ثلاثـــيـنــــيـّة الـعـــمــري ( اهـــــداء خـــاص)..

سلام ياسامع صوتي وهو يدري=بما في خاطري ولو كان في خاطري كيّة
سلام عدّ المطر والسيل وهبوب من من نجدي=وعداد ماينزل من ( المطلا ) مزون مهليّة
وعداد ماسبح الطير ويسمعه ربي=وعداد ماهل دمعي وفي عيني تماريّة
سلام مثل الغلا والطيب والفل والكادي=ومثل قلب يرحب وبه من الوله جيّة
يابنت ماعاد لي قلب بلاك ياحبّي=ولا عاد لي مسكن بكون الله يواريني
ولا عدت بأحيا بعد هذا اليوم ياعمري=سوى في جفان الحب ,, كانه يداريني
ولا سار بي ساقي ولا فتّحت عيني=ولا قمت من نومي بحلوم تناديني
ولا بكيت وسال بي دمعي=غير يوم ان الهوى مايراعيني
يابنت اسمعي ...أنا ( العمري )=ابن قوم مايمشي الشيطان ممشاها
من بيوت الكرم والطيب ذاك أصلي=ولا تعرفين الولد غير في غمّة شظاياها
صحيح ماني فارس( ن) نجدي=لكن أعجبك.. لو تبغين ملقاها
ما أعرف الذل والضيم مايجدي=لو تروح رقاب ما تمحى سواياها
أنا الكاتب المكتوب في حرفي=ثواني ليل ماتفنى معاذيرة
أنا الثاير المحروم من وجدي=حبيت قلبك ولا بأشكي محاذيره
أنا بيت شعر به الوزن لي طرقي=وأنا الشعر لاصرتي محاديره
وأنا الحب صافي الحب من عندي=وأنتي المقصود وأصفى من مناديره
الله أكبر على زمان فات من عمري=وين أنتي عن القلب بأول أوقاته
يومه حب مرة وثنتين لويدري=انك نهايات حبّه ما كثر اسكاته
أقسم برب الكون وخلي البشر تدري=ماطاف في صدري سوى حبك وهمساته
ولا عـدت بين العرب بأسري=ولا أدور غير طيفك وجيّاته
حرام عليّ واسمعـوا نذري=مثل ماحرم الله على العبد ظهر أمّه
يحرم عليّ من بعدها الشين والحالي=ويحرم على قلبي سواها حبيب يلمّه
ليتكم ياناس تعطونني عذري=وليتكم تدرون بداعي الونّة
ما مثلها بالناس بين العرب والعجمي=في قربها ياعرب ريحة الجنّة
قولي اللي تقولينه يابعد قلبي=ماعاد لي مبسم ينشد الغيرة
ولا همني بعدك ولا همني قربي=ماهمني غير حب في محاجيره
لا تسمعين الا هوى صدري= ولا أسمع أنا غير سيرتك سيرة
بأودع الناس لو تبغين من بدري=وتحت أمرك لو أرحل وأترك الديرة
بس اسمعي تكفين ياعمري=لا يجي يوم وتسقيني غواديره
والى نويتي...افتحي صدري= خذي القلب ,, وادفني الباقي بلا حيرة

بقــــــــ الدب الوسيم ـــلـــــم.