ماذا جرى بين الشايب والبنت..!!

بسم الله الرحمن الرحيم

السلام عليكم ورحمة الله وبركاتـــه


بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن ومشهور بانه حبيب


فيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون


راحت له وقالت ( السلام عليك.. كيف حالك يا شايب ) رد السلام والله بخير الله يعافيك

وفجأه عطته ظهرها ومشت ولا استإذان ولا شي

ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه00

يقول الشايب :

يا بنت خوذي خاطري وارحمــيني =لا تجرحين العود بعيونك الســــود
غضي نظرك وغطي الوجنتيـــنـي =لعل يومٍ جدد الجرح مـا يعــــــــود
يوم انتهى مع مرمسات السنينـي =جتني صواديفه على غير مـقصود
باول شهر عشره نهـار الثنينـي =حمدان مروا به على جنازة حمود

البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل

ردت عليه وهزأته تقول 00

يا شايب الرحمن وينـك ووينـي =عزي لحالك قدمك الباب مســـــدود
قلبك عطوف وجاه قلـبٍ متينـي =والبنت ما تشفق على مغازل العود
حبل الرجا مقطوع بينـك وبينـي =مثل الغليث اللي رعا قلبه الــــدود
اقفى شبابـك والعـرب مقبلينـي =يا عود ما يرجع من العمر مـفقود

حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه

يقول حمدان :

يا بنت صـدي بالعيـون الظـــليلـه =لا صد عنـك الله نهــــــــار القيامـه
مالي ومالك يالفـروع اـــلطويلـه =لو فيك من رسم البـداوه علامــــه
يابنت مـا لـي بالثمانيـن حـــــيلـه =اهدف كما تهدف على البير قامـه
اقفى شبابي والدهر شفـت ميلـه =يالله حسـن الخاتمـه والسلامــــــه
اعطيك موجز والبضاعـه قليلـه =واخذت لك من صافي الماء سنامه

راحت الايام والشايب مسكين سنه خذله معها شايب وهي بنت وتقول له كيف اعطي شايب وجه


بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب

يقول حمدان

يا بنت ما جاك الكبـر والخشونـه =وعادت شباب اليوم يجفل من الشيب
ياسرع ما وبلـك تمـــــــزع مزونه =يالفاتنه يأم الثمان الرعابيب
يا بنت مـا بينـي وبينـك مهونـه =كلمة شرف نبي تحيـه وترحيـب
الله مـن عـودٍ ثقيـلـه طنـونـه =ينصاه راع المشكلـه والمواجيـب
على الكرم والديـن نفسـه حنونـه =تلقاه بالاجـواد شـرق وتغاريـب

جهز الابيات وارسلها مع عجوز ووعد العجوز بهديه(( عطا يعني ))اذا وصلت الرساله لها

راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعني بابياتي

العجوز مسكينه قالت طلعيني ولا ابي منكم شي الله لا يبارك فيكم ولا بقصايدكم

ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف

تقول البنت 00

العود عود وطايحـاتٍ سنونـه =من كثر مايرقد على جرت الذيب
عودٍ مهرقل والعرب ما يبونـه=ياعود ما لك في طويل المراقيب
اقفى شباب العود راحت حتونه=مثل اليتيم اللي بكا ما له مجيب
جداه ينثر دمعـة ٍ مـن عيونـه=غريق موجٍ ما لقا له مقاضيـب

هـذا ولـكـم جل إحترآمـي
واتمنى تكون أعجبتكم القصه والأبيـآت
تقبلوا أطيب التحايـ سيف العرب ـــااا

أخوي سيف العرب


الله يصبحك=يمسيك بالخير


أقولك ياولد والله ان كني اعرف حمدان ذيه<<<يفكر وين قد رايه



على العمو يسلمو ياخيو



والله انك ذوق ياخوي وعودتنا على انك تكون ذوق



في أنتظار جديدك


تقبل مني اجمل التحايا


أخوك



ولــــــــــــــــ(آل عطيفة)ــــــــــــــــــد

يا سلام يا سيف العرب ..

دائماً توافينا بنوادر رائعة ..

شكراً لك ولمجهودك الرائع .. والله يعطيك العافية ..

الله يعطيك الف عافية سيف

ما قصرت والله

فعلا أبيات جميلة ورائعة

تحياتي لك


امير الغلا

المشاركة الأصلية كتبت بواسطة ولد آل عطيفة

أخوي سيف العرب


الله يصبحك=يمسيك بالخير


أقولك ياولد والله ان كني اعرف حمدان ذيه<<<يفكر وين قد رايه



على العمو يسلمو ياخيو



والله انك ذوق ياخوي وعودتنا على انك تكون ذوق



في أنتظار جديدك


تقبل مني اجمل التحايا


أخوك



ولــــــــــــــــ(آل عطيفة)ــــــــــــــــــد

يا هــ وغلا ــلا ولد آل عطيفة
دائماً اتشرف بمرورك الكريم وتعليقك العذب
فلك كل الشكر والتقديـر يا غالي
الله يعطيك العافيه ولاهــــنـــــت
تقبل أطيب التحايــاا

المشاركة الأصلية كتبت بواسطة ابو ريان

يا سلام يا سيف العرب ..

دائماً توافينا بنوادر رائعة ..

شكراً لك ولمجهودك الرائع .. والله يعطيك العافية ..

يا هـــ وغلا ـــلا ابو ريآن

الروعه والتميز هو مرورك وتشريفك للمشاركـه يا غالي
الله يعطيك العافيه ولاهــنــــت
ولك كل الشكر والتقديـر
تقبل أطيب التحايـــــــاا

المشاركة الأصلية كتبت بواسطة أمير الغلا

الله يعطيك الف عافية سيف

ما قصرت والله

فعلا أبيات جميلة ورائعة

تحياتي لك


امير الغلا

يا هلا وغلا بأمير الغلآ
يعافيك ويسلمك يا غالي
اسعدني مرورك الكريم وتعليقك العذل
فلك كل الشكر والتقديـر ولاهـــنـــت
تقبل أطيب التحايـــــــــــــــاا