!! وادي البــوح !!

عيوني يا بوريان عـافت لذيـــــذ النــــوم
ونفسي غدت ع الزاد والشرب منصــــدة

سبب من تملّكـ مهجتي قبل شهر الصـــوم
وانا قبل اشـــوفه ع الهـــوى قلبي احـــده

رموشه توقف طــاير الجـــو قبل الحـــوم
والا سلهمت عينــــه وصل سحرها جــدة

ليامن تبسـم شفت بيض البَــــرد مقســـوم
ورى شفة(ن) فيها العسـل واصل(ن) حده

ونحــر(ن) عليه من الذهب ملتوي مبروم
هني الذهب شف وين موجود ؟ من قـــده

رشيق القوام اليا مشى يستثيــر القـــــــوم
جبينه يشع الشمس والبــــــدر من خـــــده

وردفه تقول انه يعــــــاند بنــــــات الروم
ليامن جلس هده والى من وقف شـــــــده

عليه اسود(ن) كالليل يجلس معه ويقـــوم
واذا نام خلفه مســـــدله كـــوده يمــــــــده

سقاني سِحِر هاروت من ثغره المرســـوم
فلا عـــــاد لي روحة ولا عـــــاد لي رده

تعلقت به واصـبحت بمحبتـــــه مظيـــــوم
خــذا القلب من بين الحنــــــايا ولا ســده

غدى كل شيء(ن) في حياتي من اول يوم
عيوني , فؤادي , روحي وعمـري اعــده

من العــافية !! ياجعل من لامني محــروم
يصيبه هــوى مزيــــونة وينكشف ســـــده

بــوح
واحد ما منه خوف