حبيب ٍ شالك بقلبـه .. كمـا شـال .. الريــــاض .. طويـق

&&

تعـال .. آعلمـك كيـف القصايـد تحـتـري .. لقـيـاك
تعـال .. انسولـف بقصـة هـواك .. و رحلـة التشويـق


كتبت الشعر لجل ارضي .. شعور ٍ داخلـي .. مـا جـاك
و جاك ..!! و ما كسبت الا الولَه .. مـع ضجّـة التصفيـق



غمّض و اركب احلامك .. و شفنـي محتريـك .. هنـااااك
لعـل الحلـم يجمعنـا .. و اشوفك مـن قبـل .. لاتفيـق ..



طموحـي بالحيـاه اكبـر .. مــن المعـقـول و الإدراك
و انـت اكبـر طموحاتـي .. و حلـٍم يرفـض التحقيـق




انا و قلبي نضيق .. ولـو بغيـت .. القـاك ..؟ مـا ألقـاك
و انـا .. أوّل مـن بتلقـى .. لـو الدنيـا عليـك اتضـيـق



روح بدنيـتـك كـانـك .. سلـيْـت و نسّـتـك دنـيـاك
حبيب ٍ شالك بقلبـه .. كمـا شـال .. الريــــاض .. طويـق



عزمتك داخل ضلـوع ٍ .. تصافـق من غــلا .. و حيــّـاك
تعال .. إختـر مـن اعماقـي مكـان .. و خابـرك ( ذوّيـق )



تعال إلعب علـى روحـي .. تمـون و مـاحـد ٍ ينهـاك
تعال .. ( إعرج ) على عيني وانا بكـون لـك ( صدّيـق )



ترى هالـشـوق ضـج ّ بداخلـي و اهتـز ّ .. مـن ذكـراك
مثـل مـا زاد .. دهـن العـود .. طيبـه كثـرة التعتـيـق



تعبـت آعاتـب احسـاس .. بقلبـك مـا قــدر ينـهـاك
و تقفي ْ .. و انت غارق في جفاك .. و ساهـي التحديـق



&&