تــجـمعـوا في الـشـعر عـاقل ومـطـفوق ..(مصافحه اولى)

القلب من ساحة هل الشعر محروق=لقيت دمه جامد(ن) فـي وريـده
تجمعوا في الشعر عاقل ومطفوق= أحد (ن) يعز الشعر وأحد (ن) يبيده
والشعر مثل الكنز في وسط صندوق=ماكل من غنى لحونـه يجيـده
الا اللذي يفهم على كل طاروق =الـى فتـح بنكـه شهدلـه رصيـده
واليوم أشوف الناس سابق ومسبوق= وكل يطلـع صورتـه بالجريـده
والشعر ياشعار له حق وحقوق= حقه علـى الشاعـر بجملـه مفيـده
والشعر غنوا به هل الخيل والنوق= أهل المواقف والسيـوف الحديـده
من ماضي ألأيام عاشق ومعشـوق=خلـوه يبقـى للحفيـد وحفيـده
مثل العلم مرفوع وأمارته فوق= ينظـر لـه الشاعـر بنظـره بعيـده