من روائع بن جدلان

هذه القصيدة من روائع
الشاعر سعد بن جدلان
بل ومن اجمل القصائد الغزلية
وان كانت معروفة لدى الكثير ولكن القصائد الجميلة
تبقى دائما متجدده ومحبوبه

خيار الدهم

كل دارٍ أرجّعـت وأنـا سنـاوي=عزتي للـي سواتـي عزتـي لـه
زادت الحمّـى فرحنـا للمـداوي=والمـداوي زوّد الحمّـى مليـلـه
يا جميله قام يطوي الحال طـاوي=والله ان كبدي على شوفك غليله
والله ان قلبي على المّـة شفـاوي=بس ما في ايدي ولا في ايديك حيله
سجليني في عالـم حبـك فـداوي=انا مجنونـك بعـد مجنـون ليلـه
يا رقبة الخشف يا عيـن النـداوي=يا سراجيـف الذلـول المستحيلـه
يا منـاةٍ تنّقصـر منهـا المنـاوي=يا خيـار الدهـم يالقبـاء لصيلـه
لعنبوك أنتي مكاسر عـود جـاوي=ملبسك سندس شرابـك سلسبيلـه
لو تمرين الشيوخ اهـل الفتـاوي=عوّدوا مثلـي يجـرّون الطويلـه
من عشق شرواك والا لا يهـاوي=التقيّد في بعـض لاشيـاء فضيلـه

aasw ولكم مني احلى تحيه