قصيده أبكت كثيرون !! فهل ستبكيكم ؟؟

بسم الله الرحمن الرحيم

هذه القصيده ..أضعها بين أيديكم ..
فقد أبكت الكثيرين .. وهي لأم .. تتمنى أن يعود إليها
أبنها العاق .. لا حول ولا قوة إلا بالله ..
في هذه القصيده .. تبين الأم .. حبها لأبنها .. مع كل ما فعله بها ..
فلا أوصيكم أخوتي ونفسي ..بالأم ..بروها ..فالجنة تحت أقدامها ..
أترككم مع القصيده ..

يوم انشدوني عن دموعي وانـا امـك=جاوبتهـم وابعدتهـم عـن طوااريـك
ما ابغى اجرحك في كلمه تزيد همـك=ما ابغى اقول ان السبب من تجاافيـك
يومي لمست الصدر في يـوم ضمـك=نسيت انا اللي حولـي وقمـت ابكيـك
مدري انت عايش وارتجي لمس جسمك=او ميـت واقـول يرحمـك والـيـك
يـا ماسهـرت وزاد غمـي لغـمـك=ما ارتـاح ليـن تهتنـي فـي لياليـك
ويامـا اذا طولـت نومـك اشـمـك=واتاكـد انـك عايـش لـي وارجيـك
وياما زعلـوا منـي خوالـك وعمـك=ويا ماهجرت اقرب قريب ضحك فيـك
وياما ذرفت دمعـي واذا سـال دمـك=بـراءه الاطفـال مـاهـي بتنهـيـك
وياما انتظرتك عند بابـي وانـا امـك=واقـول فـي يـوم تجينـي واحييـك
اخـاف مـن يـوم يجينـي يغـمـك=ويجيك علمـي مـع عزيـز يعزيـك
انـا علـى الله داخلـه ثــم لـمـك=ارحم قليب في تالـي الليـل يشكيـك
فكر في منهي صابها الضيـم وظلمـك=واذكر حشن ضمك وعسـر المساليـك
ودي اشوفـك قبـل يومـي ويومـك=لــو مــرة بالـعـام الله يخلـيـك
مابيـك تقطعنـي اذا امـري يهـمـك=بقعد معك واضحك واسولف واحاكيـك
يا وليـدي اذكـر كلمـه قـال فمـك=لا قلـت كلمـه يـووه قلبـي يلبيـك
واذكر زمـان بـه فرااشـي بجنبـك=واذا شكيـت تقـول يمـه واسلـيـك
لا اشتد مابـك فـوق كتفـي اضمـك=ما ارتاح لحظه ليـن ربـي يعاافيـك
والختم لا جتك الرسالـه وانـا امـك=يمه تجي ولا انا ازحـف واجيـك ..

ولكم تقديري وحبي