
المسكت

هلا بلمسكت

يكفيني مرورك ولي الشرف

تحياتي

اختيار رائع 000

تحياتي لك يا القوبائي

هلا والله بهطله

هلا علي معتوق اشكرك على المرور

تحياتي