(( ابتـسـامـاتك ))

يابعد من هو ابتسم لي جعل هالبسمة تدوم=بسمة ٍ تشرق على الدنيا وهي بلثامها
المطر بسمة رضا .. كانت زعل بين الغيوم=بسمتك حسبي على اللي حدني لخصامها
بسمتك شمس السنين اللي تصحـّي : كل يوم=بسمتك طفلة ينام العيد في هندامها
بسمتك حلم القصيد اللي سهرني قبل أنوم=بسمتك وعد العيون اللي تحب أحلامها
انتي أكرم من زماني واعذريني يوم ألوم=انتي أجمل بنت تاطا هالثرى بأقدامها
انتي احساس ٍ نشلني من على شط الهموم=دنيتي لأرض السعادة تزهمين أيامها
كل ما أخطي زاد نبضك بالتسامح يارحوم=واهني أرض ٍ غديتي رمزها و أعلامها
ياحنون ٍ رتبتني لين رتبت النجوم=ليتني طفل ٍ يشارك صدرها وأنسامها
ليتني طير ٍ وحيد في سما قلبك يحوم=ليتني كنت القضية والوصال أحكامها
طاغيه فيك الأنوثه تعشقك حتى الهدوم=ماتلام .. وشرهتك والله على اللي لامها
لو يفكر في فراش ٍ تحضنينه مايلوم=لو يفكر فــالوسايد ليلته مانامها
لو يفكر في عطورك صارت علومه علوم=لو يفكر في عيونك .. حب حتى سهامها
لو يفكر فـابتساماتك يطيح ولا يقوم=ويغدي حلمه مثل حلمي : يطيح لثامها

الجرح

سرني واسعدني ان اكون في المقدمه خلف رائعتك


صح لسانك


تحياتي وتقديري

القلب العديم

كنت ترسم الروعة هناك في ذلك المرفىء الجميل

وجدتك هنا أيضا تنسج الروعة وتبهرنا بهذا الحضور المتوهج وبهذه اللوحة الرائعة

لله درك فقلمك يصافح التميز أينما حل له بريقه المدهش وشعاعه المميز

ها أنت تسافر بنا صوب واحات التألق من خلال ما نثرت من حبر هنا

لك فـائق تـقـديـري وأحتـرامـي ،،،

بقايا عاشق

صح لسانك اخي الجرح
والله يعطيك العافيه على هذه الرائعه
تقبل خالص الموده
اخوك
ابو عبدالله

السلام عليكم..


ويسعد مساك الجرح..


كلمات تلامس الوجدان..والروح..



عذبة هي..بعذوبة كاتبها..


صح لسانك..


:

:


ودمت مبدعا..


بإنتظار جديدك..


:

:


ومع حبـــي../

صح لسانك يالجرح ...وانت ماتجي الا على الجرح