وصـــيــة أم ...

وصية أم تركتها لأبنها

إليـــكم القصيــدة //

يــامسنــدي قلبـي على الدوم يطريــك
ماغبــت عن عيني وطيــفك سمايــــــا

هذي ثلاث سنيــن والعيـن تبكيــــــــك
ماشفــت زولكـ زايــــر ياضنايـــــــــــا

تذكـــر حيــاتي يوم أشيلك وأداريـــك
وألاعبــكـ دايـم وتمشي ورايـــــــــــا

ترقــد على صوتــي وحضنــي يدفيك
ماغيــركـ أحد ساكــن في حشايــــا

واليــا مرضت أسهر بقربكـ وأداريــك
ماأذوق طعــم النـوم صبــح ومسايــا

يامــا عطيــتك مــن حنانــي وبأعطيك
تكبــر وتكبــر بالأمل يــامنايــــــــــا

لكـــن خسـارة بعتـني اليـوم وشفيك
وأخلــصت لـ(الزوجة) وأنا لي شقايا

أنــا أدري إنـها قاسيـــة ماتخليـــــك
قالــت عجوزك ماأبيــها معايـــــــــا

وخليتني وسـط (المصحـة) وأنا أرجيك
هذا جزاء المعــروف وهذا جزايــــــــا

ياليتنــي خدامـة بين أياديــــــــــــكـ
من شــان أشوفكـ كل يوم برضايـــا

مشكــور ياوليــدي وتشكر مساعيـك
وأدعيـلك اللـه دايـم بالهدايــــــــــــا

فـلان يـا فـلان أمــك توصيــــــك
أخاف مـا تلحــق تشوف الوصايـــا

أوصيـت دكتور المصحــة بيعطيــــك
وصيتــي وحروفهــا من بكايـــــــا

وإن مت لاتبخــل علي بدعاويـــــكـ
وأطلب لي الغفران وهذا رجايــــــا

وامطــر تراب القبــر بدموع عينيــــك
ماعاد ينفعــك الندم والنعايــــــــــا

أســأل اللـه العلي القدير أن يمن عليــنا ببر والديــنا (أحيــاء وأموات) . . .