إهـانة ... الى إذا ..!!

خذني من الهم بـ آياتك و هاتك
أشوف بين السِوّر لـ الدمع خانه

كنّك ليا شفت دمعة خوف جاتك
تُضمّها بين صفحاتك [ أمانه ] !

لو يحرقونك .. ويتمنوا وفاتك
تعيش في قلب كُل مُسلم و أذانه

شفيع من يحفظ و يفهم وصاتك
و تْشيله من الوحل و تعز شانه

يابن آدم إنسى الذي عدّى و فاتك
و سو ما يبي الله منّك والديانه

يعني لْمتى وانت تجمع سيئاتك !؟
قم صل لا أذّن المذّن آذانه .. !

كل ما لمس خشمك القاع بـ حياتك
تعني هزيمه و تحطيم و إهانه

إلا إذا كنت ساجد في صلاتك
تعني كرامه ـ و رِفعه بالمكانه


ـ ـ ـ