░♥ كل واحد يدخل ويكتب اقرب بيت شعر لقلبه♥░

تدري كثر مالي من الناس خلان
..... اللي صفوا لي بالشدايد قلايل
بس مرات ربك يرزقك خوة انسان
...واحد ويسوى في عيونك قبايل

ياقلب . . . مالك ومال صدور خلق الله

...... والله ما يدوم عزّك .. غير في صدري !

لاعشعش بصدري من الغبن شيطان ~~ و استوقفت دوني جميع الوسايل

يفزع من عيال الحمايل كحيلان ~~ اللي يكفي عن عيال الحمايل

مرات ربك يرزقك خوّة انسان ~~ واحد و يسوا في عيونك قبايل

في هالزمن كل شئ بٍ ثمن
حتى قطرة حليب ما تجي إلا بغبن !
زمن كل شئ فيه بٍ ثمن
الله يستر .. لاندخل قبورنا بلآ كفن !

"لو طحت" من عيني ..
أنا أقول "لو طحت" ..
تنزل بقلبي والخساره "لعيني" ..

■

تدري وش اللي بـ هالدنيا يضآيقني ؟
. إنك على طول : تنسآني مع أحبآبك ..
أنا [ غيابك ] ورب البيت يخنقني
. بس إنت قلي بـ غيابي كيفها أعصابك ؟

يالله استر راعي الطيب والصدر السميح وامنعه من شر ناس تحد سيوفها
في زمان مايعيش الضعيف والصحيح والتماني ما تجي للعرب بشفوفها

شوف فوق وغن بسمي على اللحن القصير
وخصني في كـل لمحـة غـرام وعمنـي

بشعـل الدنيـا عبيـر وبطفيهـا عبـيـر
ولا بناشد مـن مدحنـي و لا مـن ذمنـي

جيـت للدنيـا كبيـر وبفارقهـا كبـيـر
ومن زعل ما همني ومن رضا مـا همنـي

يابوي ليتك حيّ وتشوف حالي
تشوف وش هو صار من بعد فرقاك


صار الوطن بعدك من الناس خالي
صار... ( الوطن غربه ) بعد مافقدناك


يابوي أنا بعدّك سهير الليالي
مقهور من دنيّاي منّا.... ومنّاك !


حدتني الدنيا وأنا راس مالي
إني ... عزيز النفس . مثلك وشرواك


مافيه شيٍ في حياتي صفالي
حتى . الورود . إن جيتها صارت أشواك


أطيح واحمولي عليّه إثقالي
وأتخيلك مديت لي كف , يمناك


بعدّك ولامره ترى إرتاح بالي
أصفّق على كفي ندم وآتحراك


من ضيقتي ياكّم أصّدق خيالي
وأقوم أدوّر عنّك وآقول ب القاك


أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟


أدري لو إنك حي ياعز غالي
يمديك.. تفزع قبل.. ماجيك وانخاك !!


ويلاه , ياحالي وماهو جرالي
ويلاه , ياقلبٍ تعذب في طرياك



ويلاه , يابويّه من اول وتالي
لا...... والله.. أول.. كان.. ينجيني إدعاك


واليوم من بعدك وش اللي بقالي
غير إني أدعي ربي يغفر خطاياك


يالله حطّه وسط منزال عالي
في جنة الفردوس يارب الافلاك


واغفر ذنوبه ياعزيز الجلالي
واشرح لي صدرٍ ضااااااق من جّور دنياك



اللهم أرحم والدي بواسع رحمتك وأغفر له


وأجعل قبرة روضه من رياض الجنه ياارب

ررحم الله والدكِ . ، وأسسكنـَه ، فسسيح ، جنــَاته

وجمـَع بينكم ، في جنـَه الخلد ، إنـَه ولـي ذلـَك والقـادر عليــَه




%%%%



ولـد ، آل عطييفة

اشتقت لك ياامي وترى الشوق ذباح .. شوق الذي فاقد(ن) له فقيده ..

من بادي الوقت هذا طبع الايامـي
عذبـات الايـام ماتمـدي لياليهـا
حلو الليالي توارى مثل الاحلامـي
مخطور عني عجاج الوقت يخفيهـا
اسري مع الهاجس الي مابعد نامي
واصور الماضي لنفسي واسيليهـا
اخالف العمر اراجع سوالف اعوامي
وانوخ ركاب فكري عنـد داعيهـا

أحلامهم واجد .. وحلمي أنـآ بس
................... ( صدرٍ ) عليه أبكي ولا احس بـ الخوف ~

ردني لك موتتي في غيابـك موتتيـن
يا محول ضيقتي من وجود اليـا عـدم

لا تخلينـي مابيـن الثلاثـه و الثنيـن
البكا و السخط فيك و شعـوري بالنـدم

ضقت ذرعا يا لله انك تزينهـا تزيـن
من عيون الا مبـالاه و أيديـن الـردم

و الله ان أجرحك بقلبي كبير و له حنين
كبر ملك الامبراطـور فعيـون الخـدم

الله أكبر يا و ليفي بعدما كنـت وايـن
صار مالي في حياتك و لا موطئ قـدم

ردني لك لا خلاص انت رح و الله يعين
من علاشانك يفض الجموع و يحتـدم

خلني لي واوعدك في مقابيـل السنيـن
ما تمني صعب ولا اعشق و لا أنصـدم

انت ما قصرت يا الغالي و عذرك سمين
و طول الله عمرك و لا خلا و لا عـدم



ولـَد ، آل عطيفـة

{حبيبي} والمساء صوت ٍ قديم وضحكة ٍ صفرا

.......... تلفت ازهمك وانشد بقايا ضحكتي {وينك} ؟

{سمعتـك} في طرف ثوب السوالف {قصة ٍ عذرا}

.......... بلحظـه تاهت الدنيا و{لـمـتـنـي عـناوينك}

حضنتـك لين ماقامت {عيون اللي معي} تـقرا

.......... {ملامح صورتك فيني} وضعنا في {بحر عينك}

وصرت اساوم الواقع وحطم حلمي المسرى

.......... و{بسمة حزن بشفاه الحقيقه تطلب يدينك}

وقمت ألـمـلم يديـن الكلام و{دمعة الذكرى}

.......... واسوق الهرج لشفاتي وافـك ايدي من يدينك

نسيتـك {في خفوقي} وادري انك {جرح مايبرى}

.......... وسكنت الكلمتين اللي كسبناها من سنينك

{لك اشواقي} تزيّـن كل ليل وتـلبس القمرا

.......... عساها {تلفت انظارك} وتوصل {بيني وبينك}

{حبيبي} وانت ذاك اللي {بحال اللي يحب ادرى}

{تعال بفرحتي واجلس بقلب ٍ ينشدك .. وينك} ؟