©•°.¤« الشمع ذاب من الغـلا فِيـك »¤.°•©.ْ

وينه؟؟ يشوف الحال .. عمري فديتـه

ماغيـر اجـدد بالعهـد كـل ذكـراه

ودموع عينـي .. تنسكـب لا طريتـه

فكـري تشتـت بالوعـد ويـن ابلقـاه

ينـدر وجـود الشـي لامـن بغيـتـه

في داخلي جـرحٍ ونبـره مـع الآآآآه

والقلـب مـن همّـي عـذابٍ سقيتـه

مسكيـن يـا قلبـي تعيـش بمعانـاه

جـرحٍ عميـقٍ لـو قـوى ماشكيتـه

بإسباب قلـبٍ عانـق الحـب بْقسـاه

وانـا الـذي اقطـف عـذاب وجنيتـه

خلـوه يجرحنـي وانـا قـول فـدواه

ماهـو خسـاره الدمـع لامـن بكيتـه

أبكي وأقول اليوم : "ويلي وااا ويـلاااه

لامن رجعت ال خط شوقـي وقريتـه

مرفأ الحزن قلبي وانا صـرت مرفـاه

وجمع الهمـوم اللـي بجوفـي مبيتـه

قلبي رحمْـه الله هـذا الأجـل وافـاه

ومـن الفـراق اليـوم قلبـي عزيتـه

عانق كثيـر جـروح وماحصّـل دواه

عابـت جروحـه والـدواء مالقيتة

الشوق يفضحنـي وانـا مقـدر أنهـاه

أخـاف ملـقـى مطلـبـي لانهيـتـه

شـوف الفـرح هـذي توالـي بقايـاه

وشوف الحزن يولد حـروف وحكيتـه

وشلون يرحل؟ وش به اليوم وش جاه؟؟

مجنون هـذا يحسـب انـي سليتـه!!!

بصبر واشوف الصبر لين ألحق اقصاه

يمكـن "يحـنّ" لحالـتـي لا نخيـتـه

قولـوا لـه المهـره تنـادي وتبـغـاه

يحظـن خفوقـي والحشـا هـو بيتـه

انسى البشـر والله ولا يمكـن انسـاه

جعلـي امـوت اليـوم كانـي نسيتـه