هذيان البوح

احبائي تقبلوا هذه القصيدة من نزف قلمي ولست بشاعر وانما احاول ان اكتب الشعر تهمني توجيهاتكم ولست الا بكم


يالله يارحمن يافالق النوى
تبصر دبيب النمل والشمس غايبة
يافارج الكربات ياخالق البشر
لك قلبي الملهوف والنفس هايبة
يارب نور لي دروبي ودلني
وخطاي لاتاطى طواريق سايبة
ابن ادم الملهوف للمال والغنى
مايدري ان الدهر تقهر نوايبه
والخلق مفطورة على طيلة الأمل
والموت نهرن نستقي من عذايبه٠
والبعض من ماله يجور ويكتبر ٠
والموت يسري في مجاري حلايبه
قد قالها الشاعر ويازين ماوصف
في حكمتن للدهر تطوي حقايبه
ابليس والدنيا ونفسي والهوى
امراض بالعيشة وللناس دايبة
اعداء لابن ادم ويا شين مكرها
تفني مفاهيمه وتكسر ركايبه
نبني لدنيانا ونهدم لديننا
مابين عصيانن وآمال خايبة
نقطع قرابتنا وتخزى علومنا
من واصل اخوانه نغيض ونعايبه
مجالس العربان صار اللاش وسطها
يفتل مشاويره و يحكم نهايبه
يدخل كبير السن بالباب جلسته
ياذل والله مجلسن ذل شايبه
صاروا هل المعروف يلقون شتمنا
وهم على وضح النقا دون شايبة
من يوم شاف الخصم منطوق رجلنا
يبكي لمحبوبه وتسري نحايبه
غزو فكرنا والله من قبل غزونا
واخلاقنا ساحت كما الملح ذايبة٠
شباب صارو بالتفاكير كالنسا
مابين فيس البوك ولا سكايبه
أعداءنا سارو برهبان دلهم
رموا ركايزنا بطلقات صايبة
يارب زلزلهم وحطم عروشهم
وارجع لدين الحق قوة رعايبه
ياحي ياقيوم ياجبار ياعلي
تنزل مزون النصر تمطر سحايبه
قد قالها العمري مواعيظ في عبر
لانه سقاه الدهر حنظل غرايبه
ختامها بارفع لمولاي ناظري
مليكنا اللي بالكرايب دعاي به