عــلاقتـي ويـــاك تحتـاج تــوضيـح !!!!

لاجيـت افكـر بـ الوجيـه المفاليـح
وفرقت بين الناس عالـي و واطـي

فكرّت بك ضمن الوجيه المشافيـح
متقلطـن ببسـاط ماهـو بساطـي

علاقتـي ويــاك تحتـاج تــوضيـح
من شفت في بعض الامور اختلاطي

مثلك خطاء يحتاج وقفـه وتـصحيـح
بـيّن مثـل تـفريـق ماخذ وعاطـي

ربـيت من صغري على هبة الريـح
ولبست لي ثوبن كمومـه اخياطـي

يوم انت تلعب في يديـن المراجيـح
انا انطح الضيفان وافرش سماطـي

ما عابني لاصرت ظمـن المجاريـح
اغـلا جـروحي بين الاظلاع ساطـي

العيب لاسقت القـدم دون تصريـح
وخـليـتـهـا بـدرب الـردييــن تـاطـي

والمشكله انك تحرث النار وتصيـح
اركد قبـل لا أفـك عـنــك ربـاطـي

خـابــرك ماتبـعـد قريـب المراويـح
زايـد عن الـعالـم بكـثـر الـهياطـي

اكبـر طمـوحك لاتـعـطـرت بــ الريـح
تطلع تمشى بين شاطـي وشاطـي

عنـدي سؤال وخابـرن فيـه تجريـح
لكن ضروري تسمعـه بأنبساطـي

ارفـعك بـ يـدي للسمـا وترجع تطيـح!!
قلي شسوي فيك لا صرت واطي ؟

مما راااق لي وأعجبني
وكثير يستاهلون مثلها هالايام
أتمنى تعجبكم جميعاً وصح الله لسان شاعرها