ظلمني صاحبي أكبر ظليمه

على كف الزمن بحفر قوافي
تهز بنقشها الدمعه الأليمه

تناظر دمع الأيام الخوافي
وتبادر بالحروف المستقيمه

وثارت تشتكي من كان جافي
ونسج بيده أساليب الجريمه

وظهر لي بمظهر(ن) طيب وصافي
غزال(ن) والخطط لجلي حكيمه

وعشقه يالملا عشق إحترافي
كأنه حلم وأفراحه لزيمه

حلف لي بحبه وإنه شخص وافي
وعطاني ذيج الأبيات السليمه

وعلى أبسط شي بان إلنا الخلافي
وصار اليوم يسقيني السقيمه

وبانت همسته ووعده الخرافي
وذقت الويل من شوفة جحيمه

ودمعات الأسى بانت ذرافي
تبات بليل تجتله العتيمه

وطعني وشفت أعيانه كفافي
ذبحني بو الأحاسيس العديمه

ولا نفعتني دمعاتي وحسافي
وصرت بكل ما فيّه يتيمه

أنا أستاهل لأنه لي مجافي
وحشمته ومــ استحق لحظه الحشيمه

وقمت أصرخ وأقول اليوم كافي
ظلمني صاحبي أكبر ظليمه

ارجو ان تنال استحسانكم