أنا الراحل معي سله بها جرح المطـر والنـار

نثرت الليل في كفي وبعثر بعضه الإعصار=ونادتني عروق الشمس من لحظة شقا الميلاد
أناشد غيمة تاهت :ورى ماينتهي المشوار=ورى جمر المطر لاهلّ يظمي حارق الميراد
حزمت العين في شنطه عليها دمعة المسفار=وعين المنتظر تجفا عنا الساعات والميعاد
أنا الراحل معي سله بها جرح المطر والنار=بها خاطر رفع كف رسم فيها الزمان ابعاد
ركبت متون عود مات من تلويعة المنشار=ضحك للموجعة لان الغضب في محنته ما فاد
انا الراحل وانا الراجع وانا الشامخ وانا المنهار=وانا الشاري وانا البايع وانا الباقي وانا اللي باد
وانا الميت وانا الحي الذي ما همه اللي صار=غسلت السيف في جرحي وحده صار لي مقعاد
اجمّع تايه ارقام غدت من نوتة البحّار=غرق رقم وطفا رقم وبَعَضها مالقته بلاد
والى منّه لفاني الليل لملمته من الاعصار=والى نادت عروق الشمس جاوبها شقا الميلاد