سحابة جتنا من ايران ياسعود

الاخوه الاعزاء بالمنتدي

السلام عليكم ورحمة الله وبركاته

هاذه القصيده من كلمات احد اشقاء نجم الجنوب ارجوان تنال اعجابكم

ففي احد الايام رأى شاعرنا احد القادمات من ايران للمملكه

وكانت آية في الجمال وكان شاعرنا يحب الباديه والابل وقد كتب هاذه

القصيده وقال فيها انه مستعد ببذل ابله رضى لها وليس الابل فحسب

بل الابل وصاحبها اترك الحكم لكم عليها[poet font="Simplified Arabic,5,white,normal,normal" bkcolor="transparent" bkimage="backgrounds/15.gif" border="none,4,gray" type=2 line=200% align=center use=ex length=0 char="" num="0,black" filter=""]
سحابة جتنا من ايران ياسعود= لا واهني يابوك منه رعاها
لأمطر مطرها ثم هبت به النود= ياحلو ريحتها ويابرد ماها
سحابة ماجالها برق وارعود= من خلقتي ما شفت سحبن سواها
لاشافها المسني تولع بها زود= وراع الحيا عافه طمع في حياها
انا اشهد انه تلني ناعم العود= ياحلوها ياحلو شوفة جناها
العنق عنق الريم وعيونها سود= ماحطت الروج الحمر في شفاها
والخشم سلة سيف واخدوده اورود= ورده علي وجه القمر وش حلاها
لو شافها الوبال يرخص لها الذود= يسوقها يكسب رضا والداها
ذودن خذا كاس المزايين بشهود= ماباعها فالسوق والا شراها
من ذود جده وارثه جده العود= كم من شجاعن ساق نفسه فداها
يسوقها وايقول كانك تبي زود= خذها واخذ راع المطايا معاها
من عقبها والنفس ماتقبل الرود= عفت الديار وعفت حين وطاها
انا مع العربان عايش وموجود= لاكن قلبي تلته في يداها
حاولت ارد القلب ياخافقي عود= واعقل لعل النفس نلقا دواها
اثرك مدره كن مادونك اجنود= دونك جنودن ما تزعزع حداها
قال الرجوع اصعيب بشروط وابنود= ارجع ليا رب السحابه هداها
وان كان ماعادت فلا انته بمعبود= خل القلوب البيض تتبع هواها
ترى السبب نضرتك من غير مقصود= ضيعتني والعين جاها عماها
[/poet]
ارجو ان تنال اعجابكم مع اجمل تحيه من اخوكم

نـــــجــــم الــــجــــــنــــوب

ترى السبب نضرتك من غير مقصود
..........................ضيعتنـي والعيـن جاهـا عماهـا


صح لسان القايل والناقل،،،

قصيده رائعــــــــــــــــه من شاعر متمكن

تحياتي نجم الجنوب،،،،،،،

مرحبا الف اخي السفوح

اشكرك على مرورك الكريم وتوقيعك الرايع بروعة حضورك

تقبل تحيات وتقدير اخوك

نـــــجــــم الـــــــــــجــــــــنــــــــــــوب

رائعه اخي نجم الجنوب

الله يعطيك الصحه والعافيه تحياتي

رعد الجنوب

مرحبا مليون باخي العزيز / رعد الجنوب

انت الرايع بردودك الرايعه وتوقيعك الجميل

عساني ما اعدمك تقبل تحيات وتقدير اخوك

نـــــــــــــجـــــــم الـــــجـــــنــــوب