موت الحب

الجرح لاجا من سبب له نهايات بس الذي ماله سبب كيف ننساه ماكل جرح مرني له علامات ولاكل هم يدخل القلب نسلاه كلى االحياة تمرني بانتكاسات واوقف لها رغم التباريح والآه واجهت بالدنيا مصاعب وصكات والحظ ظالمني والوقت مقساه وكل البشر حولي فراد وجماعات بافعالهم زادوا عليّ المعاناه وقفت في وجه الكذب والإشاعات وأخترت منزالٍ ورى سهيل مسراه وحملت همي مع جروحي الجديدات وأخذت لي ركنٍ بعيدٍ عن خطاه ومسحت كل اللي كتبته من ابيات من عقب موت الحب وش عاد نبغاه الناس ترميني بهرج وملامات لايازماني يكفي القلب ماجاه ضاعت اماني خاطري دون رغبات واستوطنت صدري ظروفً تحداه مليت من كثر انتظار المحطات وملت حنايا خافقي قولة الآه كنت احسب الدنيا لآلي وجنات لين انصدمت بواقعٍ صعب عشناه نسيت وش يعني ضحك وابتسامات والهم خاواني وانا مقدر اجفاه صرنا رفاقة درب من يوم مامات حبٍ خيالي غيّر الوقت معناه .