سلم لي عليه .. مصافحه اولى

اخواني وخواتي الافاضل في منتديات بني عمرو ..


تبعثرت كل كلمات الاعتذار على التأخير بالمشاركه بينكم .. وكل هذا بسبب تلك الظروف والتي

تطوق حبالها على الجميع ..

ولكن عزآئي الوحيد هو سعة قلوبكم الكبيره واصالة.

يانسيم الصبح سلـم علـى سيـد المـلاح=بلغه عن حالـة العاشـق الـي يرتجيـه ؟
قله .. ان القلب الاقشر .معه من حيث راح=مثل مجنون (ن) يدور على ذبـاح اخيـه!
ياعروس البحر الاحمر ..سكن فيك الصباح=بادليـه الحـب والـصـدق بالله بادلـيـه
لو لقيته صرت تلميذ فارح بالنجاح=مايصدق ينتهي الوقت ويسولف لبيه !
لو تكلم ..يسلب العقـل ويـداوي الجـراح=وان سكت شد انتباهي وقلبي فـي يديـه!
ليتني ياطاير الشوق فـي جسمـك جنـاح=والقفص في بيت محبوب قلبي وانت فيـه
ساعـة منـك ثمنهـا سعـاده وانـشـراح=وانت لاتبخل على الـي حديثـك يشتريـه
لو تجي لبستك القلب مـن فوقـك وشـاح=واكتبي من حبـر دمـي احبـك .اكتبيـه
بس ياعصفورة الصبـح اطلبـك السمـاح=الامـل مهمـا تلاشـى معـك لاتقطعيـه
واسمعي فيروز بالصبـح او هـو اقتـراح=يوم غنتها من احساس سلم .. لـي عليـه